Hechos 24:25 - Nuevo Testamento Toba Sur

²⁵ Qalaxayi co'ollaq so Pablo i'axat da llic ca shiÿaxaua da no'on da lataxac, qataq da 'eetec da maichi ntel-la't, qataq cam pa'ateec na'a'q qom qanmit 'enauacna, nachi so Félix ÿataqta ñi'i. Nachi 'enapeco': –'Asoma qome, maichiyo' qom qaltaq huo'o ca idaqa', nachi qaltaq 'am seÿaxaneuga.

Nuevo Testamento Toba Sombrero Negro

²⁵ Qalaĝaja ca'li Pablo male 'yaĝatetac da'me 'noyaĝac jo'ne chimaqachiñe, da'me nomat da'me 'loyaĝac ga'me jiyaĝaua, nataq'aen ga'me nec'atenaĝanaĝac qom'te, Félix t'oiyapega qama'le enaac: —Paja'a oc nayi. Mach'e yitaĝa am jiyaĝana qom 'uo ga'me yedaqa'.

La'aqtaqa Ñim Lo'onatac 'Enauacna 2013

²⁵ Qalaxaye co'ollaq so Pablo ỹa'axat da llec ca shiỹaxaua da no'on da lataxac, qataq da 'eetec da maiche ntel-la't, qataq cam pa'atec na'a'q qom qanmit 'enauacna, nache so Félix ỹataqta ñi'i. Nache 'enapeco': –'Asoma qojec, maicheyo' qom qaltaq huo'o ca iraqa', nache qaltaq 'am seỹaxaneuga.

Hechos 24:25 Referans Kwoze

Juan 16:8

Qaq qom ivita da anac camayi, nachi ÿaÿajnaxanaxanec nam shiÿaxauapi mayi huetalec ana 'alhua da 'itaxaloxoicpi, qataq da huo'o ca nqa'aic mayi ÿaÿamaqchiguiñi, qataq da ñi Dios ÿauo'o qome ca nhuaxanaguec namayipi.

1 Pedro 3:15

Chaqdata da ÿi'oxoden da qadquiyaqteÿaxaqui so Cristo som qadataxala'ai. Qataq qami' lhuotte' da qau'aqtaxañiim 'enauac cam ichimaxattega da qadpi'iÿaxaqui, qalaxayi sa ishit da qami' napagaqnaxaiqa, qataq huo'o naq 'enec qanqashiñi que'eca shiÿaxaua.

2 Pedro 1:6

qataq da maichi ntel-la't ca shiÿaxaua, qataq qauauo'oi da qadhualaxaviqui, qataq da qoquiitegue ñi Dios,

Gálatas 5:23

sa n'amqajnaxaic, qataq ntel-la't. Qaq ca 'eeta'am de'eda qaica ca ishit da illapeguem ca shiÿaxaua.

Hechos 10:42

Nachi somayi qomi' ÿamaxalguete da sa'aqtaxanaxam 'enauac na shiÿaxauapi, da sa'axataq da ñi Dios ÿanagui somayi da nachiso so nmit qome na lasouaxashitpi nam ña nca'altauecpi qataq nam mashi ileu.

1 Juan 3:7

Qami' ÿalqolqa, sa ishit qome da huo'o ca qami' ÿatenachi't. Cam i'ot ca ÿaÿamaqchiguiñi, camayi ÿataqta no'on shiÿaxaua, qaq 'eeta'am so Cristo da ÿataqta no'on shiÿaxaua.

Santiago 2:19

'Am nalotau'a da 'adpi'iÿaxac da 'au'amaqten da 'oonolec ñi Dios. Qaq damayi ÿataqta ÿaÿamaqchiguiñi. Qalaxayi nataq'en i'amaqten de'eda na lamaxashicpi so shiÿaxaua lma'na. Ÿoqo'oyi ÿataqta iviloxolaqchit da lcolanaxa.

