Hechos 21:20 - Nuevo Testamento Toba Sur

²⁰ Qaq can ime da qai'aqchigui 'enauac de'eda, nachi ÿataqta qaÿi'oxodeetac ñi Dios. Ime, nachi qoÿiitega so Pablo, qoÿiita': –Hua', 'am qadqaÿa, qalaxayi 'am mashi 'auaÿaten da na judiopi ÿataqta qalota na da'amqajnataxan. Qaq namayipi ÿataqta ipactega da qaipactelec da qanayiigue 'enauac nam lqataxacpi so Moisés.

Nuevo Testamento Toba Sombrero Negro

²⁰ Ca'li domachita, 'nonaĝachidegue ñe'me Dios, eet'oi ga'me 'laqataqa jo'ne yate'm ñe'me Pablo: —Jaja'a, am qadaqaya, joote auayate'n ga'me judiopi queda'me yataqachiñe ja nejataĝaic ga'me joote p'iida'a, qama'le ena'uaque joga'me yepaquetedapegue' da'me youetaque ta'le qodique'teguelo daa'me namaĝajoĝonaĝaco jo'ne chiyoqodo'ot ñe'me Moisés.

La'aqtaqa Ñim Lo'onatac 'Enauacna 2013

²⁰ Qaq co'ollaq hua'aqchigui 'enauac de'era so 'amqaanataxanaxaicpi, nache ỹataqta ỹaatacot da na'achecỹaxac Ñim Lo'onatac 'Enauacna. Ime, nache qoỹeetega so Pablo, qoỹeeta': –Hua', 'am qarqaỹa qataq qanauochaxaua Pablo, cha'aye 'am mashe 'aumeteetac da qalota na judiopi da ỹa'amaqten So Jesús. Qalaxaye 'enauac namayepi ỹa'axattac da iuen da qaipactelec da qanayeegue 'enauac nam namaxasoxonaxacpi maye chegoqo'ot so Moisés.

Hechos 21:20 Referans Kwoze

Romanos 10:2

Cha'ayi aÿim sa'axat da namayipi ÿataqta lta'adaic da lyaxa da do'onataxanot ñi Dios, qalaxayi de'eda lyaqchic sa ishit da chigoqchigui ca 'eesa nauattonaxanaxac.

Gálatas 1:14

De'eda l'amqajnataxanaxac na judiopi co'ollaq sootaigui, qalaq aÿim ÿataqta qalota na ñapacalec na maichi iuo' l'ecpi mayi ñaloxouapi. Cha'ayi aÿim ÿataqta shicteguelo da saÿamaxa't na napaxaguenaxaco som hua'au ita'alpi.

Hechos 22:3

–Aÿim judío l'ec. Ÿañoqo' yi Tarso mayi huaigui yi 'alhua Cilicia. Qalaxayi aÿim ñañaxatalec na Jerusalén, qaq aÿim lapaxaguenatac so Gamaliel. Aÿim ÿataqta shicteguelo naua nqataxaco som hua'au qadta'alpi. Qaq ÿoqo'oyi nachi 'eetai' da ÿataqta huo'o da iuogoxo da so'onataxaatacot ñi Dios, ÿataqta semato'ot da iquiyaqteÿaxac. Qaq nachi shiita'am 'enauac da qoñiita nagui.

Hechos 15:1

Qaq se'esoua na'axa'te, nachi huo'oi soua nvilyi' shiÿaxa'u chigoqda'ague da Judea da nqo'ooda yi Antioquía. Nachi soomayi ÿapaxagueetrapeguec na 'amqajnataxanaxaicpi da ca nshitaique da qanca'alaxateec, qalaq camayi iuen da qaÿauo'o ca n'anaxashit na l'oc, cha'ayi damayi nachi lamaxasoxonaxac so Moisés.

Hechos 11:18

Nachi som nqaÿañicpi mayi netaña yi Jerusalén, co'ollaq hua'axaÿa de'eda, nachi nañaxaañi da ltaxaÿaxac, nachi ÿi'oxodeetac ñi Dios, 'eeta': –¡Aja', qachi nachi 'eeteco' ñi Dios da nataq'en ÿanem na saq judiopi, da yaqto' ca'aisalo naua n'onataxaco, qaq yi ishit da huo'o da lca'alaxa mayi chochaq tateec!

