Hechos 21:34 - Nuevo Testamento Toba Sur

³⁴ Qalaxayi so shiÿaxauapi ÿataqta i'alaqtagui, saq ÿataq ca 'eetec ca l'aqtaxanaxac, qaq ÿoqo'oyi se'eso huataxanaq lta'a sa ÿaÿaten ca 'eetec souaxat na n'alaxac. Nachi damaxasoxoolec da qaÿauega so lma' na huataxanaqpi.

Nuevo Testamento Toba Sombrero Negro

³⁴ Qalaĝaja uo'oe gaa'me niyaĝatedapejeguem, 'yaĝatetedac ga'me 'uo nataq'aen gaa'me laqaya' 'yaĝatetedac ga'me 'uo laqaya, qama'le ñe'me coicopi lajoĝola' ja en 'te di'yoqochigui ga'me chiyaqayi da'me nalimaĝa jo'ne yauote ca'li; chane'eja damaĝajoĝolegue qaedi Pablo qoyauega di'me coicopi 'lachaqa'.

La'aqtaqa Ñim Lo'onatac 'Enauacna 2013

³⁴ Qalaxaye so shiỹaxauapi ỹataqta ỹa'alaqtagui, saq ỹataq ca 'eetec ca la'aqtaxanaxac, qaq ỹoqo'oye se'eso huataxanaq lta'a sa ỹaỹaten ca 'eetec souaxat na na'alaxac. Nache damaxasoxoolec da qaỹauega so lma' na huataxanaqpi.

Hechos 21:34 Referans Kwoze

Hechos 23:10

Nachi ÿataqta lta'adaic da cotaxac. Nachi som huataxanaq lta'a ÿataqta huo'o da lcolanaxa da qanaviigui so Pablo. Huaña, nachi damaxasoxoneuga so nallippi da yaqto' nqateeguesop somayipi so Pablo, nachi qaltaq ÿauegueu'a so lma' na huataxanaq.

Hechos 19:32

Nachi se'eso naponaxac ÿataqta huo'o da n'alaxac, ÿotta'a't na qai'alaqtalecpi, cha'ayi na shiÿaxauapi ÿataqta lliÿa't. Nachi ÿataqta qalota na ÿalectauo na sa ishit da ÿaÿaten ca huo'o mshi qai'ot se'eso naponaxac.

Hechos 23:16

Qalaxayi som llalec aso lqaÿa so Pablo l'axaÿaxac de'eda, nachi somayi jec da nqo'oneu'a so lma' na huataxanaqpi, nachi i'axatem de'eda so Pablo.

Hechos 22:24

nachi so huataxanaq lta'a damaxasoxoolec da qaltaq qoÿanaigui so lma' so huataxanaqpi so Pablo, qataq damaxasoxoolec da yaqto' qaiuaxan somayi, da yaqto' ishit da i'axat ca huo'o mshi i'alaqtalec somayi na shiÿaxauapi.

Hechos 21:37

Qaq co'ollaq mashi huotaique da qaipa'axaneuo so Pablo, nachi somayi 'enapego' so lta'a na huataxanaq, 'eeta': –¿Peta'a ishit da huo'o ca i'aqtac? Nachi so nta'a 'enapeco': –¡'A! ¿Qachi 'auaÿate'no' naua l'aqtaqa na griegopi?

Hechos 22:30

Qaq so lÿa na'a'q nachi som nta'a huotaique da ÿaÿaten chaq ta'ainec na judiopi da nquiÿatega so Pablo. Nachi nqa't so lque'te, nachi ÿamaxalec da i'ot so laponaxac so lataxala'pi na ntaxaÿaxanaxanecpi, nataq'en 'enauac so nta'alpi mayi loicnatac na lataxaguesat. Nachi nqateec so Pablo da ÿataxanoigui somayipi.

Hechos 25:26

Qalaxayi aÿim ña saqalaataique ca i'aqtac da yaqto' samaxa cam qadta'a mayi neta'ague da Roma, da sa'axat ca lasouaxashit damayi, qaq ÿoqo'oyi damayi qami' ñauegueu'alo. Qaq aÿim ÿataqta 'am salamaxatchigui, 'am nta'a Agripa, da yaqto' 'aunat damayi, yaqto' aÿim qome ishit da huo'o ca shiyiñi i'aqtaxanaxac da samaq.

Hechos 23:32

Qaq so lÿa na'a'q nachi ñi'iguelaxa so lma' so huataxanaqpi mayi petañi, nachi ndoteec som huota'a lalopi so nnaicapegue' so Pablo.