Hechos 25:12 - Nuevo Testamento Toba Sur

¹² Nachi so Festo co'ollaq ime da detaxaÿapegue' so ltauapi, nachi 'enapego' so Pablo, 'eeta': –'Am 'auÿaxaneu'a da 'am nmit ca nta'a mayi neta'ague da Roma. Qaq nagui nachica ca 'anqo'ona, da yaqto' 'am nmit.

Nuevo Testamento Toba Sombrero Negro

¹² Chane'eja Festo yachimaĝatalo joga'me noqotenoqo'tpi; yem qama'le enaac: —Qama'le queda'me aviyaĝanaque da'me nach'eñe ñe'me jaliaĝanec 'me ne'tague di'me Roma nemitaque ga'me adaviyaĝajet, qama'le auec'ata ñe'me jaliaĝanec.

La'aqtaqa Ñim Lo'onatac 'Enauacna 2013

¹² Nache so Festo co'ollaq ime da detaxaỹapegue' so ltauapi, nache 'enapego' so Pablo, 'eeta': –'Am 'aỹaxaneua'a da 'am nmit ca nta'a maye neta'ague da Roma. Qaq nagui nacheca ca 'anqo'ona, da yaqto' 'am nmit.

Hechos 25:12 Referans Kwoze

Filipenses 1:20

Cha'ayi aÿim da shiitapeguec qataq dam ñaquitta'a da sa ishit qome da huo'o ca ñi'aloxootaique. Chaqdata da qaica ca shi'itaique da sa'aqtaxaatac, da yaqto' 'eeta'am nagui, huo'otaq dam sata'ague, da aÿim chigoqchigui da nquictashiguem da qaila'a da l'amaqchic so Cristo, nagui da ña ñica'altauec, huo'otaq da mashi seleu.

Hechos 19:21

Qaq co'ollaq ime de'eda, nachi so Pablo huo'o da lhuennataxa da taigue da Macedonia qataq da Acaya, qataq nachi huotaique da ivida'a yi Jerusalén. Qataq huotaique da huo'otaq imat yi Jerusalén, nachi taigue da Roma.

Hechos 28:16

Qaq can sovitaxau'a yi Roma, nachi som huataxanaq lta'a ÿaneu'a na ncoñitaguishicpi som ilotague' aso ncoñitaxanaxaqui. Qalaxayi so Pablo ÿaqa'a ca netaña qanqoÿin, qalaxayi qaÿauo'o so nhuataxaua.

Hechos 26:32

Nachi so Agripa 'enapega so Festo, 'eeta': –Ñi'iñi shiÿaxaua ishíttaxa da qaisouec da huo'otaq sa iÿaxaneu'a da nmit cam nta'a mayi neta'ague da Roma.

Hechos 25:21

Qalaxayi ñimayi maichi iÿaxaneu'a da yaqto' nmit cam nta'a Augusto mayi na'ague da Roma. Nachi aÿim samaxasoxoolec ñimayi da yaqto' nachi 'eetai' da qaicoñitai', maichiyi da ivita da samaxa que'eca nta'a.

Hechos 23:11

Qaq se'eso pe nachi so qadataxala' nachaxana so Pablo, nachi 'eetega, 'eeta': –Pablo, 'an'añaxat qome, cha'ayi de'eda qonetec co'ollaq aÿim 'au'axattac can huaña na Jerusalén, nataq'en nachida qome da qonetec da aÿim 'au'axat qom huaña yi Roma.

Mateo 22:17

Ña qomi' 'au'axatema ca 'adhuennataxac dam senataxanaqtapeguec, mayi 'eeta': ¿Peta'a ÿaÿamaqchiguiñi da qaishiiten ñim lta'a na nta'alpi, loqo' chaq sa ishit?

Hechos 25:11

Cha'ayi da ÿoqta 'eesa da huo'o ca ÿasouaxashit mayi naigui ca ñalaataguec, qaq aÿim sa ishit da ñillitac da aÿim qaÿalauat. Qalaxayi da huo'otaq sa ishit da huo'o ca 'en nam aÿim qaÿasaqtapeguelecpi, qaq nataq'en sa ishit da huo'o ca chochi aÿim ÿanoigui namayipi. Qaq ÿoqo'oyi aÿim seÿaxaneu'a da no'on da nachica ca nta'a mayi neta'ague da Roma da aÿim nmit.

Hechos 25:13

Qaq co'ollaq mashi qaÿata'aguelo soua na'axa'te, nachi anac so nta'a Agripa qataq aso lhua Berenice da nqo'ooda yi Cesarea da dequinaxaada so Festo.

Hechos 27:1

Qaq co'ollaq mashi qanasachigui da qomi' qaÿamaxadegue da Italia. Nachi so Pablo qataq so laÿipi ncoñitaguishicpi qoÿanot so huataxanaq lta'a, l'enaxat Julio, som ilotague' so huataxanaqpi mayi qaÿamata'ac nallippi so nta'a Augusto.