Hechos 25:7 - Nuevo Testamento Toba Sur

⁷ Nachi co'ollaq nvideuo so Pablo, nachi anac so judiopi mayi chigaqa'ague da Jerusalén. Nachi ÿataqta qalota na qaÿasaxalec lasouaxashitpi somayi, qalaxayi sa ishit da huo'o ca 'en qanqoÿin.

Nuevo Testamento Toba Sombrero Negro

⁷ Ca'li Pablo yenoĝoneuo, joga'me judiopi jo'ne chiyoqoda'a di'me Jerusalén yec'atede'uo ca'li qama'le lama'aja da'me uo'oe qayoĝode' qoyen laviyaĝaco, mate mane'e jogaa'me ja yaqanate't ta'le yataqachiñe eja yachimaĝachichidiñe.

La'aqtaqa Ñim Lo'onatac 'Enauacna 2013

⁷ Nache co'ollaq nvireuo so Pablo, nache anac so judiopi maye chegaqa'ague da Jerusalén. Nache ỹataqta qalota na qaỹasaxalec lasouaxashetpi somaye, qalaxaye saishet da huo'o ca ỹataqta 'eesa nam qaỹasaqtapeguelecpi.

Hechos 25:7 Referans Kwoze

Hechos 24:13

Qaq ne'ena shiÿaxauapi sa ishit da huo'o ca 'eesa naq'en 'enauac nam 'eetega da ÿasouaxashit.

Hechos 25:24

Nachi 'enapeco': –'Am nta'a Agripa, qataq 'enauac nam qomi' ÿalectaiguilo, 'eda dam ÿale mayi ÿataqta qalota na judiopi mayi netaña yi Jerusalén qataq nam netaña na Cesarea da dequictapegueu'a. Qaq namayipi ÿataqta aÿim ÿi'iguelaqto'ot da de'eda ÿale sa ishit da nachi 'eetai' da nca'altauec.

Lucas 23:10

Qaq nataq'en nachattauo nam lataxala'pi na ntaxaÿaxanaxanecpi qataq nam dapaxaguenataxaatapeguec na nqataxacpi, namayipi ÿataqta qalota na ÿasaqtapeguelec da 'eetega lasouaxashit somayi.

Lucas 23:2

Huaña, nachi qaÿauo'o na qaÿasaxalecpi qoÿiitega lasouaxashit, qoÿiita': –Qomi' selaqalec de'eda shiÿaxaua da ÿataqta taÿa't naq'en na qadhuo' l'ecpi. Qataq 'eetega da sa ishit da seshiitenaq ñi lta'a na nta'alpi mayi netaña yi Roma, qataq 'eetega da nachida dam nta'a nca'alaxaqui.

Hechos 21:28

Nachi qai'alaqtalec somayi, qoÿiita': –¡Qami' Israel l'ecpi, ña qomi' qautauañi'! 'Ena nam shiÿaxaua mayi ÿataqta nmatte' 'enauaque naua 'ale'u da ÿapaxagueetapeguec na shiÿaxauapi, da yaqto' npa'aguene' na qadhuo' l'ecpi, qataq na nqataxacpi mayi chigoqo'ot so Moisés, qataq anam qad'onaxanaxaqui. Qaq namayi nagui qataq huenoxonoigui naq'en ana qad'onaxanaxaqui naua griego lashi', qaq ÿataqta ishipaxanaqchi't ne'ena n'onaxanqa' mayi qui'itta.

Mateo 15:1

Nachi huo'o na nquigueu'a so Jesús nam fariseopi qataq nam dapaxaguenataxaatapeguec na lqataxacpi so Moisés mayi chigoqta'ague da Jerusalén. Nachi qainattac somayi, qoÿiita':

1 Ts 2:16

Qaq ÿoqo'oyi naxa da sauoqtaique da sa'aqtaxanaxam da saq judiopi, da yaqto' ividauga nataq'en da qanca'alaxateec, qaq namayipi qomi' sa ÿashinema da shinaqtapeguec. Qaq de'eda 'eetec namayipi maichi nquigaxattauec da lasouaxashit. Qaq ÿoqo'oyi nagui namayipi mashi talec da saqca ca 'en'am nhuaxanaguec mayi chigoqo'ot ñi Dios.