Hebreos 9:27

Qaq de'eda 'eetec da 'enauac na shiÿaxauapi da 'oonolec da ÿi'iguelaxalec da ileu, ime, nachi qataq iuata'aguet ca na'a'q qom qanmit 'enauacna,

Hebreos 4:1

Qaq ÿoqo'oyi nagui da ñaq huo'o da qomi' qaÿachaxanapecoto da ishit da senoxonaxau'a ca nmataxac ñi Dios, nachi ÿataqta ñitelaqañi qome. Ten, qom huo'o ca 'oonolec da qoñiita da sa ishit da inoxoneuo.

Hebreos 3:13

Nachaqdato' da ñi 'oonolec quetot naua na'axa'te da i'añaqchittac ca lÿa, llaxatemallaxa da ñaq huo'o yi qaddaqa' na na'a'q, yaqto' sa ishit da huo'o ca 'oonolec da qoñiita da 'ico' ÿatenachit da ñi'itaxaloxo, nachi da lquiyaqteÿaxac sa ishit da ÿalaq.

Gálatas 3:22

Qalaxayi naua ñiyigui'shi l'aqtaqa ñi Dios i'axa't da 'enauac na shiÿaxauapi lcoñitaguishic na nasouaxashitpi. Qaq damayi nachi qoÿina'ac, yaqto' ca da'amqajnataxan ishit da ÿaconguet cam ÿachaxanapec ñi Dios, chigoqchigui da i'amaqten so Jesucristo.

2 Corintios 5:10

Cha'ayi 'enauac qome qomi' ñachaataxau'a cam huaña da so Cristo nmit na nasouaxashitpi, da yaqto' ñi 'oonolec ishit da ÿaconguet cam naigui ca l'onataxanaxac co'ollaq ña nachattaigui da l'oquiaxac, no'on, huo'otaq qauem.

1 Juan 3:10

Huaña, nachi ishit da qaÿaÿaten cam ÿoqta 'eesa da llalaqpi ñi Dios qataq cam llalaqpi so shiÿaxaua mayi lma'na, cha'ayi cam sa ishit da i'ot ca ÿaÿamaqchiguiñi, huo'otaq sa ishit da ÿauotec ca lqaÿa, nachi camayi sa ishit da lalamaxat ñi Dios.

2 Timoteo 4:1

Qaq de'eda ÿaqataxac 'am sami' nagui ÿataqta qomi' ÿauaachiguilo ñi Dios qataq so qadataxala' Jesucristo mayi anac qome da nachaxan da nta'a, qataq nmit ñi 'oonolec na shiÿaxauapi mayi ña nca'altauec qataq na mashi ileu. 'Am shinapega

2 Corintios 6:2

Cha'ayi ñimayi nam l'aqtaqa mayi nanettrañi 'eeta': So na'a'q mayi ichoxonnataxanaxaqui, qalaq 'am sa'aqtega; qataq so na'a'q mayi huetoigui da seca'alaqtaxan, qalaq 'am setauan. Qaq nachina na na'a'q nchoxonnataxanaxaqui; qataq nachina na na'a'q nca'alaqtaxanaxaqui.

1 Corintios 4:5

Qaq ÿoqo'oyi qami' sa ishit da huo'o ca qau'aviÿalec da qanmichi. Qauachiÿa'aguet so qadataxala' qom ñi'iguelaq da yi'oq naq'en na huetaigui na napalaxa. Somayi mayi yi'aqlec naq'en na 'eetapeguecpi ana nquiyaqtepi. Ime, qanachi ñi Dios ÿaconguet ca 'oonolec da ÿanem ca 'itchiguiñi naÿamaxannataguec.

Hechos 24:15

Qataq nachi shin'am namayipi dam qanaquitaxac ñi Dios da na leuaxaicpi ishit da qaltaq nca'aleec naq'en, cam no'on da lataxac qataq cam qauem da lataxac.

Hechos 17:32

Qaq co'ollaq qai'axaÿa de'eda 'eetec da qaltaq nca'aleec na leuaxaicpi, nachi huo'o na daÿalliguittac, qataq huo'o na laÿipi 'eeta': –Qaltaq ñi'axaÿaxanaxa de'eda qom qaltaq 'aupaquejlec da 'au'axat.

