Hechos 23:9 - Nuevo Testamento Toba Sur

⁹ Nachi 'enauac somayipi i'alaqtagui; nachi huo'o na nachajñi nam dapaxaguenataxaatapeguec na nqataxacpi mayi nachi laÿipi na fariseopi. Nachi namayipi 'eeta': –De'eda shiÿaxaua, damayi sa ishit da huo'o ca i'ot sa ÿaÿamaxañi, cha'ayi sa iuena'a da huo'otaq huo'o cam detaqtague' nam namaxashic piguem l'ecpi, huo'otaq nam saq cha'a nqui'ipi. Qaq no'on da sa ishit qome da 'ico' ñipa'aguenaqtague' ñi Dios.

Nuevo Testamento Toba Sombrero Negro

⁹ Qama'le ena'uaque jogaa'me niyaĝatedapejeguem, nataq'aen uo'oe gaa'me judiopi napaĝaguenoqo'tpi jo'ne quetedapegue' da'me lelnataĝa'j joga'me fariseopi, ñedijeguem ca'li qama'le enapega't: —Jenjo' jiyaĝaua qaya'te gamachaqaega ja no'en ta'le ya'uo; uotaĝa naqaega ga'me nepaqal uotaĝa piyem le'ec ga'me yojaĝanaĝan.

La'aqtaqa Ñim Lo'onatac 'Enauacna 2013

⁹ Nache 'enauac somayepi ỹa'alaqtagui; nache huo'o na nachaañi nam dapaxaguenataxaatapeguec na namaxasoxonaxacpi maye nache laỹepi na fariseopi. Nache namayepi 'eeta': –De'era ỹale, damaye saishet da huo'o ca ỹo'ot sa ỹaỹamaxañi, cha'aye saiuena'a da huo'otaq huo'o cam detaqtague' nam namaxashec piguem le'ecpi, huo'otaq nam saq cha'api na'añaxac. Qaq no'on da saishet qome da ñepa'aguenaqtague' Ñim Lo'onatac 'Enauacna.

Hechos 23:9 Referans Kwoze

Hechos 22:7

Nachi aÿim sanajñi. Ime, nachi sa'axaÿa so n'aqtac aÿim 'eetega, 'eeta': “Saulo, Saulo, ¿tá'ainco' yi aÿim 'aucaatac?”

Juan 12:29

Nachi nam shiÿaxauapi mayi n'axaÿaxaatac, namayipi 'eetega da hua'aqchigui ca nalataxa, qataq huo'o na 'eeta': –Namaxashic piguem l'ec so ntaxaÿapiguiña damayi.

Hechos 26:31

Nachi pa'auec somayipi, nachi qaitaqtapigui de'eda. Nachi somayipi maichi 'enapeco': –Ñi'iñi shiÿaxaua, ñimayi qaica ca lasouaxashit mayi naigui da yaqto' qaÿauo'o ca nalaataguec, huo'otaq da chochi qaicoñittai'.

Hechos 25:25

Qalaxayi aÿim sa ishit da sela'a da huo'o ca lasouaxashit da yaqto' naigui ca nalaataguec damayi. Qalaxayi damayi yi maichi iÿaxaneu'a da yaqto' nmit cam nta'a Augusto, qaq aÿim mashi sasateguet damayi, da yaqto' samaq.

Hechos 23:29

Huaña, nachi saÿaten da chochi huasoitapeguelec nam maichi nqataxacpi namayipi, qaq qaica cam ÿoqta huasoilec namayi da yaqto' qaÿalauat, huo'otaq da qaicoñittai'.

Marcos 2:16

Qalaxayi nam dapaxaguenataxaatapeguec na nqataxacpi qataq na fariseopi co'ollaq ila'a somayi da lqui'axaua 'enauac namayipi, nachi 'eetegalo soua lapaxaguenataqa, 'eeta': –¿Tá'ainco' ñi qadataxala'ai yi deque'etac qataq nÿomtac, ÿalectaigui nam ÿacootapeeguet ana nshiitenaqte ca nta'a qataq nam 'itaxaloxoicpi?

1 Corintios 10:22

Loqo'o ¿qomi' sauoqtaique peta'a da deca'alaxan ñaqashinaq so qadataxala'? ¿Ñapagaqlec peta'a da l'añaxac somaxa?

Hechos 27:23

Cha'ayi ne'ena pe aÿim nachaxana so chigaqshiguem lamaxashic ñi Dios mayi sooto'ot qataq so'onataxaatacot.

Hechos 23:8

Cha'ayi nam saduceopi, namayipi 'eetega da sa ishit da qaltaq nca'aleec na leuaxaicpi, qataq sa ishit da huo'o ca chigaqshiguem lamaxashic ñi Dios, qataq qaica nam saq cha'a nqui'ipi; qaq nam fariseopi, qalaxayi i'amaqten da huo'o 'enauac ne'enapi.

Hechos 11:17

Qaq ñim Dios da nataq'en ÿanem namayipi da 'eeta'ama naq'en qomi' mayi sa'amaqtenaq so qadataxala' Jesucristo, qaq ¿négue't aÿim qone' da huo'otaq ñanaxat ñimayi?

Hechos 9:4

Nachi so Saulo najñi. Huaña, nachi hua'axaÿa so n'aqtac, 'eeta': –Saulo, Saulo, ¿tá'ainco' yi aÿim 'aucaatac?

Hechos 5:39

Qalaxayi damayi da huo'otaq nachiñi ñi Dios da chigoqo'ot, nachi qami' sa ishit da qanlaxachiiñi. Ÿoqo'oyi qadvichiÿalec qome damayi. Ten, qom 'eeta'am da qanpa'aguiñiitague' ñi Dios.

Lucas 23:22

Qaltaq ÿi'iguelaxalec so Pilato da 'enapega somayipi, 'eeta': –Qaq ¿négue'to' ca i'ot sa ÿaÿamaxañi damayi?, yi aÿim qaica ca sanata lasouaxashit da huo'otaq naigui da qaÿauo'o ca nalaataguec. Aÿim chochi samaxasoxoolec qome damayi da qaiuaxan, qaq qom ime, nachi saxaneec.

Lucas 23:4

Nachi so Pilato 'enapega som lataxala'pi nam ntaxaÿaxanaxanecpi qataq som shiÿaxauapi, 'eeta': –Aÿim sa ishit da huo'o ca sanata lasouaxashit de'eda shiÿaxaua.

Lucas 5:30

Qalaxayi nam fariseopi qataq na laÿipi mayi dapaxaguenataxaatapeguec na nqataxacpi nachi quetapeguelguete soua nale't so Jesús. Nachi 'eetegalo, 'eeta': –¿Tá'ainco' qami' yi qadqui'axauai nam 'itaxaloxoicpi qataq nam ÿacootapeeguet ana nshiitenaqte ca nta'a?

Hechos 22:6

Qalaxayi co'ollaq shictague' so nqa'aic, nachi mashi ñayiitau'a yi Damasco, qaq mashi yaqta'a da na'a'q laiñi, nachi nque'elaxatta da souaigui so n'edaxa mayi chigoqo'ot na piguem.