Hechos 21:11 - Nuevo Testamento Toba Sur

¹¹ Somayi qomi' namaqtegalo. Nachi somayi ÿacona so nsaataxaqui so Pablo, nachi maichi icoñiyiguilo naua lchil qataq naua lhua'q. Nachi 'enapeco': –So Espíritu Santo 'enapec da l'aqtaxanaxac yi cam judiopi mayi lma' yi Jerusalén nachi 'eetec qome de'eda ñim lalamaxat ne'ena saataxaqui da icoñi'. Ime, nachi ÿaneu'a na sa ishit da judiopi.

Nuevo Testamento Toba Sombrero Negro

¹¹ Mane'e da'me qo'mi yovitalo, naqat ga'me najataĝaiqui ñe'me Pablo, qama'le yecoñetec ñe'me naa'me loua' nataq'aen naa'me lapia'te, qama'le enaac: —Joñe'me Dios Lepaqal 'yaĝatetac joga'me judiopi jo'ne 'lachaqa't di'me Jerusalén queda'me naq'aeta da'me yecoñe't qomle ga'me loĝot jena'me jataĝaiqui, qama'le qoyanouelo qomle ga'me jiyaĝadipi jo'ne ja 'lachaqa'tena.

La'aqtaqa Ñim Lo'onatac 'Enauacna 2013

¹¹ Somaye qomi' namaqtegalo. Nache somaye ỹacona so nsaataxaqui so Pablo, nache maiche icoñiyiguilo naua lchel qataq naua lhua'q. Nache 'enapeco': –So Saqcha'a Na'añaxac Qui'itta 'enapec da la'aqtaxanaxac ye cam judiopi maye lma' ye Jerusalén, nache 'eetec qome de'era ñim lalamaxat ne'ena saataxaqui da icoñi'. Ime, nache ỹaneua'a na nta'alpi ye Roma.

Hechos 21:11 Referans Kwoze

Hechos 21:33

Nachi so huataxanaq lta'a nqochineuo, nachi ÿaconeu'a so Pablo, nachi damaxasoxoolec da qaicoñida'aque naua lhua'q soua lque'te. Qaq co'ollaq ime, nachi dechimaqtaxaatapeguelec somayi qataq chaq negue't cam i'ot.

Hechos 20:23

Cha'ayi chaqdata da saÿaten da huo'otaq huo'o yi sovita nam la ciudatpi mayi sovida'a, nachi so Espíritu Santo aÿim da'aqtaxaatapeguem da huo'o qome ca ñicoñitaguec, qataq ÿataqta qalota da ñique'ejnaxac.

1 Pedro 1:12

Qalaxayi ñi Dios ÿaÿajnaxanaxanec somayipi da de'eda huetapegue' sa ishit da lalamaxat, cha'ayi damayi qaÿauotaique da qomi' talguete. Qaq ÿoqo'oyi nachida da qami' qai'axattapeguema dam qami' i'axatema nam i'añaqchit so Espíritu Santo mayi chigoqo'ot na piguem mayi i'axattac da n'aqtaxanaxac mayi chigaqaigui da nca'alaxa. Qaq damayi nataq'en nachida da nshitaique da ÿaÿateeta co'ollaxa nam chigaqshiguem lamaxashicpi ñi Dios.

Hebreos 10:34

Qataq qami' ÿataqta huo'o da qadchoxonnataxanaxai nam qaicoñittai', qataq ivida'a da ÿataqta huo'o da qantonaxaqui da qan'añaxachiiguet da qaiuotaxanec na qadalamaxachiipi, cha'ayi qami' qauaÿajñiita da huo'o cam hueta'ague da piguem mayi ÿacteec da lyac qataq qaica ca loga't.

Hebreos 3:7

Qaq ÿoqo'oyi naua nanettrañi l'aqtaqa so Espíritu Santo 'eeta': Nagui da qami' qau'aqaichigui ca 'enapec ñi Dios,

2 Timoteo 2:9

Qaq nachida da huo'o mshi huo'o da ñique'ejnaxac, chochi sovitta'a da aÿim qaicoñittai', shiita'am ca qalota na lasouaxashit. Qalaxayi da l'aqtac ñi Dios sa ishit da qaicoñittai'.

Efesios 6:20

Cha'ayi ñi Dios aÿim namaq da aÿim l'aqtaxanaxanec, da sa'axat de'eda n'aqtac. Qaq nachida da huo'o mshi aÿim qaicoñittai' nagui. Qaq ÿoqo'oyi qanqouagaxauñiitac qome, yaqto' da aÿim sa'axat de'eda n'aqtac, qalaq sa ishit da shi'itac.

Efesios 4:1

Qaq ÿoqo'oyi aÿim, mayi aÿim qaicoñittai' souaxat da sasoilec so Cristo, nagui qami' ñachoxodeetoiguilo da ÿataqta qoquiitegue qome da lataxac cam iÿaxana ñi Dios, da 'eeta'am nataq'en da qoñiita.

