Hechos 24:5 - Nuevo Testamento Toba Sur

⁵ Cha'ayi qomi' ÿataqta selaqlec ñi'iñi shiÿaxaua da ÿataqta sa dalemaqtaxan, qataq 'enauaque naua lÿa't 'ale'u i'otec da nÿodacachi naq'en na judiopi, qataq nachiñi ñim lataxala' nam lataxanatacpi so qaÿamata'ac Nazaret l'ec.

Nuevo Testamento Toba Sombrero Negro

⁵ Jauanaĝa jena'me jenjo' jiyaĝaua queda'me yataqachiñe aĝanataĝanaĝaic, nataq'aen yemeda naa'me ale'u laqaya' en nelagaĝa joga'me judiopi, nataq'aen nach'ena jo'ne laqaic da'me lepe'e' joga'me nazarenopi.

La'aqtaqa Ñim Lo'onatac 'Enauacna 2013

⁵ Cha'aye qomi' selaqalec ñi'iñi ỹale da ỹataqta sa qomi' ỹalemaxa't. Ỹataqta coleetac ivirapiguiñi, nache ỹo'ot da qomi' judiopi ñepa'aguenaxa't. Ñimaye nacheñi ñim lataxala' na ỹalleppi qataq 'alpi nam le'enaxat Nazarenos.

Hechos 24:5 Referans Kwoze

Hechos 28:22

Qaq ÿoqo'oyi qomi' sauoqtaique da 'am ñi'axaÿaxanaxa ca 'eetec ca 'adhuennataxac. Cha'ayi saÿajnaq da 'enauaque naua 'ale'u qanpa'agueetega de'eda dalaxaic n'amqajnataxanaxac.

Hechos 24:14

Qalaxayi aÿim ñi'axatta da aÿim so'onataxaatacot ñim Dios so hua'au ita'alpi, qalaxayi aÿim shictague' de'eda dalaxaic ñiquiaxac mayi namayipi ÿamata'ac da dalaxaic n'amqajnataxanaxac, cha'ayi aÿim sa'amaqten 'enauac nam nanettañi nqataxacpi mayi chigoqo'ot so Moisés qataq som l'aqtaxanaxanecpi ñi Dios.

Hechos 26:5

Namayipi nataq'en ÿaÿateeta, qataq ishit da maichi i'axat, da co'ollaq ñaq aÿim nogotolec qalaq ñanacte' da shictaigui na fariseopi, nam ÿataqta quetegue da l'amqajnataxanaxac na judiopi, saq 'en'am na laÿipi.

Hechos 15:5

Qalaxayi huo'oi soua ÿalectrauo na fariseopi mayi 'amqajnataxanaxaiqa soua nachajyiñi, nachi 'ena'po': –Nam 'amqajnataxanaxaicpi mayi sa ishit da judiopi, namayipi iuen da qaÿauo'o ca n'anaxashit na l'oc, qataq da qaÿamaxalec da i'ot na nqataxacpi mayi chigoqo'ot so Moisés.

1 Corintios 4:13

Qomi' qaÿasaxalguete naua ntaxaÿaxaco sa ÿaÿamaxayiñi, qalaxayi huo'o da qadhualaxavic da saqataqtega. Qaq nagui ñaq 'eetalec da qomi' qai'enaxatteguema ca lasogoñi, huo'otaq na lte nam ÿasaxauec na shiÿaxauapi.

Hechos 21:28

Nachi qai'alaqtalec somayi, qoÿiita': –¡Qami' Israel l'ecpi, ña qomi' qautauañi'! 'Ena nam shiÿaxaua mayi ÿataqta nmatte' 'enauaque naua 'ale'u da ÿapaxagueetapeguec na shiÿaxauapi, da yaqto' npa'aguene' na qadhuo' l'ecpi, qataq na nqataxacpi mayi chigoqo'ot so Moisés, qataq anam qad'onaxanaxaqui. Qaq namayi nagui qataq huenoxonoigui naq'en ana qad'onaxanaxaqui naua griego lashi', qaq ÿataqta ishipaxanaqchi't ne'ena n'onaxanqa' mayi qui'itta.

Hechos 5:17

Nachi som lta'a na ntaxaÿaxanaxanecpi qataq na quetague' na saduceopi mayi hueta'aguet somayi ÿataqta nquiÿalo soua namaxa'shi.

