Hechos 24:16 - Nuevo Testamento Toba Sur

¹⁶ Qaq ÿoqo'oyi aÿim ÿataqta ñipogoxoueetapegue' da ÿataqta saqca ca da da ivilÿaxac, da yaqto' qaica ca hueto'ot ÿasouaxashit ñi Dios, nataq'en 'enauac na shiÿaxauapi.

Nuevo Testamento Toba Sombrero Negro

¹⁶ Qama'le jouaĝat da'me dojo' nach'e eta't 'ñañaĝat qaedi yoqovita jena'me yeuel qama'le ja jepocoĝoguet ñe'me Dios nataq'aen gaa'me jiyaĝa'u.

La'aqtaqa Ñim Lo'onatac 'Enauacna 2013

¹⁶ Qaq ỹoqo'oye aỹem ỹataqta ñepogoxoueetapegue' da salaxaguet Ñim Lo'onatac 'Enauacna, qaltaq da huo'o ca ilagaxayec da sootaigui na laỹepi shiỹaxauapi, qaq ỹoqo'oye da ivilỹaxac ỹataqta qaica ca tatapigui iuel.

Hechos 24:16 Referans Kwoze

Hechos 23:1

Nachi so Pablo co'ollaq ÿamataigui so nta'alpi mayi loicnatac na lataxaguesat. Nachi 'enapeco': –Qami' ÿaqaÿañicpi, aÿim chochi ivitta'a nagui da qaica ca da da ivilÿaxac, qaq ñi Dios ÿaÿaten.

1 Timoteo 1:5

Qaq damayi qaÿamaxasoxoolec da qoÿaxaañi, cha'ayi ñi Dios nshitaique da nchoxonna't na shiÿaxauapi. Ca shiÿaxaua huo'o da lsoxoyic, cha'ayi ÿataqta qui'itta añi lquiyaqte, qataq da lavilÿaxac ÿaÿamaqchiguiñi, qataq huosota da lpi'iÿaxac.

2 Corintios 4:2

Qataq mashi sa ñashinaxaguet 'enauac na qoÿoxottañipi da qai'ot, qataq nam i'ot da n'aloxo. Qataq sa ishit da chochi satenataxanaqtac, qataq sa ishit da sashaxanaxaadeec naua l'aqtaqa ñi Dios. Chaqdata da 'eesoda naua sa'axata'q, qaq 'enauac na shiÿaxauapi ÿaÿaten da qomi' 'eesoda, qaq damayi ÿaÿateeta ñi Dios.

Hebreos 10:22

Qaq ÿoqo'oyi qomi' ishit da ñiquigaxau'a ñi Dios, qalaxayi ÿataqta huesote' ñaq'enaq naua qadquiyaqte, qataq ÿataqta 'eesa ñaq'enaq da qadpi'iÿaxac. Cha'ayi ñimayi mashi iqui'itaxatte' naua qadquiyaqte, yaqto' qomi' sa ishit da 'eeta'am da ñaq huo'o ca qadasouaxashit qataq mashi sogote da qaiÿota da qad'oquiaxac, qaÿauota'a na ndoteec 'etaxat.

Romanos 2:15

Cha'ayi da maichi lalamaxat lataxac ichoxot da de'eda nqataxac nanettalec da lquiyaqteÿaxac. Cha'ayi dam lavilÿaxac 'eesa naq'en de'eda, qataq da maichi lhuennataxac ichoxot da lasouaxashit, huo'otaq ncotatapec

2 Corintios 1:12

Cha'ayi da i'ot da qantonaxac 'eeta': da qantounaxac qomi' da'aqtaxanema da qadataxac ÿataqta qui'itta qataq qomi' 'eesoda nagui da ñaq souaqta'aguet na shiÿaxauapi ana'ana 'alhua, qataq lamaaxa da qoñiita. Qaq de'eda no'on qadataxac, damayi chigoqchigui da lqouagaxanaqtaic ñi Dios, qaq sa ishit da nachida da maichi qadaÿajnec.

