Hechos 25:1 - Nuevo Testamento Toba Sur

¹ Nachi so Festo co'ollaq mashi qoÿanagui da nta'a, nachi co'ollaq ivi' soua tres na'axa'te nachi chigoqchiguiña yi Cesarea da taigue da Jerusalén.

Nuevo Testamento Toba Sombrero Negro

¹ Qama'le Festo yovidi't ca'li qaedi yaconeguet da'me 'lonatac jo'ne lejaliaĝa, qama'le yenoĝodegue gaa'me tres noloqo'ote male chiyoqochi'ña di'me Cesarea da'me dajoyi di'me Jerusalén.

La'aqtaqa Ñim Lo'onatac 'Enauacna 2013

¹ So Festo nvita ye nỹecpi ye Cesarea da do'onataxan da nta'a, qaq co'ollaq ivi't soua tres na'axa'te, nache chegoqchiguiña yemaye da taỹa ye nỹecpi ye Jerusalén.

Hechos 25:1 Referans Kwoze

Hechos 23:34

Qaq co'ollaq imat da itaxaÿaxaatac aso nede so nta'a, nachi inattac so Pablo da chaq hua'ague ca chigoqchiguiña. Qaq co'ollaq mashi ÿaÿaten somayi da chigoqta'ague da Cilicia.

Hechos 25:5

Nachi 'enapeco': –Qaq ÿoqo'oyi no'on da na nta'alpi da qoñiita ishit da ñinaicapegue' da saxague da Cesarea, yaqto' que'eca shiÿaxaua da huo'otaq 'eesa da huo'o ca lasouaxashit, nachi ishit da maichi qoicñiÿapec ca qoñiitec.

Hechos 21:15

Qaq can ime de'eda, nachi ñaÿamaxataq, nachi saxague da Jerusalén.

Hechos 18:22

Nachi co'ollaq ivita yi Cesarea, nachi so Pablo taÿa yi Jerusalén da dequinaxana so 'amqajnataxanaxaicpi. Qaq co'ollaq ime, nachi taigue da Antioquía.

Hechos 8:40

Nachi so Felipe hueta'a co'ollaxa yi Azoto. Huaña, nachi quetaguilo naua pueblolqa, i'axattac da no'on qad'axaÿaxac, chochi ivitta'a yi Cesarea.

Hechos 24:27

Qaq ivi' soua dos vi'iyi da 'eeta'ac de'eda. Nachi so Félix co'ollaq ÿaxaneec da nta'a, nachi anac so Porcio Festo da qoÿanagui da l'onataxanaxac somayi. Qaq so Félix, cha'ayi huotaique da chochi qaica ca da naq'en na judiopi, nachi queto'ot da qaicoñittai' naq'en so Pablo.

Hechos 25:4

Qalaxayi so Festo i'axat so Pablo da qaicoñittai', neta'ague da Cesarea, qataq somayi nachi lhuennataxa da saqaÿaloq da taigue damayi.

Hechos 25:6

Nachi so Festo huac da ivi' naua ocho huo'otaq diez na'axa'te da hueta'a yi Jerusalén. Ime, nachi ÿi'iguelaxague da Cesarea, qaq so lÿa na'a'q nachi nqo'oneu'a aso l'onataxanaxaqui, nachi damaxasoxoneuga so Pablo.

Hechos 25:13

Qaq co'ollaq mashi qaÿata'aguelo soua na'axa'te, nachi anac so nta'a Agripa qataq aso lhua Berenice da nqo'ooda yi Cesarea da dequinaxaada so Festo.