Hechos 23:24 - Nuevo Testamento Toba Sur

²⁴ Nataq'en damaxasoxoolec da qaÿaqataxanai' ca nnotaxala' caaÿo so Pablo. Nachi huaqata da ÿataqta qaica ca da qanqoÿin da qaÿauega so nta'a Félix.

Nuevo Testamento Toba Sombrero Negro

²⁴ Uoja'eda damaĝajoĝolegue qaedi qoyaqataĝata't ga'me pegaq qaedi Pablo netalegue joga'me, nataq'aen damaĝajoĝolegue qaedi qaya'te gamachaqaega ta'le nedo'oguet nataq'aen yiyamaqachiñe da'me qoyauega ñe'me jaliaĝanec Félix.

Hechos 23:24 Referans Kwoze

Hechos 25:14

Nachi ÿataqta huo'oi soua na'axa'te da huetra'a yimayi, nachi so Festo da'aqtaxaatapeguem so Agripa da 'eetec da huaigui so Pablo, 'eeta': –Huo'o ñi shiÿaxaua hueta'a ne'ena mayi damaxasoxoolec co'ollaxa so Félix da nachi 'eetai' da qaicoñittai'.

Hechos 24:10

Nachi so nta'a ÿauota'a l'anec da 'enapega so Pablo, da yaqto' detaqa. Nachi so Pablo 'enapeco': –Aÿim ÿataqta saÿamaxadeeta da sauo'o ca itaxaÿaxac, da yaqto' aÿim 'au'aqchigui, cha'ayi aÿim saÿaten da 'am mayi nachi'am 'au'ot na lataxaguesat da huo'o ca camachaqca nam qadhuo' l'ecpi, qaq de'eda 'ad'onataxanaxac, damayi mashi huo'oi soua vi'iyi.

Hechos 23:26

“Aÿim Claudio Lisias, 'am samaxa da iquinaxanaxac, 'am ñauochaxaua ita'a Félix.

Hechos 23:33

Qaq co'ollaq qaivita yi Cesarea, nachi qoÿanem so nta'a aso nede, nataq'en qoÿaneuo so Pablo.

Lucas 10:34

Nachi nqo'ona se'eso shiÿaxaua, nachi nataden, datannataxana so aceite qataq so lataxa. Ime, qaq ÿauo'o so laxataxa. Qaq co'ollaq ime, nachi ÿasaxalec so lalo, nachi ÿauegueu'a so nanataqa'. Huaña, nachi ilotague'.

Lucas 3:1

Qaq co'ollaq mashi ivi' naua quince vi'iyi da l'onataxanaxac som lta'a na nta'alpi l'enaxat Tiberio, qaq so Poncio Pilato ilotague' yi Judea, qaq so Herodes qalaq ilotague' yi Galilea, qaq so lqaÿa Felipe qalaq ilotague' yi Iturea qataq Traconítide, qaq so Lisanias qalaq ilotague' yi Abilinia.

Mateo 27:2

Nachi qaÿauec somayi, qoÿaxatta'a't naua lhua'q, da qoÿaneu'a so nta'a Poncio Pilato.

Hechos 23:25

Nachi ÿamaxaguelo soomayi aso lede mayi huetalec da 'eeta':

Hechos 24:1

Qaq co'ollaq mashi inoxoodeec soua cinco na'axa'te, nachi nvi' so Ananías, som lataxala' na ntaxaÿaxanaxanecpi, chigoqta'ague da Cesarea, nnaictague' so nquedoxonecpi qataq so aloico l'o', l'enaxat Tértulo. Nachi soomayi nachaateu'alo so nta'a, da yaqto' qai'axat cam lasouaxashit so Pablo.

Hechos 24:3

Qaq 'enauac nam shiÿaxauapi mayi neta'alo naua 'ale'u ÿataqta nachi 'eetai' da ntootapeguec damayi, 'am qadta'a.