1 Pedro 3:21

Qaq se'eso 'etaxat nachiso so naigui da achilaxac mayi chigoqchigui da qomi' qanca'alaxatreec nagui. Qaq de'eda achilaxac, damayi sa ishit da chigoqchigui ca nÿoxoc da qad'oquiaxac, cha'ayi chaqdata da qaiÿaxanot ñi Dios da ÿan ca nvilÿaxac qui'itta. Nachi ishit da qomi' nca'alaxatreec de'eda achilaxac, chigoqchigui naq'en da 'eetec co'ollaq qaltaq qanca'alaxateeguesop da nleuaxa so Jesucristo,

Tito 1:15

Ca shiÿaxaua, da qui'itta da lhuennataxa, qaq qui'itta naq'en 'enauac na chochina lataxaguesat. Qalaxayi na sa da'amqajnataxan, qataq saxanaxa da qui'itta da lhuennataxa, namayi qaica ca qui'itta naq'en. Cha'ayi da lhuennataxa qataq da lavilÿaxac ÿataqta nshipaxan.

1 Corintios 4:4

'Eesa da ñitounaxac da sa ishit da yi'aloqchittac, qalaxayi sa ishit da sa'aualec da shinapec da saqca ca ÿasouaxashit. Cha'ayi so qadataxala' Jesús mayi nachiso so aÿim nmit qome.

1 Pedro 3:16

Qataq ÿataqta qan'onaxachiila't, yaqto' da qadvilÿaxaqui ÿataqta machiguiñi, yaqto' nam sa iyacnapec da detaxaÿa da no'on qadataxaqui, souaxat da qau'amaqchiñiitac so Cristo, namayipi ishit da maichi n'aloxon souaxat naua maichi l'aqtaqa.

1 Pedro 2:19

Cha'ayi ÿataqta ÿaÿamaqchiguiñi ca shiÿaxaua da n'añaxateguet na nque'ejnaxaguesat mayi chochi qai'otec, souaxat da lhuennataxa ñi Dios.

Hebreos 13:18

Qanqouagaxauñiitalec qome da shinaqta, cha'ayi qomi' saÿajnaqta da qaica ca da da qadvilÿaxac. Cha'ayi sauoqtaique da ÿataqta qaica ca da 'enauac da qoyiquiaxac.

Hebreos 9:14

Qaq da nachi 'eetec de'eda, qaq ¡huá'ago' da saq ÿacteec da l'añaxac soua ltago'q so Cristo! Cha'ayi chigoqchigui da l'añaxac som Espíritu mayi chochaq tateec da so Cristo maichi nañanot ñi Dios, 'eeta'am aca nachitaqtaxanaqte mayi ÿataqta qui'itta. Nachi naua ltago'q somayi ishit da iÿoueguesop da qadvilÿaxac na qadasouaxashitpi mayi taÿa'a da nleuaxa, da yaqto' ishit da so'onataxanqot ñim Dios mayi nachi 'eetai' da nca'altauec.

2 Timoteo 1:3

Da ñoqouagaxaueetac yi na'a'q qataq yi pe, nachi tachigui iuel 'am. Qaltaq sanot da ñi'achic ñi Dios mayi so'otta'pe naua l'aqtaqa, qataq ñanomta da qaica ca hueto'ot ÿasouaxashit. Qaq de'eda nachida da 'eetec nataq'en so hua'au ita'alpi.

1 Ts 2:10

Qataq qami' 'amqajnataxanaxaiqa mashi qauaÿajñiite' qomi', qataq ñi Dios qomi' ÿaÿateete' co'ollaq qami' souaqta'agueta, qalaq ÿataqta qui'itta qataq no'on da qadataxac. Sa ishit ñaq'enaq da huo'o ca qan'aqtaguec sa ÿaÿamaxañi.

1 Timoteo 3:9

Nataq'en ÿauattoota ca saq cha'a ltaxac da qadpi'iÿaxac, qataq da lavilÿaxac ÿaÿamaqchiguiñi.

1 Timoteo 1:19

Cha'ayi mashi huo'o na ilamaqhuec, ca'ai da lpi'iÿaxac, souaxat da sa ÿalaxalec da lavilÿaxac ÿaÿamaqchiguiñi.

Romanos 9:1

Ÿataqta 'eesa de'eda sa'axattac, cha'ayi aÿim sa'amaqten so Cristo, qaq sa ishit da chochi satenataxaatac. Cha'ayi da ivilÿaxac chigoqchigui so Espíritu Santo da aÿim i'axatem da ÿoqta aÿim 'eesa.

1 Corintios 10:32

Sa ishit da huo'o ca huañi qanqashiñi na judío l'ecpi, huo'otaq na saq judío l'ecpi, huo'otaq na i'amaqteetacpi ñi Dios.