Hechos 25:2 - Nuevo Testamento Toba Sur

² Qaq huaña yimayi, nachi na lataxala'pi na ntaxaÿaxanaxanecpi da qaitaxaÿapegue' ñi Dios qataq na judiopi mayi ÿi'oxodaicpi nachi nachaateu'a somayi da qaiquictapegueu'a so Pablo.

Nuevo Testamento Toba Sombrero Negro

² Chane'eja jogaa'me lejaliaĝanaqa ga'me tamenaĝaiqui lo'olpi 'yaĝatedeuo queda'me dachinataĝadelegue ñe'me Pablo.

La'aqtaqa Ñim Lo'onatac 'Enauacna 2013

² Qaq huaña yemaye, nache na lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq na judiopi maye ỹo'oxoraicpi, nachaateua'a somaye da qaiquictapegueua'a so Pablo.

Hechos 25:2 Referans Kwoze

Hechos 25:15

Qaq can soota'ague da Jerusalén, nachi na lataxala'pi na ntaxaÿaxanaxanecpi qataq nam lquedoxonecpi na judiopi nachi aÿim qaiquictacot da huo'otaq ishit da sashiita da yaqto' qaÿalauat.

Hechos 24:1

Qaq co'ollaq mashi inoxoodeec soua cinco na'axa'te, nachi nvi' so Ananías, som lataxala' na ntaxaÿaxanaxanecpi, chigoqta'ague da Cesarea, nnaictague' so nquedoxonecpi qataq so aloico l'o', l'enaxat Tértulo. Nachi soomayi nachaateu'alo so nta'a, da yaqto' qai'axat cam lasouaxashit so Pablo.

Hechos 25:24

Nachi 'enapeco': –'Am nta'a Agripa, qataq 'enauac nam qomi' ÿalectaiguilo, 'eda dam ÿale mayi ÿataqta qalota na judiopi mayi netaña yi Jerusalén qataq nam netaña na Cesarea da dequictapegueu'a. Qaq namayipi ÿataqta aÿim ÿi'iguelaqto'ot da de'eda ÿale sa ishit da nachi 'eetai' da nca'altauec.

Hechos 28:17

Qaq can mashi ivi' tres na'axa'te da sovidaxa yi Roma, nachi so Pablo damaxasoxoneuga nam lataxala'pi na judiopi mayi netaña yimayi. Qaq can mashi laÿoota'a't somayipi, nachi so Pablo 'enapega, 'eeta': –Qami' ÿaqaÿañicpi, aÿim nai'ctaxa co'ollaxa da qaica ca so'otec na qadhuo' judío l'ecpi, qataq qaica da ñipa'agueetega da n'onataxac som hua'au qadta'alpi, qalaxayi ñaqaiyita namayipi aÿim icoñi' can huaña yi Jerusalén, nachi aÿim ÿaneu'a na nta'alpi romano l'ecpi.

1 Ts 2:16

Qaq ÿoqo'oyi naxa da sauoqtaique da sa'aqtaxanaxam da saq judiopi, da yaqto' ividauga nataq'en da qanca'alaxateec, qaq namayipi qomi' sa ÿashinema da shinaqtapeguec. Qaq de'eda 'eetec namayipi maichi nquigaxattauec da lasouaxashit. Qaq ÿoqo'oyi nagui namayipi mashi talec da saqca ca 'en'am nhuaxanaguec mayi chigoqo'ot ñi Dios.