Hechos 22:3 - Nuevo Testamento Toba Sur

³ –Aÿim judío l'ec. Ÿañoqo' yi Tarso mayi huaigui yi 'alhua Cilicia. Qalaxayi aÿim ñañaxatalec na Jerusalén, qaq aÿim lapaxaguenatac so Gamaliel. Aÿim ÿataqta shicteguelo naua nqataxaco som hua'au qadta'alpi. Qaq ÿoqo'oyi nachi 'eetai' da ÿataqta huo'o da iuogoxo da so'onataxaatacot ñi Dios, ÿataqta semato'ot da iquiyaqteÿaxac. Qaq nachi shiita'am 'enauac da qoñiita nagui.

Nuevo Testamento Toba Sombrero Negro

³ “Jayem judío. Ñiyi'ña di'me Tarso jo'ne Cilicia, qalaĝaja joue'ta ca'li jayem jaqayi jena'me jenjo' Jerusalén, ñapaĝaguetapecot ñe'me Gamaliel, jo'ne yataqachiñe que'teguelo daa'me namaĝajoĝonaĝaco 'me chiyoqo'oto dia'me qadet'al. Nach'e eta't jetaque jemata' jena'me yeuel da'me jo'onataĝaneuo'o ñe'me Dios, nach'e naq'aeta da'me ena'uaque ami auauoyi nayi jenjo' nolo'.

La'aqtaqa Ñim Lo'onatac 'Enauacna 2013

³ –Aỹem judío le'ec. Ỹañoqo' ye nỹecpi ye Tarso maye huaigui ye 'alhua Cilicia. Qalaxaye aỹem ñañaxatalec na Jerusalén, aỹem lapaxaguenatac so Gamaliel. Qaq aỹem ỹataqta shecteguelo naua lqataxaco som hua'au qarta'alpi. Ỹoqo'oye nache 'eetai' da ỹataqta huo'o da iuogoxo da so'onataxaatacot Ñim Lo'onatac 'Enauacna, ỹataqta semato'ot da iquiyaqteỹaxac. Qaq nache sheeta'am 'enauac da qoñiita nagui.

Hechos 22:3 Referans Kwoze

Hechos 26:5

Namayipi nataq'en ÿaÿateeta, qataq ishit da maichi i'axat, da co'ollaq ñaq aÿim nogotolec qalaq ñanacte' da shictaigui na fariseopi, nam ÿataqta quetegue da l'amqajnataxanaxac na judiopi, saq 'en'am na laÿipi.

Hechos 9:11

Nachi so qadataxala' 'enapego' somayi, 'eeta': –Qoñishiguem qome, nachi qoquegue so nqa'aic l'enaxat Ÿashicteec. Qaq qom 'avita ñi lma' ñi Judas, nachi 'aunataxanaique ca shiÿaxaua mayi chigaqa'ague da Tarso, l'enaxat Saulo. Qaq camayi nqouagaxaueetac,

Hechos 5:34

Qalaxayi se'eso nta'alpi nachi ÿalectaigui som chigaqaigui na fariseopi, l'enaxat Gamaliel. Somayi nachi dapaxaguenataxaatapeguec na nqataxacpi, ÿoqo'oyi ÿataqta huo'o naq 'enec qanqoÿin. Nachi somayi nachajñi, nachi damaxasoxoolec da cada'ac da qanqatreec soua namaxa'shi.

Hechos 21:39

Nachi so Pablo 'enapeco': –'A'i, aÿim judío l'ec, ÿañoqo' yi Tarso mayi ÿi'oxodaic, huaigui yi 'alhua l'enaxat da Cilicia. Qalaxayi ñaq aÿim 'auchoxoden, aÿim 'auashiitem da sauo'o ca i'aqtac nam shiÿaxauapi.

Hechos 21:20

Qaq can ime da qai'aqchigui 'enauac de'eda, nachi ÿataqta qaÿi'oxodeetac ñi Dios. Ime, nachi qoÿiitega so Pablo, qoÿiita': –Hua', 'am qadqaÿa, qalaxayi 'am mashi 'auaÿaten da na judiopi ÿataqta qalota na da'amqajnataxan. Qaq namayipi ÿataqta ipactega da qaipactelec da qanayiigue 'enauac nam lqataxacpi so Moisés.

2 Corintios 11:22

¿Namayipi peta'a hebreo l'ecpi? Qaq nataq'en aÿim. ¿Namayipi llalaqpi so Israel? Qaq nataq'en aÿim llalec somayi. ¿Namayipi maichi laualpi so Abraham? Qaq nataq'en aÿim.

Lucas 10:39

Qaq aso Marta huo'o aso lqaÿa l'enaxat María. Qaq asomayi nso'ootañi, neto'oto naua lchil so Jesús, nachi n'axaÿaxaatega 'enauac nam i'axattac somayi.

