Hechos 21:13 - Nuevo Testamento Toba Sur

¹³ Qalaxayi so Pablo 'enapec: –¿Tá'ainec yi qanoÿiñiitac qataq qanshiitaique da aÿim qauaquicoqchichi? Yi aÿim ÿataqta qaica ca shictega, nai'ctaxa da huo'otaq aÿim qaicoñi', huo'otaq da aÿim qaÿalauat da huaña yi Jerusalén, souaxat da sasoilec so qadataxala' Jesús.

Nuevo Testamento Toba Sombrero Negro

¹³ Qalaĝaja Pablo 'yategueta: —¿Toqoch'e anoyeñitac nataq'aen jayem a'vichiyec da'me jayem totelegue? Jayem joote ñiyamaĝateta't ja nach'edata da'me jayem qoyecoñe' dite da'me nach'e ena'am jeleu qom joue'ta di'me Jerusalén, qa'a jajouem ñe'me Jaliaĝanec Jesús.

La'aqtaqa Ñim Lo'onatac 'Enauacna 2013

¹³ Qalaxaye so Pablo 'enapec: –¡Saishet da qanỹiñiitac, cha'aye da nache qoñiita'ac de'era, nache aỹem qauaquicoqchichi! Aỹem ỹataqta sauotec So Qarataxala', qaq ỹoqo'oye aỹem lhuotta. Qaica ca shectega da aỹem qaicoñe', qataq na'aictaxa da seleualec Somaye da huaña ye Jerusalén.

Hechos 21:13 Referans Kwoze

Hechos 20:24

Qalaxayi 'enauac namayipi qaica ca soqocha'a, ivida'a da maichi ñachaalataxac 'eeta'am ñaq'en da qaica ca naigui. Chaqdata da ñishitaique da samachiguiñi qom sematta da ñamaxasaguec qataq da sepaquejlec dam i'onataxanaxac mayi aÿim ÿami' so qadataxala' Jesús, da yaqto' sa'axat da no'on qad'axaÿaxac mayi lqouagaxanaqtaic ñi Dios.

Filipenses 2:17

Qaq nai'ctaxa da qaÿaconeu'a da maichi ÿalamaxat ñachaalataxac da huo'otaq qaÿavigaxat, da yaqto' qaÿalecnoigui aca qadachitaqtaxanaqchi mayi qai'añiÿot ñi Dios, souaxat dam qadpi'iÿaxaqui, qalaxayi aÿim samachiguiñi. Qaq de'eda ñitonaxac nachi ñiuaate' 'enauac da qoñiita.

2 Timoteo 4:6

Da ñachaalataxac mashi qoÿanot ñi Dios, 'ico' ca ntago'q da qaicodelguete aca nca'atoxonaxalate. Cha'ayi mashi sa qaÿapque yi ÿaloqo'.

Apocalipsis 12:11

Cha'ayi na qadqaÿañicpi loxonec somayi, qaÿachigoqchiguilo naua ltago'q so qagueta llalec, qataq souaxat da n'aqtac mayi i'axattac. Cha'ayi namayipi ÿataqta sa ishit da ñi'itac, qataq qaica ca ÿictega da nai'ctaxa da ileutalec damayi.

Colosenses 1:24

Qaq nagui aÿim ÿataqta samachiguiñi, cha'ayi huo'o da ñique'ejnaxac souaxat da qoñiita. Cha'ayi de'eda nque'ejnaxac da ÿalamaxat i'oquiaxac, damayi naigui da yaqto' nalochiguiñi naq'en na nque'ejnaxacpi so Cristo souaxat na 'amqajnataxanaxaicpi mayi nachina na 'ico' l'oquiaxac somayi.

2 Pedro 1:14

Cha'ayi so qadataxala' Jesucristo mashi aÿim ÿaÿajnaxanaxanec da saqaÿaloq da shica'ai de'eda yi'oqchigui ñachaalataxac.

Hechos 20:37

Nachi 'enauac somayipi noÿiitagui, nachi qanqapaltapegue' somayi, qataq qanapigoq.

Hechos 5:41

Nachi se'esoua Jesús lamaxa'shi chigoqtoiguilo so nta'alpi ÿataqta huo'o da ntonaxa'c, cha'ayi ñi Dios ÿashiitegueta soomayi da huo'o da nque'ejnaxa'c, huasoidelec da l'enaxat so Jesús.

Apocalipsis 3:10

Cha'ayi 'am ÿataqta 'au'ot da i'aqtac da ÿataqta 'anhualaxauen. Qaq ÿoqo'oyi aÿim 'am ñipaxatalec qom ivita ca laloqo' ca ñi'iguenataxanaxac mayi naguelec 'enauacna, da qaÿi'iguen 'enauac na netalec ana 'alhua.

2 Timoteo 1:4

Qaq naxa da tachigui iuel da 'anneenaxac, nachi huo'o da iyaxa da 'am ñauane', yaqto' aÿim nlaqchigui da ñitonaxac.

1 Corintios 15:31

Ÿataqta 'eesa, qami' ÿaqaÿa't, da 'enauaque naua na'axa'te satata'aguet da nleuaxa, qaq de'eda ÿataqta 'en, 'eeta'am da ñitonaxac da qami' ñitootapegueque, cha'ayi mashi qau'amaqchiñi so qadataxala' Jesucristo.

Hechos 9:16

Qaq ñimayi aÿim sachaxana qome da ÿataqta qalota da nque'ejnaxac souaxat aÿim.

Filipenses 2:26

Cha'ayi ñimayi qalota da lyaxa da nauane' 'enauac da qoñiita. Qataq nataq'en huo'o da 'eeta, souaxat da qami' qad'axaÿaxaqui da sa no'on.