Hechos 17:2

Qaq so Pablo, cha'ayi nachi n'onataxac, somayi ivi' soua tres mataxaqui' da ÿi'iguelaqtau'a aso laponaxaqui na judiopi, nachi da'aqtaxaatapeguem.

Hechos 2:37

Nachi so shiÿaxauapi co'ollaq hua'axaÿa de'eda, nachi ÿataqta daÿalli' naua lquiyaqte. Nachi qainattac so Pedro qataq soua lÿa't namaxa'shi, qoÿiita': –Qami' qadqaÿa't, qaq nagui ¿chaq huá'ague ca shinaqtec?

Hebreos 6:2

qataq da llic da qanachilaxan ca shiÿaxaua, qataq da qaÿachiltalec na 'amqajnataxanaxaicpi, qataq da llic qom qaltaq qanca'alaxateec na leuaxaicpi, qataq qom qanmit 'enauacna.

Hebreos 12:21

Qaq ÿataqta huo'o da lchic se'eso qailota'a, ivida'a so Moisés 'eeta': “Aÿim ÿataqta aÿim iviloxolaqchit da icolanaxa.”

Romanos 14:12

Qaq ÿoqo'oyi ñi 'oonolec qome da shinaqta ishit da maichi nauattoola't qom dataÿot ñi Dios.

Romanos 12:1

Qaq ÿoqo'oyi qami' ÿaqaÿadolqa, souaxat da lta'adaic lqouagaxanaqtaic ñi Dios, qaq ÿoqo'oyi qami' ñachoxodeetoiguilo da ÿataqta imauec qome da qanachaalataxaqui da qai'añiÿot ñi Dios. Qoñiita'am qanqashiñi aca nachitaqtaxanaqte mayi ÿataqta nca'altauec, yaqto' qami' lhuotte' da qau'onataxañiÿot ñi Dios, qataq da qami' ÿaÿamaxadeete' ñimayi. Qaq 'eda qome da 'eetec da lli'oxonnataxanaxac da qadquiyaqteÿaxaqui.

Romanos 2:16

que'eca pa'ateec na'a'q, qom ivita da ñi Dios chigoqchigui naq'en so Jesucristo da nmi't nam saq cha'alo lhuennataxaco 'enauac na shiÿaxauapi. Nachi ÿataqta ipacchigui qome de'eda sa'axattac n'aqtac mayi chigaqaigui da nca'alaxa.

Hechos 26:28

Nachi so Agripa 'enapeco': –Mashi huac da aÿim 'auañoxot da yaqto' sa'amaqten so Cristo.

Hechos 17:13

Qalaxayi na judiopi mayi sa da'amqajnataxan mayi lma' yi Tesalónica, co'ollaq l'axaÿaxac so Pablo da i'axattac da l'aqtac ñi Dios hueta'a yi Berea, nachi nqo'ona yimayi, nachi i'ot da l'axa naq'en na shiÿaxauapi.

Hechos 9:6

Nachi so Saulo ÿataqta iviloxolaqchit da lcolanaxa, nachi 'enapeco': –'Am ÿataxala', ¿chaq négue't ca 'anshitaique da aÿim so'ot? Nachi so qadataxala' 'enapego' somayi, 'eeta': –Qoñishiguem qome, nachi 'au'a yi la ciudad. Yimayi nachi huaña da 'am qai'aqtaxanem cam 'au'ot.

Mateo 22:5

Qalaxayi som qaÿauotaique nqui'axauapi sa ishit da ÿalaq. Chaqdata da huo'o so nqo'oneuga ca n'alhua, qataq huo'o so nqo'ona ca nmenqa',

Hechos 24:26

Nataq'en so Félix huo'o da lhuataxanaxac da huo'otaq so Pablo ishit da ishiiten somayi, nachi ishit da ÿaxaneec. Qaq ÿoqo'oyi ÿataqta qalota da iÿaxaneuga somayi da detaxaÿapegue'.

Tito 1:8

Chaqdata da nloshiguem, sa ishit da sa ilo'oguet ca lÿa da namaxasoxoic, qataq nqopita da i'ot ca ÿaÿamaqchiguiñi. Nloteec, no'on da lataxac, qui'itta, ilotegue da nachaalataxac.