Hechos 15:5

Qalaxayi huo'oi soua ÿalectrauo na fariseopi mayi 'amqajnataxanaxaiqa soua nachajyiñi, nachi 'ena'po': –Nam 'amqajnataxanaxaicpi mayi sa ishit da judiopi, namayipi iuen da qaÿauo'o ca n'anaxashit na l'oc, qataq da qaÿamaxalec da i'ot na nqataxacpi mayi chigoqo'ot so Moisés.

2 Ts 1:10

que'eca na'a'q qom ñi'iguelaq somayi da qaÿi'oxoden, ÿi'oxoden na maichi lalamaxatpi, qataq da qai'aalac, i'aalac 'enauac na 'amqajnataxanaxaicpi. Cha'ayi qami' mashi qau'amaqchiñi dam qami' sa'axataqtapeguema.

Hechos 15:24

Cha'ayi qomi' qad'axaÿaxac da huo'o na shiÿaxauapi chigoqchiguiña ne'ena, da sa ishit da qadamaxashic, da qami' nqo'onalo da qami' sa ÿalemaxa't. Qaq naua l'aqtaxanaxaco namayipi i'ot da sa qauaÿajñi ca qoñiitec, qataq qami' ÿamaqtapeguelguete da qauauo'oi ca qan'anaxachi qataq da qoquiigue na lqataxacpi so Moisés.

Hechos 6:7

Nachi da l'aqtac ñi Dios ÿataqta nquictashiguem qataq yi lcata na da'amqajnataxan yi Jerusalén ÿataqta nquictauec, ivida'a da qalota na da'amqajnataxan nam ntaxaÿaxanaxanecpi da qaitaxaÿapegue' ñi Dios mayi judío l'ecpi.

Hechos 4:21

Nachi so nta'alpi ÿataqta ÿadeetegalo soomayi, qalaxayi ÿachaxaadeec. Cha'ayi sa ishit da qaÿanata cam qaÿachigoxotchigui da yaqto' qaiuaxa'n, cha'ayi 'enauac na shiÿaxauapi ÿataqta ÿi'oxodeetac ñi Dios, souaxat de'eda qanayiuaigui.

Hechos 4:4

Qalaxayi ÿataqta qalota na shiÿaxauapi nam n'axaÿaxaatega se'eso n'aqtaxanaxac na da'amqajnataxan. Qaq yim lcata so dalaxaic da'amqajnataxan huac da ivi' ca cinco mil ndoteec na ÿallippi.

Hechos 2:41

Huaña, nachi nam ÿalaxaguet da l'aqtaxanaxac so Pedro, nachi qanachilaxan. Nachi se'eso na'a'q nquigueec na da'amqajnataxan, cha'ayi huac da ivi' ca tres mil so shiÿaxauapi dalaxaicpi.

Juan 12:24

Qaq ÿataqta 'eesa de'eda qami' sa'axatema, da aca ala na trigo, da huo'otaq sa ishit da taigui na 'alhua da yaqto' ileu, nachi acamayi nachi 'eetai' da 'oonole. Qalaxayi acamayi da huo'otaq ileu, nachi ÿataqta qalota ana ala da qanqat.

Lucas 15:32

Qalaxayi nagui no'on da so'otaq ca qadqui'axac da ñitonaqpigui'. Cha'ayi ñi 'adqaÿa, ñimayi mashi saqca, qalaxayi qaltaq nca'aleec; ñimayi daqat, qalaxayi mashi sanataxa.”

Lucas 12:1

Qaq ñaq queta da lapootega't so saq llalcolec shiÿaxauapi. Qaq mashi ivida da huo'o na qaÿi'iguingui. Nachi so Jesús i'auaxaañi da 'enapega so lapaxaguenatacpi, 'eeta': –Maxatchoxo' qome, qadvichiÿa'a anam ÿashiidaxachigui ana pan mayi huetaigui na fariseopi, qaq damaxa 'eeta': nachida da maichi lataxac namayipi da 'eetega 'eesa.

Gálatas 1:24

Nachi ÿi'oxodeetac ñi Dios, souaxat aÿim.

Mateo 9:8

Nachi na shiÿaxauapi co'ollaq ÿauaachigui de'eda, nachi ÿataqta huo'o da lcolanaxa. Nachi ÿi'oxodeetac ñi Dios, souaxat da ñimayi ÿanem de'eda n'añaxac na shiÿaxauapi.