Hechos 21:7 - Nuevo Testamento Toba Sur

⁷ Qaq sachigoxosoqchiguiña yi Tiro, chochi sovidaqta'a yi Tolemaida. Huaña yimayi, nachi tachiguiña da qoyiquiaxac da soqolaqtangui na 'etaxat. Qaq huaña yimayi, nachi ñauanaxai' so qadqaÿañicpi, nachi 'oonolec so na'a'q da souaqta'aguet.

Nuevo Testamento Toba Sombrero Negro

⁷ Chane'eja jachiyoĝojoqochi'ña di'me Tiro qama'le jomataq da'me qadeuoĝoc da'me qolaqatañgui ga'me noĝop ca'li jec'otaĝa di'me Tolemaida, ua'a da'me jep'iyenaqa'tape jogaa'me qadaqaya'olqa nataq'aen onolec jo'me nolo' da'me jouaqatauelo jogaa'me.

La'aqtaqa Ñim Lo'onatac 'Enauacna 2013

⁷ Nache sachegoxosoqchiguiña ye Tiro, choche seviraqta'a ye ñegaxasom maye naña ye nỹecpi le'enaxat da Tolemaida. Huaña yemaye, nache tachiguiña da qoyecỹaxac da qolaqtangui na 'etaxat. Qaq huaña yemaye, nache ñauanaxai' so qarqaỹañicpi, nache ñequinaqtague', nache 'oonolec so na'a'q da souaqta'aguet.

Hechos 21:7 Referans Kwoze

Hebreos 13:24

Qaq qai'añiim qome da iquinaxanaxac 'enauac na qadataxala'aipi, qataq 'enauac na qadqaÿañicpi mayi qad'amqajnataxanaxauapi. Qaq nam netaña na Italia qami' ÿamaxalo da lquinaxanaxac.

Hechos 28:12

Qaq can sovidaxa yi ñigaxasom l'enaxat Siracusa, nachi tres na'axa'te da souaqta'a.

Hechos 25:13

Qaq co'ollaq mashi qaÿata'aguelo soua na'axa'te, nachi anac so nta'a Agripa qataq aso lhua Berenice da nqo'ooda yi Cesarea da dequinaxaada so Festo.

Hechos 21:19

Nachi so Pablo nquiitague' 'enauac somayipi. Ime, nachi ÿachigoxottot da i'axattac 'enauac nam i'otpi ñi Dios mayi ÿachigoxotchigui somayi da huaigui naq'en nam sa ishit da judiopi.

Hechos 21:10

Qaq can mashi huo'oi soua na'axa'te da souaqta'a yi lma', nachi noviyi' so l'aqtaxanaxanec ñi Dios, l'enaxat Agabo, chigoqta'ague da Judea.

Hechos 18:22

Nachi co'ollaq ivita yi Cesarea, nachi so Pablo taÿa yi Jerusalén da dequinaxana so 'amqajnataxanaxaicpi. Qaq co'ollaq ime, nachi taigue da Antioquía.

Hechos 12:20

Qaq so Herodes ÿataqta dalemataÿa nam shiÿaxauapi mayi netaña yi Tiro qataq yi Sidón. Qalaxayi somayipi co'ollaxa huaxaÿa't da qaÿauotaique qanqo'oneu'a somayi da qaitaxaÿapegue'. Qalaxayi qai'auaxaañi da qaitaxaÿapegue' so Blasto som nta'a lta'adaic mayi ltaua so Herodes, da yaqto' somayi detaxaÿapegue' so nta'a, da yaqto' ÿanem da l-lagaxayic somayipi. Cha'ayi somayipi da lqui'axac nachi ÿachigoxottapiguiña yim n'alhua so nta'a.

Mateo 5:47

Qataq da huo'otaq ndoteec ca 'adqaÿa da 'anquiitapegue', nachi ¿négue't cam no'on mayi naigui de'eda? Yi ivida'a da i'ot de'eda nam saxanaxa da ÿauatton ñi Dios.

Hechos 1:15

Qaq se'esoua na'axa'te nachi so Pedro nachaatoigui so lqaÿañicpi mayi huac da ivi' ca ciento veinte shiÿaxauapi. Nachi 'enapega, 'eeta':

Hechos 21:3

Qaq can soqolaqta, nachi chochi seloqtau'a yi 'alhuolec Chipre pa'aÿa'ague da qan'emaq, nachi chochi sovidaqta'a yi Siria. Qaq cha'ayi aso barco qanÿoxoñi na l'ec can huaña yi ñigaxasom Tiro, nachi saxau'a yimayi.

Hechos 21:17

Qaq can mashi sovitaxa yi Jerusalén, nachi na qadqaÿañicpi ÿataqta qomi' ntootapegueque.