Hechos 21:24 - Nuevo Testamento Toba Sur

²⁴ Qaq nachiñiua qome 'annaicapegueto da 'anÿoxo'u, ime, nachi qaushiichiñi acam lashiue da qanÿoxoqui. Qaq qom ime, nachi naamayi ishi't da npete'c na laue. Qaq 'eda qome da qonetec, yaqto' 'enauac ishit da qaÿaÿaten da sa ishit da 'eesa de'eda 'an'aqtaguec, cha'ayi chaqdata da 'am nataq'en ÿataqta 'aupacchigui 'enauac da 'aualaxalec na nqataxacpi.

Nuevo Testamento Toba Sombrero Negro

²⁴ Aquiaĝa'u jogaa'me, nataq'aen ouetauelo jogaa'me da'me aniyola't, choqoda'me auejeten jaga'me nep'ia', qaedi jogaa'me yaqanate't ta'le nejote'j na'me layoĝo't. Naq'aeta da'me ena'uaque yauata queda'me ja eja da'me jo'ne am qo'yaĝatetac, dite da'me nach'e ena'am am auoqocha'alo jodaa'me namaĝajoĝonaĝaco.

La'aqtaqa Ñim Lo'onatac 'Enauacna 2013

²⁴ Qaq nacheñiua qome 'annaicapegueto da 'anỹoxou', ime, nache qaushiichiñi acam lasheue da qanỹoxoqui. Qaq qom ime, nache naamaye ishe't da npete'c na laue. Qaq 'era qome da qonetec, yaqto' 'enauac ishet da qaỹaỹaten da saishet da 'eesa de'era 'ana'aqtaguec, cha'aye nachaqrata da 'am nataqa'en ỹataqta 'aupacchigui 'enauac da 'aualaxalec na namaxasoxonaxacpi.

Hechos 21:24 Referans Kwoze

Hechos 21:26

Nachi so Pablo ÿaue'c soua lÿa't cuatro shiÿaxa'u. Nachi so lÿa na'a'q, nachi nÿo nataq'en soomayi. Qaq co'ollaq ime', nachi nqo'oodeu'a aso n'onaxanaxaqui da i'axatreuo cam na'a'q mayi laloxoqui da ime' da nÿoxo'c, cam na'a'q mayi huetoigui da ÿaadeuo aca lachitaqtaxanaqte'.

Hechos 24:18

Qaq aÿim mashi so'ottac co'ollaxa de'eda, nachi huo'oi soua judío lashi' mayi chigoqda'ague da Asia. Soomayi aÿim ilodalec da sootaigui añi n'onaxanaxaqui, can mashi seme da ñiÿoxoc da so'ottac dam maichi qan'onataxac. Qaq qaica da huo'otaq qalota na shiÿaxauapi, huo'otaq da huo'o ca n'axa.

Hechos 18:18

Nachi so Pablo ÿataqta huo'oi soua na'axa'te da hueta'a yi Corinto. Qaq co'ollaq ime, nachi somayi ncoyiguene' so nqaÿañicpi, nachi huenoteuo da nqo'ona yi 'alhua Siria, lÿatac so Áquila qataq aso Priscila. Qaq somayi co'ollaq yaqta'a da ca'ai yi ñigaxasom Cencrea da huenoteuo, nachi npetec na laue ÿataqta nmatta, cha'ayi nshitaique da ipacchigui cam l'aqtac mayi ÿan co'olloxochiyi.

1 Corintios 9:20

Naxa da sootaigui na judío l'ecpi, nachi se'enaxat da lliquiaxac namayipi, yaqto' ishit da ñauec. Namayipi quetague' da lliquiaxac na nqataxacpi mayi chigoqo'ot so Moisés. Qaq nataq'en aÿim souaxaÿot na nqataxacpi, nai'ctaxa da sa ishit da ÿoqta shictague' ne'ena nqataxacpi.

Gálatas 2:12

Cha'ayi somayi i'auaxaañi da dequi'iÿa'ai' nam sa ishit da judío l'ecpi, chochi ivitta'a co'ollaq nvi't soua shiÿaxa'u mayi lamaxa'shi so Santiago. Huaña, nachi somayi ca'ai namayipi da sa ishit da lqui'axaua, cha'ayi souaxat da ñi'iÿa nam quetaigui da qaÿauo'o na n'anaxashit naq'en ca shiÿaxaua.

Juan 11:55

Qaq mashi sa qaÿauga so na'a'q mayi laponaxaqui na judiopi da qaiuennate so na'a'q co'ollaq qanayica'ai yi Egipto. Nachi ÿataqta qalota na shiÿaxauapi mayi nañalo naua lÿa't pueblo da taÿa yi Jerusalén, da yaqto' i'ot da n'onataxac da nqui'itaxat ca shiÿaxaua, da yaqta'a nvideuo se'eso na'a'q naponaxaqui.

Juan 3:25

Nachi huo'o na nallippi so Juan na ncotatac, ncotatague' na judiopi, qancotatapigui da lataxac da 'onataxac da nqui'itaxatta ca shiÿaxaua.