Hechos 22:25 - Nuevo Testamento Toba Sur

²⁵ Qalaxayi co'ollaq mashi ime da qaicoñida'ague da qaÿauotaique da qaiuaxan, nachi so Pablo 'enapeco': –¿Qami' qachi ishito' da huo'o da qoñiic da qauaxañi ca romano l'ec, da huo'otaq saxanaxa da qanmichi ca 'eetec ca lasouaxashit?

Nuevo Testamento Toba Sombrero Negro

²⁵ Qalaĝaja mane'e ca'li joote qoyecoñe' qaedi qoye'uaĝan, Pablo yachimaĝata ñe'me capitán jo'ne ue'tedi: —¿Qo'li auaqanachichi da'me anejaliaĝachilegue ga'me Roma le'ec qaedi a'uaĝañi, uoja'eda queda'me maliaĝa ja anemichiyaque ga'me laviyaĝajet?

La'aqtaqa Ñim Lo'onatac 'Enauacna 2013

²⁵ Qalaxaye co'ollaq mashe ime da qaicoñe' da qaỹauotaique da qaiuaxan, nache so Pablo 'enapeco': –¿Qami' qache isheto' da huo'o da qoñic da qauaxañi ca Roma le'ec, da huo'otaq saxanaxa da qanmichi ca 'eetec ca lasouaxashet?

Hechos 22:25 Referans Kwoze

Hechos 16:37

Qalaxayi so Pablo 'enapego' so huataxanaqpi, 'eeta': –Qomi' maichi qomi' romano lashi'. Qalaq qomi' qauaxañiita'pe, 'enauac qomi' qaÿauaachiguilo, qamaq saxanaxa da qaÿaÿaten ca qadasouaxashit. Qataq qomi' qaÿamaxaiguilo añi ncoñitaxanaxaqui, qaq ¿nagui, qalaq qanshiitaico' da chochi qomi' qai'oxochiitrañi da qomi' qausoideec? ¡'A'i, sa ishit! No'on da npacai' camayipi, da yaqto' qomi' nqatreec.

Hechos 25:16

Nachi aÿim sa'aqtaxaatapeguem namayipi da na nta'alpi mayi chigaqa'ague da Roma sa ishit da nai'ac da ÿanguet da nalaataguec ca ncoñitaguishic da huo'otaq saxanaxa da natai'ai' da ncotaÿapegue' cam decoñitaxanpi.

Hechos 27:43

Qalaxayi som lta'a so huataxanaqpi huotaique da nca'alaxateec so Pablo, nachi sa ishit da ÿashinem somayipi da dalaataxan; chaqdata da ÿan da l'aqtac da ca ÿaÿaten da laloxonaxac nachi ishit da hua'auta'ata so 'alhua daloxoota.

Hechos 23:17

Nachi so Pablo iÿaxana so 'oonolec nam ltauapi so huataxanaq lta'a, nachi 'enapega, 'eeta': –'Auauegueu'a qome de'eda nsoq ca nta'a, cha'ayi damayi huo'o da l'aqtaxanaxac da da'aqtaxanem camayi.

Hechos 27:3

Qaq so lÿa na'a'q, nachi sovidaxa yi ñigaxasom l'enaxat Sidón. Qaq yimayi nachi huaña da so Julio da ÿataqta ÿaÿamaxatta so Pablo, nachi ÿanem somayi da yaqto' namaqtega na nauattonaxauapi da yaqto' qaitauan.

Hechos 27:1

Qaq co'ollaq mashi qanasachigui da qomi' qaÿamaxadegue da Italia. Nachi so Pablo qataq so laÿipi ncoñitaguishicpi qoÿanot so huataxanaq lta'a, l'enaxat Julio, som ilotague' so huataxanaqpi mayi qaÿamata'ac nallippi so nta'a Augusto.

Hechos 10:1

Qaq yim la ciudad Cesarea nachi netaña so shiÿaxaua, l'enaxat Cornelio. Somayi lta'a na huataxanaq, nachi ilotague' som cien huataxanaqpi mayi qaÿamata'ac chigaqa'ague da Italia.

Mateo 27:54

Nachi so huataxanaq lta'a qataq som laÿipi mayi nauaatalec so Jesús co'ollaq ÿauaachigui so nacholaxanaxa qataq nam laÿipi mayi yi'oq, nachi ÿataqta qalota da lcolanaxa. Nachi somayipi 'enapeco': –Ñi'iñi shiÿaxaua ÿoqta 'eesa da llalec ñi Dios.

Mateo 8:8

Nachi so huataxanaq lta'a 'enapeco': –'Am ÿataxala', aÿim ÿataqta saq saiguet da 'aunoxonoigui ñi ima'. Chaqdata da 'am 'ai'an ca 'ad'aqtac, nachi ca ÿamaxashic no'oita.

Mateo 10:17

Qaq maxatchaxa qome, cha'ayi na shiÿaxauapi qome ishit da qami' ÿaneu'alo na nta'alpi mayi i'ot na lataxacpi, da yaqto' qami' qaiuaxaata'pe da huaigui ana laponaxaquipi na judiopi.

Hechos 22:26

Qaq co'ollaq hua'aqchigui de'eda so ltaua so huataxanaq lta'a, nachi jec da icoyiguen so lta'a, 'eeta': –Maxatchaxa, 'advitalec qome da 'anshitaique da 'au'ot, cha'ayi de'eda shiÿaxaua, damayi romano l'ec.

Hechos 23:27

Na judiopi co'ollaxa ÿaconeu'a ne'ena shiÿaxaua, nachi mashi huotaique da ÿalauat. Qalaxayi can saÿaten da namayi romano l'ec, nachi sauo'o so ñallippi, nachi ñoqo'ona da ñica'alaxateec.