Romanos 11:1

Qaq ÿoqo'oyi nagui aÿim senataxan, shiita': ¿Ñi Dios peta'a imaqhuec na Israel l'ecpi mayi maichi lalamaxatpi? ¡'A'i, sa ishit! Cha'ayi aÿim nataq'en aÿim Israel l'ec, aÿim lauo' l'ec so Abraham, qataq sachigoxoigui na llalaqpi so laual Benjamín.

Hechos 23:6

Nachi so Pablo ila'a da huo'o na saduceopi se'eso nta'alpi mayi loicnatac na lataxaguesat, qataq huo'o na fariseopi. Nachi somayi ÿataqta n'axanneque naua l'aqtaqa, 'eeta': –Qami' ÿaqaÿañicpi, aÿim fariseo l'ec, nachi sachigaqaigui na fariseopi, qalaq nagui aÿim qanmichiitac, souaxat da huo'o da ñaquitaxac da qaltaq qanca'alaxateec na leuaxaicpi.

Hechos 6:9

Nachi huo'oi soua chigaqa'alo aca laponaxaqui na judiopi mayi qaÿamata'ac laponaxaqui na qaisouec nlatacpi. Qataq so laÿipi huo'o na chigaqa'ague da Cirene, qataq da Alejandría, qataq da Cilicia, qataq yi 'alhua Asia. Nachi somayipi ncotatague' so Esteban.

Gálatas 1:21

Qaq co'ollaq ime de'eda, nachi ñoqo'ona yim 'alhua Siria qataq yi Cilicia.

Gálatas 1:14

De'eda l'amqajnataxanaxac na judiopi co'ollaq sootaigui, qalaq aÿim ÿataqta qalota na ñapacalec na maichi iuo' l'ecpi mayi ñaloxouapi. Cha'ayi aÿim ÿataqta shicteguelo da saÿamaxa't na napaxaguenaxaco som hua'au ita'alpi.

Hechos 23:34

Qaq co'ollaq imat da itaxaÿaxaatac aso nede so nta'a, nachi inattac so Pablo da chaq hua'ague ca chigoqchiguiña. Qaq co'ollaq mashi ÿaÿaten somayi da chigoqta'ague da Cilicia.

Hechos 15:41

Nachi tajlec yi Siria qataq yi Cilicia, nachi ÿataqta i'añaqchittac na nqaÿañicpi ana n'onaxanaxaquipi.

Hechos 15:23

Nachi soomayi qaÿamaxadegue aso nede mayi huetalec da n'aqtac, 'eeta': “Qomi' Jesús lamaxa'shi qataq naua qadÿa't nataxala'te qataq 'enauac na qadqaÿañicpi, qomi' samaxasaxa da qadquinaxanaxac na qadqaÿañicpi mayi sa ishit da judiopi, mayi netaña yi Antioquía qataq yi 'alhua Siria qataq yi Cilicia.

Hechos 11:25

Qaq co'ollaq ime de'eda, nachi so Bernabé taigue da Tarso da ÿi'iguena'a so Saulo. Qaq co'ollaq ÿanata somayi, nachi nauega yi Antioquía.

Hechos 9:30

Nachi som 'amqajnataxanaxaicpi co'ollaq l'axaÿaxac de'eda, nachi qaÿauega so Saulo yi ñigaxasom Cesarea. Huaña yimayi, nachi qaÿamaxague da Tarso.

Lucas 8:35

Nachi 'enauac nam shiÿaxauapi demejnaxaneuga cam huaña de'eda. Qaq co'ollaq qaivita ca hueta'a so Jesús, nachi qailalec so shiÿaxaua mayi chigaqaigui se'eso n'ec leguemaxaicpi. Somayi nso'ootañi, neto'oto naua lchil so Jesús, ÿaatrañi soua alogo, qataq mashi ntoueeta. Nachi ÿataqta huo'o da ncolanaxa.

Lucas 2:46

Qaq co'ollaq mashi inoxoodeec soua tres na'axa'te, nachi qaÿanata somayi, huetaigui aso n'onaxanaxaqui late'edai, nso'ootañi, datataigui som dapaxaguenataxaatapeguec na nqataxacpi, n'axaÿaxaatega qataq huo'o na nnataxanaxacpi.

Hechos 9:1

Qaq so Saulo ñaq queto'ot da ÿadeetega da ÿalauat na i'amaqteetac so qadataxala'. Qaq ÿoqo'oyi somayi nqo'oneu'a so lta'a na ntaxaÿaxanaxanecpi da qaitaxaÿapegue' ñi Dios.

Hechos 26:9

Aÿim co'ollaxa ÿataqta qalota nam qauem iuennataxacpi mayi huotaique da so'otec dam l'enaxat som Jesús mayi Nazaret l'ec.