Hechos 23:12 - Nuevo Testamento Toba Sur

¹² Qaq so lÿa na'a'q, nachi huo'o na judiopi na detaxaÿapigui da huotaique da ÿalauat so Pablo, nachi somayipi ÿan da l'aqtac da 'enapec sa ishit da deque'e, huo'otaq nÿom, da huo'otaq saxanaxa da ÿalauat somayi.

Nuevo Testamento Toba Sombrero Negro

¹² Mane'e ga'me nete' laqaya, uo'oe ga'me judiopi jo'ne nayatena't ca'li da'me jetaque yala't ñe'me Pablo, qama'le 'yaediñi da'me 'laqata'j jo'ne ja no'en queda'me cha'li ja deque'y nataq'aen ja niyo'm chayovida'a qom maqachaĝa yaqanate't ta'le yala't.

La'aqtaqa Ñim Lo'onatac 'Enauacna 2013

¹² Qaq so lỹa na'a'q, nache huo'o nam judiopi na detaxaỹapigui da huotaique da ỹalauat so Pablo, nache somayepi ỹan da la'aqtac da 'enapec saishet da deque'e, huo'otaq nỹom, da huo'otaq saxanaxa da ỹalauat somaye.

Hechos 23:12 Referans Kwoze

Hechos 23:30

Qalaxayi can aÿim i'axaÿaxac da na judiopi mashi detaqtapigui namayi da huotaique da ÿalauat, nachi namayi 'am samaxa. Nataq'en shinapega nam ipa'agueetacpi namayi da yaqto' nataq'en 'am dataÿot da yaqto' i'axat cam ÿasaqtapeguelec lasouaxashit namayi. Hua', nachi tachiguiña.”

Hechos 23:21

Qalaxayi sa ishit qome da 'au'amaqten; cha'ayi napacalec ca cuarenta na shiÿaxauapi na nqañoxottañi na dauanaxaatac. Qaq namayipi ÿan da l'aqtac da 'enapec sa deque'e qataq sa nÿom, da huo'otaq saxanaxa da ÿalauat ñi Pablo. Qaq yimayipi nagui mashi naÿamaxattai', chochi qaiuatta'a ca 'ad'aqtac.

Hechos 23:14

Nachi somayipi nqo'oneu'a som lataxala' na ntaxaÿaxanaxanecpi, qataq nam lquedoxonecpi nam judiopi, nachi 'enapeco': –Qomi' sanaq da qad'aqtac, da yaqto' sepagaqchigui da sa ishit da sequi'aq, da huo'otaq saxanaxa da salauataq so Pablo.

Hechos 25:3

Nachi qanachoxodeetacot somayi da ishit da nqouac da damaxasoxona so Pablo da qanauega yi Jerusalén. Qaq da lhuennataxac somayipi nshitaique da damaxasoxoolec somayi da qaÿachangui na nqa'aic da qaÿalauat.

Mateo 26:4

Qaq huaña yimayi, nachi qaitaqtapigui cam natenataxanaxac, da yaqto' qaÿaconeu'a so Jesús da qaÿalauat.

Gálatas 3:13

Qaq so Cristo qomi' nca'alaxateeguesopa dam lta'adaic qanhuaxanaguec mayi chigoqchigui na nqataxacpi, cha'ayi somayi nañanguet da lta'adaic nhuaxanaguec souaxat qomi'. Cha'ayi naua ñiyigui'shi l'aqtaqa ñi Dios 'eeta': “Ÿataqta sa qaichoxonnai' qome da qaÿauo'o da nhuaxanaguec ca qaicoñida'aguet cam qo'ipaq.”

1 Corintios 16:22

Da huo'o ca sa ishit da ÿauotec so qadataxala' Jesucristo, camayi huetalec da lta'adaic nhuaxanaguec. ¡'Am qadataxala', saqaÿaloq qome da 'ayi'iguelaq!

Mateo 27:25

Nachi 'enauac so shiÿaxauapi nmashiguem da ÿasat, 'eeta': –¡Qomi' qataq na qoyalaqpi ñachoxola't qome da qadasouaxashit da l-leuaxa de'eda shiÿaxaua!

Mateo 26:74

Nachi somayi ÿataqta n'axannec da nqolguet, qataq iÿaxaatega da qaÿalauat da huo'otaq ÿauatton somayi, nachi 'enapeco': –Aque', aÿim sa sauatton de'eda shiÿaxaua. Huaña, nachi noÿin so 'olgaxa.

Hechos 9:23

Qaq co'ollaq mashi qaÿoqteguelo soua na'axa'te, nachi na judiopi detaxaÿapigui da ÿauotaique da ÿalauat so Saulo.

Hechos 9:24

Qalaxayi somayi l'axaÿaxac de'eda. Qaq huo'oi soua na'axa'te qataq pesa'chi da na judiopi nauaataique somayi, qanayiuta'alo naua laso'mi yi la ciudad, da qaÿauotaique da qaÿalauat.

Hechos 23:13

Qaq napacalec cuarenta som shiÿaxauapi mayi n'ochigui de'eda.

2 Corintios 11:26

Qataq ÿataqta qalota da sequeuotac, qataq ñauane' da lchic na talapi, qataq na cachaxaicpi, qataq na maichi iuo' l'ecpi, qataq nam chigaqa'ague cam lÿa 'alhua. Qataq ñauane' nataq'en da lchic nam la ciudatpi, qataq naua n'onaxayi, qataq ana auaxai. Qataq ñauane' da lchic nam 'eetega qadqaÿañicpi, qalaxayi tenataxanaxaicpi.

1 Ts 2:16

Qaq ÿoqo'oyi naxa da sauoqtaique da sa'aqtaxanaxam da saq judiopi, da yaqto' ividauga nataq'en da qanca'alaxateec, qaq namayipi qomi' sa ÿashinema da shinaqtapeguec. Qaq de'eda 'eetec namayipi maichi nquigaxattauec da lasouaxashit. Qaq ÿoqo'oyi nagui namayipi mashi talec da saqca ca 'en'am nhuaxanaguec mayi chigoqo'ot ñi Dios.