Hechos 23:35 - Nuevo Testamento Toba Sur

³⁵ Nachi 'enapego', 'eeta': –Maichi 'am ñi'axaÿaxano' qom ivita da nvi' cam 'am ipa'agueetacpi. Ime, nachi damaxasoxoolec somayi da yaqto' qaÿauega da qoÿanaigui so lma' co'olloxochiyi so Herodes. Nachi qaÿauo'o so nhuataxaua.

Nuevo Testamento Toba Sombrero Negro

³⁵ qama'le enaac: —Am ñaquiaĝana qom novi't gaa'me am yepoledelegue. Yem qama'le damaĝajoĝolegue qaedi qonetela'a da'me qoyachi'ta di'me lejaliaqa' ñe'me Herodes.

La'aqtaqa Ñim Lo'onatac 'Enauacna 2013

³⁵ Nache 'enapego', 'eeta': –Maiche 'am ña'axaỹaxano' qom ivita da nvi' cam 'am ipa'agueetacpi. Ime, nache so nta'a damaxasoxoolec somaye da yaqto' qaỹauega ca lma' co'olloxocheye so Herodes. Nache qaỹauo'o so nhuataxaua.

Hechos 23:35 Referans Kwoze

Hechos 23:30

Qalaxayi can aÿim i'axaÿaxac da na judiopi mashi detaqtapigui namayi da huotaique da ÿalauat, nachi namayi 'am samaxa. Nataq'en shinapega nam ipa'agueetacpi namayi da yaqto' nataq'en 'am dataÿot da yaqto' i'axat cam ÿasaqtapeguelec lasouaxashit namayi. Hua', nachi tachiguiña.”

Hechos 25:16

Nachi aÿim sa'aqtaxaatapeguem namayipi da na nta'alpi mayi chigaqa'ague da Roma sa ishit da nai'ac da ÿanguet da nalaataguec ca ncoñitaguishic da huo'otaq saxanaxa da natai'ai' da ncotaÿapegue' cam decoñitaxanpi.

Mateo 27:27

Ime, nachi na nallippi se'eso nta'a ÿauec so Jesús da ÿauega ca lma' lta'adaic somayi. Nachi qalapona't 'enauac so allippi, da yaqto' qaicoleesop somayi.

Hechos 24:22

Qaq co'ollaq hua'aqchigui de'eda so nta'a Félix, qaq somayi yi ÿataqta ÿaÿateeta da llic nam i'amaqteetac so Jesús, nachi somayi nañaxaañi naq'en so ntaxaÿaxac. Nachi 'enapeco': –Qom ivita da nvi' ca huataxanaq lta'a Lisias, nachi qaltaq huo'o qome ca saÿaten de'eda qancotaitapigui.

Hechos 24:19

Qaq que'ecaua shiÿaxa'u mayi nachicauáctaxa da ana'c, da yaqto' i'axa't ca ÿasouaxashit da huo'otaq huo'o cam sa ÿaÿamaxade'n da shiita.

Hechos 24:10

Nachi so nta'a ÿauota'a l'anec da 'enapega so Pablo, da yaqto' detaqa. Nachi so Pablo 'enapeco': –Aÿim ÿataqta saÿamaxadeeta da sauo'o ca itaxaÿaxac, da yaqto' aÿim 'au'aqchigui, cha'ayi aÿim saÿaten da 'am mayi nachi'am 'au'ot na lataxaguesat da huo'o ca camachaqca nam qadhuo' l'ecpi, qaq de'eda 'ad'onataxanaxac, damayi mashi huo'oi soua vi'iyi.

Hechos 24:1

Qaq co'ollaq mashi inoxoodeec soua cinco na'axa'te, nachi nvi' so Ananías, som lataxala' na ntaxaÿaxanaxanecpi, chigoqta'ague da Cesarea, nnaictague' so nquedoxonecpi qataq so aloico l'o', l'enaxat Tértulo. Nachi soomayi nachaateu'alo so nta'a, da yaqto' qai'axat cam lasouaxashit so Pablo.

Juan 18:28

Nachi qaÿauec so Jesús, qaÿachigoxotchiguiña so lma' so Caifás da qaÿauega so nqasoxoc so nta'a Pilato. Qaq mashi yaqta'a co'ollaxa da yi'oxoñi, nachi nam judiopi sa ishit co'ollaxa da pa'au'a so nqasoxoc so nta'a, cha'ayi ivittaique da 'ico' da nshipaxan da nachaalataxac. Cha'ayi da nachi 'eetec de'eda, nachi sa ishit da dequi'iÿapegueu'a na nallic se'eso na'a'q mayi huetoigui da qaiuennate so na'a'q co'ollaq qanayica'ai so Egipto.

Mateo 2:16

Qaq so Herodes co'ollaq ila'a da soua ÿajnaxanaxaiqa ÿatenachi't somayi, nachi ÿataqta dalemata. Nachi damaxasoxoolec da qaÿalauat so ñaqpiolec, ivida'a nam mashi ivi' naua dos vi'iyi qataq na ÿapacteec ñaq qapi'olecpi, ÿataqta nmatchiguiñi 'enauac som netaña yi Belén qataq naua loiguiyi, ipacchigui naq'en da l'aqtaxanaxa'c soua ÿajnaxanaxaiqa.

Mateo 2:3

Nachi so nta'a Herodes co'ollaq ÿaÿaten de'eda, nachi ÿataqta i'elaq, nataq'en 'enauac nam shiÿaxauapi mayi netaña yi Jerusalén.

Mateo 2:1

So Jesús lañoqo' yi pueblo l'enaxat Belén, huaigui yi 'alhua Judea huetoigui so na'a'q co'ollaq so Herodes nta'a, nachi ilotague' se'eso 'alhua. Nachi nvitra yi la ciudad Jerusalén soua shiÿaxa'u, chigoqda'ague da yi'oxoñi. Soomayi ÿajnaxanaxaiqa ana huaqajñipi.

Hechos 24:23

Nachi so nta'a Félix 'enapega som ilotague' na huataxanaqpi da ñaq 'eetalec da qaicoñittai' so Pablo, qalaxayi qoÿanem da saqalligueme da qailo'ogue qataq qaÿashiitem da ishit da qanamaqtapegueu'a, qataq da maichi qanayiuapegue' da qaitauan.