Hechos 24:14 - Nuevo Testamento Toba Sur

¹⁴ Qalaxayi aÿim ñi'axatta da aÿim so'onataxaatacot ñim Dios so hua'au ita'alpi, qalaxayi aÿim shictague' de'eda dalaxaic ñiquiaxac mayi namayipi ÿamata'ac da dalaxaic n'amqajnataxanaxac, cha'ayi aÿim sa'amaqten 'enauac nam nanettañi nqataxacpi mayi chigoqo'ot so Moisés qataq som l'aqtaxanaxanecpi ñi Dios.

Nuevo Testamento Toba Sombrero Negro

¹⁴ Qalaĝaja am jechoĝotem da'me dojo': ñe'me Dios jo'ne p'iida'a dia'me yet'al nach'eñe jo'onataĝaneuo'o, nach'e naq'aeta da'me dalaĝaic nadiquiyaĝac jo'ne qoyenaqatetapec nepe'e. Qa'a yema ga'me 'uaechiñe qoyediñe joca'li ja'amaqate'n: jogaa'me lamaĝajoĝonaĝaco ñe'me Dios nataq'aen daa'me ledii's gaa'me Dios 'laqataĝanaĝanaqa.

La'aqtaqa Ñim Lo'onatac 'Enauacna 2013

¹⁴ Qalaxaye aỹem sa'axatta da aỹem sho'oxoreetac Ñim Lo'onatac 'Enauacna maye ỹo'oxoreetac co'ollaxa som hua'au ita'alpi, qataq aỹem nataqa'en sa'amaqteetac So Jesús, namayepi 'eetega da sa ỹaỹamaxañi da qaỹa'amaqten Somaye, qalaxaye aỹem saỹaten da salaxaguet nam nanettañi namaxasoxonaxacpi.

Hechos 24:14 Referans Kwoze

Hechos 9:2

Nachi iÿaxanot somayi, da yaqto' ÿanem aca lmalate ca l'aqtac, da yaqto' so Saulo nqo'ona aca laponaxaqui na judiopi mayi naña yi Damasco, da ÿi'iguena'a nam quetague' da n'aqtac, da nauega yi Jerusalén da yaqto' qaicoñi', nai'ctaxa da ÿallippi, huo'otaq 'alpi.

Romanos 3:21

Qaq ÿoqo'oyi nagui ñi Dios ishit da qomi' ÿaÿajnaxanaxanque da 'eetec da lataxac da ishit da qomi' ÿaÿamaxadeete' ñimayi, qaq sa ishit da chigoqchigui naq'en na nqataxacpi. Qaq damayi ishit da selaqa'a da qomi' setaxaÿaxanaqtac nam qoÿittañi nqataxacpi qataq naua l'aqtaqa som n'aqtaxanaxanecpi.

Hechos 28:23

Qaq ÿoqo'oyi qaÿauo'o so naloqnec na'a'q. Qaq co'ollaq ivita se'eso na'a'q, nachi ÿataqta qalota na shiÿaxauapi na nvita ca netaña so Pablo. Nachi ÿachigoxottot se'eso nte'eta, chochi ivitta'a so avit, da i'axattapeguem somayipi da l'onataxanaxac ñi Dios da ilo'ogue 'enauacna. Ÿataqta quetapegueu'a somayipi da i'amaqten naq'en so Jesús, nachi i'axattac nam nqataxacpi mayi chigoqo'ot so Moisés qataq nam l'aqtaxanaxac som l'aqtaxanaxanecpi ñi Dios.

Hechos 3:13

Qalaxayi ñim nDios so hua'au qadta'a Abraham, qataq so Isaac, qataq so Jacob, ñimayi nachiñi ñi ÿanem da lta'adaic l'amaqchic so llalec Jesús, som qami' qai'añiu'a co'ollaxa na nta'alpi. Nachi so nta'a Pilato co'ollaq nshitaique da ÿaxaneec, qalaq qami' sa qauaÿamaxayiñi.