Lucas 23:2

Huaña, nachi qaÿauo'o na qaÿasaxalecpi qoÿiitega lasouaxashit, qoÿiita': –Qomi' selaqalec de'eda shiÿaxaua da ÿataqta taÿa't naq'en na qadhuo' l'ecpi. Qataq 'eetega da sa ishit da seshiitenaq ñi lta'a na nta'alpi mayi netaña yi Roma, qataq 'eetega da nachida dam nta'a nca'alaxaqui.

1 Pedro 2:19

Cha'ayi ÿataqta ÿaÿamaqchiguiñi ca shiÿaxaua da n'añaxateguet na nque'ejnaxaguesat mayi chochi qai'otec, souaxat da lhuennataxa ñi Dios.

1 Corintios 11:19

Cha'ayi ¡qami' iuen da qaucolaqaigui da ÿotta'a't na qauatailec shiÿaxauapi, yaqto' yi'oq na ÿoqta 'eesa 'amqajnataxanaxaic!

Hechos 22:22

Huaña, nachi tachiguiña da sa ishit da qan'axaÿaxana. Nachi so shiÿaxauapi ÿataqta i'alaqtagui, 'eeta': –¡No'on da qaÿalauat de'eda shiÿaxaua! ¡Sa ishit da nachi 'eetai' da nca'altauec!

Hechos 6:13

Nachi qaÿauo'oi soua lÿa't n'aqtaxanaxanqa da yaqto' i'axa't ca saq 'en. Nachi soomayi 'ena'po': –Ne'ena shiÿaxaua, namayi ÿataqta saq ÿaxaañi da npa'agueetega añi qui'itta qad'onaxanaxaqui qataq na lqataxacpi so Moisés.

Lucas 23:25

Nachi isouec som shiÿaxaua mayi lca'ateu'a somayipi som qoÿaataigui aso ncoñitaxanaxaqui souaxat co'ollaq qanpa'aguene' naq'en so nta'a qataq souaxat da laataxanaxaic. Nachi ÿanoigui somayipi so Jesús da maichi ÿoiqueetac.

Lucas 23:19

Qaq se'eso Barrabás, somayi qaicoñi' co'olloxochiyi, nachi qoÿanaigui aso ncoñitaxanaxaqui souaxat co'ollaq qanpa'aguene' naq'en so nta'a co'ollaq huaña yi la ciudad, qataq souaxat da laataxanaxaic.

Lucas 23:5

Qalaxayi somayipi ÿi'iguelaxalec da l'aqtac ÿataqta n'axannec, 'eeta': –Namayi ÿasouaxattega't na shiÿaxauapi mayi netaña yi Judea, souaxat da lapaxaguenataxanaxac. Chigoqchiguiña yi Galilea, qaq nagui qataq nvitta'a ne'ena souaqta'a.

Mateo 10:25

Ÿoqo'oyi ca chochi napaxaguenatac ishit qome da machiguiñi da ivi' da 'eeta'am ca napaxaguenaxala', qataq cam chochi nlatac da ivi' da 'eeta'am ca n'aco'. Cha'ayi cam nataxala' cam nma' da huo'otaq qoÿiitega lataxala' na saq cha'api, qaq ¿huá'ago' ca qoÿiitec da qaitaxaÿa cam llalaqpi?

Mateo 2:23

Qaq co'ollaq mashi ivita yimayi, nachi nqo'ona da naña yi pueblo Nazaret. Qaq 'eetec de'eda, da yaqto' ÿataqta ipacchiguilo naua l'aqtaxanaxaco so l'aqtaxanaxanecpi ñi Dios co'ollaq i'axat da so Jesús qoÿiitega da Nazaret l'ec.

Marcos 1:24

–¿Tá'ainco' yi qomi' 'atapegueu'alo, 'am Jesús, Nazaret l'ec? ¿Qomi' 'auanaÿalo peta'a da qomi' 'anlaxajyiñi? Aÿim 'am sauatton, qataq saÿaten da nachi'am lalamaxat ñi Dios.

Hechos 24:4

Qaq aÿim sauotaique da sa qaÿauec ca itaxaÿaxac, qaq ÿoqo'oyi 'am ñachoxonnot da qomi' 'anqouagueque da cada'ac da qomi' 'an'axaÿaxanalo.

Hechos 25:7

Nachi co'ollaq nvideuo so Pablo, nachi anac so judiopi mayi chigaqa'ague da Jerusalén. Nachi ÿataqta qalota na qaÿasaxalec lasouaxashitpi somayi, qalaxayi sa ishit da huo'o ca 'en qanqoÿin.