Hechos 21:18 - Nuevo Testamento Toba Sur

¹⁸ Qaq so lÿa na'a'q nachi so Pablo nataq'en qomi' ñoqo'onaxau'a so Santiago. Qaq somayi nachi hueta'aguet 'enauac so laÿipi nataxala'pi.

Nuevo Testamento Toba Sombrero Negro

¹⁸ Ga'me nete' laqaya qolaĝague ñe'me Pablo da'me dejapichiya ñe'me Santiago, qama'le nach'e ena'am ue'tajopa gaa'me 'yaĝaicachidi.

La'aqtaqa Ñim Lo'onatac 'Enauacna 2013

¹⁸ Qaq so lỹa na'a'q, nache so Pablo qataq qomi' ñeqo'onaxaua'a so Santiago som lqaỹa So Jesús da ñamaxasoqtegueua'a. Qaq can seviraxaua'a, nache selaqalec so laỹepi lataxala'pi na 'amqaanataxanaxaicpi da hueta'aguet somaye.

Hechos 21:18 Referans Kwoze

Gálatas 1:19

Qalaxayi sa ishit da huo'o ca lÿa da sela'a so laÿipi, chaqsota so Santiago som lalamaxat lqaÿa so qadataxala' Jesús.

Gálatas 2:9

Qaq ÿoqo'oyi so Santiago, Pedro, qataq so Juan mayi l'auaxanqa da nataxala'te, soomayi ÿauattoote' da nachiñi ñi Dios ñi aÿim ÿanem de'eda i'onataxanaxac. Qaq ÿoqo'oyi soomayi nachi aÿim nashileto qataq so Bernabé. Qaq de'eda qanashilaxac naigui da maichi qomi' nÿa't, qataq da qaÿaÿamaxadeeta da qomi' so'onataxanaxaigui nam saq judiopi, qaq soomayi qalaxayi do'onataxaadoigui nam judiopi.

Hechos 15:13

Qaq co'ollaq ima't da l'aqtaxanaxa'c, nachi so Santiago detaqa, 'eeta': –Qami' ÿaqaÿa't, ñaq qan'axaÿaxañiÿa da i'aqtac, 'eeta':

Hechos 11:30

Qaq 'eda da qoÿiitec. Nachi qaÿamaq aso nachitaqtaxanaqte da qaÿamaxa so nataxala'pi mayi netaña yi Judea, idoi' qanqoÿin so Bernabé qataq so Saulo.

Santiago 1:1

Aÿim Santiago, aÿim lamaxashic ñi Dios qataq so qadataxala' Jesucristo. Samaxa da iquinaxanaxac na shiÿaxauapi mayi chigoxogueta soua doce llalqa so Israel nam nlagaxajlec 'enauac ana 'alhua.

Hechos 20:17

Qaq so Pablo co'ollaq hueta'a yi Mileto, nachi damaxasoxoneu'a na lataxala'pi na 'amqajnataxanaxaicpi mayi netaña yi Éfeso.

Hechos 15:23

Nachi soomayi qaÿamaxadegue aso nede mayi huetalec da n'aqtac, 'eeta': “Qomi' Jesús lamaxa'shi qataq naua qadÿa't nataxala'te qataq 'enauac na qadqaÿañicpi, qomi' samaxasaxa da qadquinaxanaxac na qadqaÿañicpi mayi sa ishit da judiopi, mayi netaña yi Antioquía qataq yi 'alhua Siria qataq yi Cilicia.

Hechos 15:6

Nachi soua Jesús lamaxa'shi qataq soua lÿa't nataxala'te ÿauo'oi so ltaxaÿaxa'c, da yaqto' qailaique ca lataxac de'eda.

Hechos 15:2

Nachi so Pablo qataq so Bernabé nqalligottapegueto soomayi, ÿataqta lta'adaic da nqalligotaxa'c. Huaña, nachi qaÿaconeu'alo so Pablo qataq so Bernabé, qataq qaÿauo'oi soua lÿa't. Nachi qaÿamaxadegue da Jerusalén da nqo'onalo qanqoÿin soua Jesús lamaxa'shi qataq soua lÿa't lataxala'te na 'amqajnataxanaxaicpi mayi netraña yi'iyi la ciudad, da yaqto' qaitaxaÿapigui ca llic de'eda.

Hechos 12:17

Qalaxayi somayi ÿauota'a na lhuaq da nhuogaxa somayipi da de'enaxaatai'. Ime, nachi i'axat da 'eetec ñi qadataxala' da nqateeguesop somayi añi ncoñitaxanaxaqui. Ime, nachi 'enapego' somayipi, 'eeta': –Qau'axachiim qome 'enauac de'eda ca Santiago qataq 'enauac na qadqaÿañicpi. Ime, nachi somayi jec da taÿa ca lÿa 'alhua.

Mateo 10:2

Qaq 'ena na l'enaxatpi soua doce lamaxa'shi: Simón da l'enaxat lÿa Pedro, qataq so lqaÿa Andrés; Santiago qataq so lqaÿa Juan, soomayi llalqa so Zebedeo;

Hechos 24:11

Qaq nagui 'am ishit da maichi 'auchimaxata qome da i'aqtaxanaxac, cha'ayi aÿim ñaq cha'ague da ñovita yi Jerusalén nagui saxanaxa da ivi' caua doce na'axa'te, qaq aÿim ñanac da sauotaique da ñatamnot ñi Dios.