Hechos 26:22

Qalaxayi souaxat da ltaunaxanaxac ñi Dios da shiita, ÿoqo'oyi nagui ñaq shicta da sa'axattapeguem ñimayi 'enauac na shiÿaxauapi, sa'aqtaxanem na saxanaxa da ÿi qataq nam ÿipi. Qaq sa ishit da huo'otaq ÿaqa'a ca i'aqtaxanaxac da sa'aqtaxan. Chaqdata da sa'axattac da l'aqtaxanaxac som hua'au l'aqtaxanaxanecpi ñi Dios qataq so Moisés da qai'axatta'aguet ca naÿa'cna.

Hechos 24:5

Cha'ayi qomi' ÿataqta selaqlec ñi'iñi shiÿaxaua da ÿataqta sa dalemaqtaxan, qataq 'enauaque naua lÿa't 'ale'u i'otec da nÿodacachi naq'en na judiopi, qataq nachiñi ñim lataxala' nam lataxanatacpi so qaÿamata'ac Nazaret l'ec.

2 Timoteo 1:3

Da ñoqouagaxaueetac yi na'a'q qataq yi pe, nachi tachigui iuel 'am. Qaltaq sanot da ñi'achic ñi Dios mayi so'otta'pe naua l'aqtaqa, qataq ñanomta da qaica ca hueto'ot ÿasouaxashit. Qaq de'eda nachida da 'eetec nataq'en so hua'au ita'alpi.

Hechos 26:27

Qaq 'am ita'a Agripa, ¿'au'amaqten peta'a da l'aqtaxanaxac som l'aqtaxanaxanecpi ñi Dios? Yi'oqta da 'am 'au'amaqten.

Apocalipsis 19:10

Nachi aÿim sa'adoto naua illicte, da yaqto' shi'oxoden som namaxashic. Qalaxayi somayi aÿim 'enapega, 'eeta': –Sa ishit da nachi qonetec de'eda. Cha'ayi aÿim chochi aÿim lamaxashic ñi Dios. Nachi 'am shiita'am, qataq 'enauac nam 'adqaÿañicpi mayi ÿataqta quetelguete nam l'aqtaxanaxaco mayi 'eesoda so Jesús. Qaq ñim Dios mayi 'avi'oxoden. Cha'ayi de'eda l'aqtaxanaxac so Jesús, damayi nachida da i'añaqchit nam i'axatta'pe naua l'aqtaqa ñi Dios.

1 Pedro 1:11

Qataq so n'Espíritu so Cristo nal'ena co'ollaxa ÿaÿajnaxanaxanec se'eso l'aqtaxanaxanecpi ñi Dios dam taÿa'a nque'ejnaxac so Cristo qataq da lli'oxoyic mayi nca'attauo. Nachi somayipi ÿauotaique da ÿataqta ÿauattoota chaq negue't que'eca shiÿaxaua qataq huotaique da ÿaÿaten ca na'a'q mayi huetoigui cam i'axatta'aguet so Espíritu Santo mayi hueta'aguet somayipi.

Tito 3:10

Da huo'o ca sa nhuojna't naq'en na 'amqajnataxanaxaicpi, camayi ÿataqta 'autaxaÿot. Qaq da 'am sa ÿalaxaguet da mashi dos 'avi'iguelaxalec da qonapega, camayi nal'en da 'auÿotauga.

Gálatas 5:20

qataq da qanatameetacot na nqolacpi, qataq da qaÿi'en ca nÿa, qataq da nquiÿaxanaqtaic, loquiaxac, qataq da nca'alaxanaxac, saq ÿoxonguit da nalemataic, qataq da chochi huo'o ca qanaquittaique da huo'o ca qai'ot, qataq da ÿotaxac da qoÿida't na shiÿaxauapi.

1 Corintios 11:19

Cha'ayi ¡qami' iuen da qaucolaqaigui da ÿotta'a't na qauatailec shiÿaxauapi, yaqto' yi'oq na ÿoqta 'eesa 'amqajnataxanaxaic!

Hechos 26:6

Qaq nagui aÿim qanauegueuo, da yaqto' aÿim qanmit souaxat de'eda ñaquitaxac, da ñi Dios ishit qome da qaltaq nca'aleec naq'en na leuaxaicpi, cha'ayi nachida dam ÿachaxanapecot co'olloxochiyi som hua'au qadta'alpi.

