Hechos 24:24 - Nuevo Testamento Toba Sur

²⁴ Qaq soua lÿa't na'axa'te nachi qaltaq nvi' so Félix, nnaictague' aso lhua Drusila, asomayi judío lashi. Nachi somayi damaxasoxoneuga so Pablo da yaqto' n'axaÿaxana da i'axat ca llic da qaipi'iÿa'a so Jesucristo.

Nuevo Testamento Toba Sombrero Negro

²⁴ Uo'oe gaa'me noloqo'ote jo'ne yenoĝodegue, yitaĝa yovita ñe'me Félix nataq'aen jañe'me loua Drusila, jo'ne judía. Qama'le Félix damaĝajoĝolegue ñe'me Pablo qaedi qoyen yec'ata, qama'le naquiaĝana ñe'me queda'me 'yaĝatetac da'me qop'iya'a ñe'me Jesucristo.

La'aqtaqa Ñim Lo'onatac 'Enauacna 2013

²⁴ Qaq soua lỹa't na'axa'te, nache qaltaq nvi' so Félix nnaictague' aso lhua Drusila, asomaye judío lashe. Nache somaye damaxasoxoneuga so Pablo da yaqto' na'axaỹaxana da ỹa'axat ca llec da qaipi'iỹa'a So Jesucristo.

Hechos 24:24 Referans Kwoze

Hechos 20:21

Qaq 'enauac nam judiopi qataq nam sa ishit da judiopi shiitega da ca'aisalo naua n'onataxaco, nachi quegue ñi Dios, qataq i'amaqten so qadataxala' Jesucristo.

Gálatas 2:16

Qalaxayi ñaqaiyita qomi' saÿajnaqta da sa ishit da huo'o ca 'oonolec da laÿamaxannatac ñi Dios, souaxat da i'ot na nqataxacpi mayi chigoqo'ot so Moisés, cha'ayi chaqdata da qai'amaqten so Jesucristo. Qaq ÿoqo'oyi qomi' nataq'en sa'amaqtenaq so Jesucristo, da yaqto' ishit da qomi' ÿaÿamaxadeete' ñi Dios souaxat de'eda qadpi'iÿaxac, qaq sa ishit da chigoqchigui da huo'otaq so'otaq na nqataxacpi. Cha'ayi sa ishit da huo'o ca chochi ÿaÿamaxadeeta ñi Dios souaxat da i'ottac na nqataxacpi.

Apocalipsis 14:12

Qaq ÿoqo'oyi iuen da ÿataqta ÿauo'o da lhualaxavic nam lalamaxatpi ñi Dios mayi ÿalaxalguete naua lqataxaco ñimayi qataq quetague' so Jesús.

Judas 1:3

Qami' ñauochaxa'u ÿaqaÿa't, aÿim huo'o da lta'adaic iyaxa da shiyiñi da llic da nca'alaxa mayi mashi 'enauac qomi' huetaiguilo da qami' samaxalo. Qalaxayi nagui sela'a da iuen da shiyiñi da qami' ñachoxodeetoiguilo da nachi 'eetai' da qauloquiitapeguelec qome da qad'amqajnataxanaxac mayi mashi ime da qoÿami' 'enauac nam lalamaxatpi ñi Dios.

1 Juan 5:1

Qaq 'enauac nam huo'o da lpi'iÿaxac so Jesús da nachiso so nta'a mayi qadca'alaxaqui, namayipi llalaqpi ñi Dios. Qaq ca ÿauotec ñi qadta'a, qaq nataq'en ÿauotec na llalaqpi ñimayi.

Gálatas 3:2

Ñaq aÿim qau'aqtaxañiim nagui de'eda, 'eeta': ¿Qami' peta'a qauachigoxochiichigui da qau'ochiitac na nqataxacpi mayi chigoqo'ot so Moisés da huo'o mshi qauacoñiiguet so Espíritu mayi chigoqo'ot ñi Dios? loqo' chaq ¿chigoqchigui can qau'amaqchiñi da qau'aqaichigui?

Gálatas 2:20

Cha'ayi aÿim sogote da 'ico' seleu, iÿatchiguem so Cristo co'ollaq qaiuaxaneuo. Qaq ÿoqo'oyi nagui sa ishit da maichi ÿalamaxat da ñachaalataxac, cha'ayi nachiso so Cristo so nachattaigui damayi. Qaq de'eda ñachaalataxac mayi yi'oqchigui, damayi chigoqchigui da ipi'iÿaxac da sepi'iÿa'a so llalec ñi Dios mayi aÿim ÿauotec qataq nañanguet da nalaataguec souaxat aÿim.

Hechos 26:22

Qalaxayi souaxat da ltaunaxanaxac ñi Dios da shiita, ÿoqo'oyi nagui ñaq shicta da sa'axattapeguem ñimayi 'enauac na shiÿaxauapi, sa'aqtaxanem na saxanaxa da ÿi qataq nam ÿipi. Qaq sa ishit da huo'otaq ÿaqa'a ca i'aqtaxanaxac da sa'aqtaxan. Chaqdata da sa'axattac da l'aqtaxanaxac som hua'au l'aqtaxanaxanecpi ñi Dios qataq so Moisés da qai'axatta'aguet ca naÿa'cna.

Hechos 16:31

Nachi soomayi 'ena'po': –Qomyi 'au'amaqten so qadataxala' Jesucristo, yaqto' 'am 'anca'aleec, qataq 'enauac ca 'ai'alaqpi.

Lucas 23:8

Nachi so nta'a Herodes co'ollaq ila'a so Jesús, nachi ÿataqta machiguiñi, cha'ayi mashi qaÿoqteguelo naua na'axa'te da nshitaique da ÿauatton somayi. Cha'ayi hua'aqtapeguelecnaxa da qai'axattac somayi, qataq nshitaique da ÿauaachigui da huo'o ca i'ot n'anec mayi sa qaÿauanapega.

Lucas 19:3

Qaq somayi nshitaique da ÿauatton so Jesús. Qalaxayi sa ishit da ÿañoxot da ilo'ot, souaxat somayi da huaxadenoqolec, qataq ÿataqta qalota na shiÿaxauapi.

Marcos 6:20

Cha'ayi so Herodes ÿaÿateeta da so Juan ÿataqta no'on da lataxac, qataq qui'itta, ÿoqo'oyi ñi'iÿalec. Qaq ÿoqo'oyi somayi sa ÿashinem asomayi da huo'o ca 'ena'ac so Juan. So Herodes, nai'ctaxa da qalligueme da ÿoqta ÿaÿateetegue ca l'aqtaxanaxac so Juan, qalaxayi nachi 'en'am nqopita da n'axaÿaxana.

Hechos 24:25

Qalaxayi co'ollaq so Pablo i'axat da llic ca shiÿaxaua da no'on da lataxac, qataq da 'eetec da maichi ntel-la't, qataq cam pa'ateec na'a'q qom qanmit 'enauacna, nachi so Félix ÿataqta ñi'i. Nachi 'enapeco': –'Asoma qome, maichiyo' qom qaltaq huo'o ca idaqa', nachi qaltaq 'am seÿaxaneuga.