Hechos 24:1 - Nuevo Testamento Toba Sur

¹ Qaq co'ollaq mashi inoxoodeec soua cinco na'axa'te, nachi nvi' so Ananías, som lataxala' na ntaxaÿaxanaxanecpi, chigoqta'ague da Cesarea, nnaictague' so nquedoxonecpi qataq so aloico l'o', l'enaxat Tértulo. Nachi soomayi nachaateu'alo so nta'a, da yaqto' qai'axat cam lasouaxashit so Pablo.

Nuevo Testamento Toba Sombrero Negro

¹ Yenoĝodegue gaa'me cinco noloqo'ote ca'li, Ananías jo'ne tamenaĝaiqui lo'olpi lajoĝola' yovita di'me Cesarea nataq'aen uo'oe gaa'me 'yaĝaicachidi choqoga'me netaĝayaĝanaĝanec jo'ne lenaĝat Tértulo. Naajo' dajoeda'aguet ca'li ñe'me jaliaĝanec qaedi nenaĝatedegue ga'me jo'ne yaviyaĝatedapec ñe'me Pablo.

La'aqtaqa Ñim Lo'onatac 'Enauacna 2013

¹ Qaq co'ollaq mashe inoxoore'c soua cinco na'axa'te, nache nvi' so Ananías som lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna nvita ye Cesarea, nataqa'en huo'oi soua nnaictagueto nam nqueroxonecpi maye nataxala'pi qataq so nanettalec da taunaxanaxaic, le'enaxat Tértulo. Nache soomaye nqo'oneua'alo so nta'a, da yaqto' qaỹa'axat cam lasouaxashet so Pablo.

Hechos 24:1 Referans Kwoze

Hechos 24:11

Qaq nagui 'am ishit da maichi 'auchimaxata qome da i'aqtaxanaxac, cha'ayi aÿim ñaq cha'ague da ñovita yi Jerusalén nagui saxanaxa da ivi' caua doce na'axa'te, qaq aÿim ñanac da sauotaique da ñatamnot ñi Dios.

Hechos 23:2

Nachi so Ananías mayi nachiso so lataxala' na ntaxaÿaxanaxanecpi da qaitaxaÿapegue' ñi Dios, somayi ÿamaxalec nam sa qaÿapeque so Pablo, da yaqto' iuaxanoigui na alap somayi.

Hechos 25:2

Qaq huaña yimayi, nachi na lataxala'pi na ntaxaÿaxanaxanecpi da qaitaxaÿapegue' ñi Dios qataq na judiopi mayi ÿi'oxodaicpi nachi nachaateu'a somayi da qaiquictapegueu'a so Pablo.

Hechos 23:35

Nachi 'enapego', 'eeta': –Maichi 'am ñi'axaÿaxano' qom ivita da nvi' cam 'am ipa'agueetacpi. Ime, nachi damaxasoxoolec somayi da yaqto' qaÿauega da qoÿanaigui so lma' co'olloxochiyi so Herodes. Nachi qaÿauo'o so nhuataxaua.

Hechos 23:30

Qalaxayi can aÿim i'axaÿaxac da na judiopi mashi detaqtapigui namayi da huotaique da ÿalauat, nachi namayi 'am samaxa. Nataq'en shinapega nam ipa'agueetacpi namayi da yaqto' nataq'en 'am dataÿot da yaqto' i'axat cam ÿasaqtapeguelec lasouaxashit namayi. Hua', nachi tachiguiña.”

Hechos 23:24

Nataq'en damaxasoxoolec da qaÿaqataxanai' ca nnotaxala' caaÿo so Pablo. Nachi huaqata da ÿataqta qaica ca da qanqoÿin da qaÿauega so nta'a Félix.

Hechos 21:27

Qalaxayi co'ollaq yaqta'a da inoxoodeec soua siete na'axa'te, nachi huo'oi soua judío lashi' mayi chigoqda'ague da 'alhua Asia. Soomayi ilalguete so Pablo da huetaigui aso n'onaxanaxaqui. Nachi soomayi i'o't da l'axa, ÿataqta lliÿa't naq'en na shiÿaxauapi. Nachi qaÿaconeu'a so Pablo.

1 Corintios 2:4

Ÿoqo'oyi co'olla setaqtac da sa'axattac da n'aqtac, qalaq sa ishit da saconalo naua ltaxaÿaxaco ca shiÿaxaua ÿajnaxanaxaic, da yaqto' qau'amqajnataxañi. Chaqsota so Espíritu Santo qataq da l'añaxac ñi Dios dam huo'o mshi qau'amqajnataxañi co'ollaq qami' sa'aqtaxaatapeguema.

1 Corintios 2:1

Ÿoqo'oyi qami' ÿaqaÿa't, co'ollaq qami' ñoqo'onalo da qami' sa'aqtaxanema da 'eesa lataxac mayi chigoqo'ot ñi Dios, qalaq sa ishit da saconalo naua ltaxaÿaxaco na ÿajnaxanaxaicpi, huo'otaq naua pooco n'aqtaqa.

Hechos 25:15

Qaq can soota'ague da Jerusalén, nachi na lataxala'pi na ntaxaÿaxanaxanecpi qataq nam lquedoxonecpi na judiopi nachi aÿim qaiquictacot da huo'otaq ishit da sashiita da yaqto' qaÿalauat.

Hechos 12:21

Nachi so Herodes ÿauo'o so na'a'q mayi laloqnec da anac naq'en so shiÿaxauapi. Qaq co'ollaq ivita se'eso na'a'q, nachi somayi ÿaayiñi soua alogo mayi lalegaxaqui', nachi nso'oongui aso nso'onaxaqui da nta'a, nachi ÿauo'o so ltaxaÿaxac.

Hechos 23:33

Qaq co'ollaq qaivita yi Cesarea, nachi qoÿanem so nta'a aso nede, nataq'en qoÿaneuo so Pablo.

Hechos 24:2

Qaq co'ollaq mashi qanauegueuo so Pablo, nachi so Tértulo da'aqtaxanem so nta'a Félix da i'axat cam lasouaxashit so Pablo, 'eeta': –Souaxat da qoneta, 'am qadta'a, qomi' huo'o da qadlagaxayic, ÿataqta selagaqtapiguiñi, qataq 'enauac da 'ad'onataxanaxac da 'am nta'a ÿataqta ÿaÿamaqchiguiñi, souaxat da 'adaÿajnec.