Hechos 24:11 - Nuevo Testamento Toba Sur

¹¹ Qaq nagui 'am ishit da maichi 'auchimaxata qome da i'aqtaxanaxac, cha'ayi aÿim ñaq cha'ague da ñovita yi Jerusalén nagui saxanaxa da ivi' caua doce na'axa'te, qaq aÿim ñanac da sauotaique da ñatamnot ñi Dios.

Nuevo Testamento Toba Sombrero Negro

¹¹ Maliaĝa ja yenoĝodegue doce gaa'me noloqo'ote da'me joue'ta jenjo' Jerusalén qaedi 'ñonaĝachigui ñe'me Dios, dojo' mach'e am da'me auayatetelegue.

La'aqtaqa Ñim Lo'onatac 'Enauacna 2013

¹¹ Ñaq cha'ague da ñevita ye Jerusalén da yaqto' ñatamnot Ñim Lo'onatac 'Enauacna, qaq da 'auchemaxata damaye, nache 'auaỹaten dam sa'axattac da ỹataqta 'eesa.

Hechos 24:11 Referans Kwoze

Hechos 24:1

Qaq co'ollaq mashi inoxoodeec soua cinco na'axa'te, nachi nvi' so Ananías, som lataxala' na ntaxaÿaxanaxanecpi, chigoqta'ague da Cesarea, nnaictague' so nquedoxonecpi qataq so aloico l'o', l'enaxat Tértulo. Nachi soomayi nachaateu'alo so nta'a, da yaqto' qai'axat cam lasouaxashit so Pablo.

Hechos 21:18

Qaq so lÿa na'a'q nachi so Pablo nataq'en qomi' ñoqo'onaxau'a so Santiago. Qaq somayi nachi hueta'aguet 'enauac so laÿipi nataxala'pi.

Hechos 24:17

Qaq can mashi qaÿoqteguelo soua vi'iyi da secoleetac, nachi aÿim ñi'iguelaxa yi ima' da ñidoi' aso i'agaxanaqte qataq da sanot aca ÿachitaqtaxanaqte ñi Dios.

Hechos 23:23

Nachi so nta'a iÿaxanalo soua dos mayi ilotagueto na huataxanaqpi, nachi 'enapegalo da yaqto' ÿaqataxanai'salo ca doscientos huataxanaqpi na petañi, qataq setenta nam ÿauota'a na lalo caaÿo, qataq doscientos nam ÿauota'a ana lataquiaxai, cha'ayi qom qaÿata'ague so pe, nachi soomayi qaÿamaxadegue da Cesarea.

Hechos 23:11

Qaq se'eso pe nachi so qadataxala' nachaxana so Pablo, nachi 'eetega, 'eeta': –Pablo, 'an'añaxat qome, cha'ayi de'eda qonetec co'ollaq aÿim 'au'axattac can huaña na Jerusalén, nataq'en nachida qome da qonetec da aÿim 'au'axat qom huaña yi Roma.

Hechos 22:30

Qaq so lÿa na'a'q nachi som nta'a huotaique da ÿaÿaten chaq ta'ainec na judiopi da nquiÿatega so Pablo. Nachi nqa't so lque'te, nachi ÿamaxalec da i'ot so laponaxac so lataxala'pi na ntaxaÿaxanaxanecpi, nataq'en 'enauac so nta'alpi mayi loicnatac na lataxaguesat. Nachi nqateec so Pablo da ÿataxanoigui somayipi.