Hechos 24:22

Qaq co'ollaq hua'aqchigui de'eda so nta'a Félix, qaq somayi yi ÿataqta ÿaÿateeta da llic nam i'amaqteetac so Jesús, nachi somayi nañaxaañi naq'en so ntaxaÿaxac. Nachi 'enapeco': –Qom ivita da nvi' ca huataxanaq lta'a Lisias, nachi qaltaq huo'o qome ca saÿaten de'eda qancotaitapigui.

Hechos 22:14

Nachi somayi aÿim 'enapega, 'eeta': “Ñim nDios som hua'au qadta'alpi, ñimayi 'am lca'aguishic co'ollaxa, cha'ayi nshitaique da yaqto' 'am 'auaÿaten cam maichi 'eetapeguec ñimayi, qataq da 'anauane' som no'on da lataxac, qataq da yaqto' 'an'axaÿaxana somayi da 'am detaxaÿot.

Hechos 19:9

Qalaxayi huo'o na i'añaxattaguilo naua lquiyaqte da sa ishit da da'amqajnataxan; chaqdata da ÿataqta sa iyacnapec da n'aqtac da detaxaÿa, hua'aqtac naq'en na shiÿaxauapi. Nachi so Pablo ca'ai somayipi, nachi ÿauec som da'amqajnataxanpi, ÿauega aca lapaxaguenataxanaxaqui som l'enaxat Tirano. Qaq huaña, nachi ica'n naua na'axa'te da da'aqtaxaatac.

Hechos 13:15

Qaq co'ollaq ime da qaitaxaÿaxaatac aso lede so Moisés mayi huetalec na nqataxacpi qataq asom lede som l'aqtaxanaxanecpi ñi Dios, nachi soua nataxala'te asom naponaxaqui, soomayi 'enapegalo soua Pablo, 'eeta': –Qami' qadqaÿa't, da huo'o ca qadqataxaqui, nachi no'on da qau'axachiim nagui na shiÿaxauapi.

Hechos 10:43

Nataq'en som hua'a'u vi'iyi 'enauac co'ollaxa som l'aqtaxanaxanecpi ñi Dios i'axatta'aguet so Jesús, da ca i'amaqten somayi, nachi qaÿapalaxat na lasouaxashitpi, chigoqchigui da l'enaxat somayi.

Hechos 7:32

“Aÿim mayi nachaÿim nDios som hua'au 'adta'alpi, nachaÿim nDios so Abraham, qataq so Isaac qataq so Jacob.” Nachi so Moisés ÿataqta iviloxolaqchit da lcolanaxa, nachi sa ishit da ÿañoxot da namatashiguem.

Hechos 5:30

Ñim nDios so hua'au qadta'alpi, ñimayi qaltaq nca'alaxateec co'ollaxa so Jesús, som qami' qaualauachi co'ollaxa, nachi qauaxañiiguet so npe'enaxaqui.

Juan 1:45

Nachi so Felipe jec da nmitaique so Natanael. Nachi da'aqtaxanem, 'eeta': –Qomi' mashi ñauanaxai' ñim shiÿaxaua mayi ÿiyiñi co'ollaxa so Moisés naua lqataxaco mayi nanettrañi ana lede, ñim nataq'en ÿiyiñi co'ollaxa so l'aqtaxanaxanecpi ñi Dios. Ñimayi nachiñi ñi Jesús, ñim llalec so José mayi lma' yi pueblo Nazaret.

Lucas 24:44

Qaq co'ollaq ime, nachi 'enapega somayipi, 'eeta': –De'eda souaigui, nachida dam sa'axattac co'ollaq ña qami' soota'agueta: da ipacchigui qome 'enauac na ñi'aqtaguec mayi i'axat nam nqataxacpi mayi ÿiyiñi co'olloxochiyi so Moisés qataq nam lliyigui'shi som l'aqtaxanaxanecpi ñi Dios qataq nam ñiyiguishicpi l'enaxat Salmos.