Efesios 3:1

Qaq aÿim Pablo, 'eda da huo'o mshi aÿim ñoqouagaxaueetac. Qaq aÿim qaicoñittai' souaxat da sasoilec so Cristo Jesús, qalaxayi damayi naigui da yaqto' qauaÿamqaiñi qami' mayi sa ishit da qami' judío lashi'.

Hechos 28:25

Qaq cha'ayi sa ishit da 'eeta'a't somayipi, nachi huo'o na jec. Nachi so Pablo 'enapeco': –Ÿataqta tachigui da l'aqtaxanaxac so Espíritu Santo co'ollaq ÿachigoxotchigui so Isaías da 'enapega naq'en so hua'au qadta'alpi, 'eeta':

Hechos 28:20

Qaq nachida da huo'o mshi qami' seÿaxaneugalo, da yaqto' qami' ñauaneto, qataq qami' setaxaÿapegueto. Cha'ayi nachida dam 'enauac qanaquitaxac qomi' Israel l'ecpi, da huo'o mshi aÿim qaicoñitta'aque ne'enaua ique'te.

Hechos 28:17

Qaq can mashi ivi' tres na'axa'te da sovidaxa yi Roma, nachi so Pablo damaxasoxoneuga nam lataxala'pi na judiopi mayi netaña yimayi. Qaq can mashi laÿoota'a't somayipi, nachi so Pablo 'enapega, 'eeta': –Qami' ÿaqaÿañicpi, aÿim nai'ctaxa co'ollaxa da qaica ca so'otec na qadhuo' judío l'ecpi, qataq qaica da ñipa'agueetega da n'onataxac som hua'au qadta'alpi, qalaxayi ñaqaiyita namayipi aÿim icoñi' can huaña yi Jerusalén, nachi aÿim ÿaneu'a na nta'alpi romano l'ecpi.

Hechos 26:29

Nachi so Pablo 'enapeco': –Nai'ctoxo' da huac da 'au'amqajnataxan, huo'otaq saxanaxa, qalaxayi ñishitaique da ñi Dios saq'amta naq'en, nataq'en 'enauac nam aÿim n'axaÿaxaatega nagui, ishit da ivida'a da 'eeta'am aÿim, qalaxayi sa ishit qome da aÿim qoñiita'am da aÿim qaicoñittai'.

Hechos 24:27

Qaq ivi' soua dos vi'iyi da 'eeta'ac de'eda. Nachi so Félix co'ollaq ÿaxaneec da nta'a, nachi anac so Porcio Festo da qoÿanagui da l'onataxanaxac somayi. Qaq so Félix, cha'ayi huotaique da chochi qaica ca da naq'en na judiopi, nachi queto'ot da qaicoñittai' naq'en so Pablo.

Hechos 22:25

Qalaxayi co'ollaq mashi ime da qaicoñida'ague da qaÿauotaique da qaiuaxan, nachi so Pablo 'enapeco': –¿Qami' qachi ishito' da huo'o da qoñiic da qauaxañi ca romano l'ec, da huo'otaq saxanaxa da qanmichi ca 'eetec ca lasouaxashit?

Hechos 16:6

Qaq so Espíritu Santo sa ÿashinema soomayi da i'axa't da n'aqtac yi 'alhua l'enaxat Asia. Qaq ÿoqo'oyi soomayi napactralec yi 'alhua Frigia qataq yi Galacia,

Hechos 13:2

Qaq huo'o so na'a'q co'ollaq somayipi i'ottac so lli'oxonnataxanaxac ñi qadataxala', nachi nqouaqchit da nqouagaxauen. Nachi so Espíritu Santo 'enapego' somayipi, 'eeta': –Qauÿochiÿauga qome ñi Bernabé qataq ñi Saulo, da yaqto' sanaguilo dam sauotaique l'onataxanaxa'c mayi huo'o mshi seÿaxanalo.

Hechos 9:16

Qaq ñimayi aÿim sachaxana qome da ÿataqta qalota da nque'ejnaxac souaxat aÿim.

Juan 18:1

Qaq co'ollaq ime da nasaxauec de'eda so Jesús, nachi jec, nnaictapegueto soua lapaxaguenataqa da taitague da le'ego so l'auaxac l'enaxat Cedrón. Qaq nachi huaña yimayi so nanguishi lma', nachi taigui so Jesús, lÿata'pe soua lapaxaguenataqa.

Hechos 8:29

Nachi so Espíritu Santo 'enapego' so Felipe, 'eeta': –Sa 'auÿotapeque qome asa'aso naigona.

Hechos 21:4

Nachi qomi' ñauanaxai' na 'amqajnataxanaxaicpi, nachi souaqa'aguet somayipi soua siete na'axa'te. Nachi so Espíritu Santo da'aqtaxanem somayipi, da yaqto' 'enapega so Pablo da yaqto' sa ishit da taigue da Jerusalén.

1 Timoteo 4:1

Qalaxayi so Espíritu i'axatta'agueta naua natrauo na'axa'te da huo'o qome na ca'ai da lpi'iÿaxac, nachi ca'attegueñi' na saq cha'api tenataxanaxaic, qataq n'axaÿaxaatega da lapaxaguenataxanaxac na lamaxashicpi so shiÿaxaua lma'na.