Lucas 24:27

Ime, nachi da'aqtaxanema soomayi 'enauac nam n'aqtaguec somayi nam nanettañi naua ñiyigui'shi l'aqtaqa ñi Dios, ÿachigoxottot aso hua'auchiguiñi lliyiguishi so Moisés, ividaxatta'a asom pa'ateec lliyiguishi som l'aqtaxanaxanecpi ñi Dios.

Lucas 16:29

Qalaxayi so Abraham 'enapega somayi, 'eeta': ‘Caamayi sogote da hueto'oto nam lliyigui'shi so Moisés qataq som l'aqtaxanaxanecpi ñi Dios; ¡nachinaua qome no'on da ÿalaxalguete!’ ”

Lucas 16:16

Na nqataxacpi mayi chigoqo'ot so Moisés qataq nam lapaxaguenataxanaxacpi som l'aqtaxanaxanecpi ñi Dios, namayi ñaq huo'o, chochi ivitta'a co'ollaq nvi' so Juan. Huaña, nachi qai'axat da l'onataxanaxac ñi Dios da ilo'ogue 'enauacna, nachi 'enauac na shiÿaxauapi ÿataqta n'añaxat da inoxoneu'a damayi.

Lucas 1:70

Qaq damayi nal'ena da qomi' ÿachaxanapeguema co'ollaq i'axatta'aguet naq'en 'enauac som qui'itta l'aqtaxanaxanecpi som hua'a'u vi'iyi:

Mateo 22:40

Qaq ne'enaua dos namaxasoxonaxaco nachinaua naua n'attalguete 'enauac nam lqataxacpi so Moisés qataq nam lapaxaguenataxanaxacpi som l'aqtaxanaxanecpi ñi Dios.

Mateo 10:32

Qaq ÿoqo'oyi 'enauac nam da'aqtaxanem nam shiÿaxauapi da aÿim quetague', qaq aÿim nataq'en sa'axatem qome namayipi ñi ita'a mayi neta'ague da piguem.

Mateo 7:12

Qaq ÿoqo'oyi qami' cam no'on mayi qanshiitaique da qami' i'oteque na shiÿaxauapi, nachica qome qau'ochiic 'enauac namayipi. Cha'ayi nachida dam damaxasoxoolec nam lqataxacpi so Moisés qataq naua lliyigui'shi so l'aqtaxanaxanecpi ñi Dios.

Hechos 19:23

Qaq se'esoua na'axa'te nachi huo'o so lta'adaic cotaxac souaxat da l'aqtac ñi Dios.

Hechos 15:5

Qalaxayi huo'oi soua ÿalectrauo na fariseopi mayi 'amqajnataxanaxaiqa soua nachajyiñi, nachi 'ena'po': –Nam 'amqajnataxanaxaicpi mayi sa ishit da judiopi, namayipi iuen da qaÿauo'o ca n'anaxashit na l'oc, qataq da qaÿamaxalec da i'ot na nqataxacpi mayi chigoqo'ot so Moisés.

Hechos 25:8

Nachi so Pablo i'ot da ltaxaÿaxac, 'eeta': –Aÿim sa ishit da huo'o ca ÿasouaxashit, sa ishit da huo'otaq ñipa'agueetague' na nqataxacpi mayi chigoqo'ot so Moisés, qataq sa ñipa'agueetega añi n'onaxanaxaqui, qataq cam nta'a mayi neta'ague da Roma.

Hechos 26:4

'Enauac na judiopi ÿataqta ÿaÿateeta da ÿataxac co'ollaq sootaña yi ima' qataq yi Jerusalén can sootaigui namayipi co'ollaq ñaq aÿim nogotolec.

Hechos 28:22

Qaq ÿoqo'oyi qomi' sauoqtaique da 'am ñi'axaÿaxanaxa ca 'eetec ca 'adhuennataxac. Cha'ayi saÿajnaq da 'enauaque naua 'ale'u qanpa'agueetega de'eda dalaxaic n'amqajnataxanaxac.

Romanos 1:9

Qaq ñim Dios mayi so'onataxaatacot ñim semattot da iquiyaqteÿaxac da sa'axattac dam n'aqtaguec so llalec, ñimayi aÿim ÿaÿateeta da sa ishit da qami' secoua'aisalo da ivita da ñoqouagaxaueetac.