Hechos 20:7 - Nuevo Testamento Toba Sur

⁷ Qaq so l'auaxanec na'a'q naua na'axa'te, nachi huo'o so qalaponaxac, da yaqto' sachiguenaq ana pan. Nachi so Pablo ÿapaxagueetac na 'amqajnataxanaxaicpi. Qaq cha'ayi somayi huotaique da jec so lÿa na'a'q, nachi ÿataqta quetot da l'aqtaxanaxac, chochi ivitta'a da laiñi so pe.

Nuevo Testamento Toba Sombrero Negro

⁷ Nolo' 'uaechiñe ga'me semana qadema'a't qaedi jecolaĝataĝaye ga'me pan, qama'le Pablo dojetapegue'to ca'li ga'me p'etaqadaiquipi. Queda'me jetaque yeuotac ga'me nete' laqaya qama'le nichiyaĝategue ga'me 'laqataĝanaĝac chayovida'a laeñi ga'me pi'yaq.

La'aqtaqa Ñim Lo'onatac 'Enauacna 2013

⁷ Qaq so la'auaxanec na'a'q naua na'axa'te, nache huo'o so qarquia'axac da seuennaqte da lquia'axac So Qarataxala'. Nache so Pablo ỹapaxagueetac na 'amqaanataxanaxaicpi. Qaq cha'aye somaye huotaique da jec so lỹa na'a'q, nache ỹataqta quetot da la'aqtaxanaxac, choche ivitta'a da laiñi so pe.

Hechos 20:7 Referans Kwoze

1 Corintios 16:2

Da iviteuga ca na'a'q l'auaxanec naua la semana, nachi ñi 'oonolec da qoñiita huo'o aca iÿotauga, qalaxayi acatai' nalotau'a nachaca ÿaÿamaxat, yaqto' sa ishit da iuen da qai'ot aca ntaunaxanaqte qom qami' sevitalo.

Hechos 2:42

Qaq 'enauac somayipi ÿataqta queteguelo naua lapaxaguenataxanaxaco se'esoua namaxa'shi, qataq ÿataqta nhuoteeta't, qataq nqouagaxaueetac, qataq da deque'e, qalaq 'enauac ima'a't.

Juan 20:19

Qaq se'eso na'a'q mayi l'auaxanec naua na'axa'te co'ollaq mashi pe, nachi soua napaxaguenataqa, soomayi lapoota'a't. Qaq ÿataqta ÿapochiyigui so lasom, souaxat da qañi'itega na judiopi. Nachi so Jesús pa'auo, nachi vichiguinguilo na laiñi soua lapaxaguenataqa. Nachi iqui'n, 'eeta': –Qami' huo'o qome da qadlagaxayiqui.

Juan 20:1

Qaq som l'auaxanec na'a'q naua na'axa'te, nachi aso María mayi lashi yi Magdala, asomayi tauga aso huachiqui co'ollaq nte'etom. Qaq co'ollaq ña napaltañi, nachi asomayi ila'a da so coma' mayi lapoxot aso huachiqui da mashi qanqat.

Apocalipsis 1:10

Qaq huetoigui so na'a'q mayi laloxoqui da qaÿi'oxoden so qadataxala', co'ollaq aÿim nvita da sootaigui da l'añaxac so Espíritu Santo. Nachi sa'axaÿa co'ollaxa so lta'adaic nvilÿaxac, chimaxague na ilaq, 'eeta'am na l-lamaxa ana nashiide.

Hechos 20:11

Nachi so Pablo qaltaq ÿi'iguelaxashiguem. Ime, nachi ncolaxajñi aso pan, nachi deque'e. Qataq quetot da l'aqtaxanaxac, chochi ivittalec da yi'oxoñi, nachi jec.

Hechos 28:23

Qaq ÿoqo'oyi qaÿauo'o so naloqnec na'a'q. Qaq co'ollaq ivita se'eso na'a'q, nachi ÿataqta qalota na shiÿaxauapi na nvita ca netaña so Pablo. Nachi ÿachigoxottot se'eso nte'eta, chochi ivitta'a so avit, da i'axattapeguem somayipi da l'onataxanaxac ñi Dios da ilo'ogue 'enauacna. Ÿataqta quetapegueu'a somayipi da i'amaqten naq'en so Jesús, nachi i'axattac nam nqataxacpi mayi chigoqo'ot so Moisés qataq nam l'aqtaxanaxac som l'aqtaxanaxanecpi ñi Dios.

Hechos 20:9

Qaq huo'o so nsoq, l'enaxat Eutico, somayi nso'ootañi, netaigui so nalloxoc. Qaq cha'ayi so Pablo ÿataqta qaÿoqteec da ltaxaÿaxac, nachi somayi huo'o na l'ochaxa, ivitta'a da ÿataqta lta'adaic na l'ochaxa. Nachi najñi, chigoqotchiguemec so qanayiitashiguema noÿic, nachi qaÿacoosop, cha'ayi ÿoqta ileu.

Lucas 24:35

Nachi soomayi nataq'en da'aqtaxaata'pe, i'axattrac da 'eetec da huedaigui co'ollaq quetrague' so 'eetec da huedaigui co'ollaq ÿauattoodelec so Jesús co'ollaq ncolaxattapiguiñi aso pan.

1 Corintios 15:10

Qalaxayi da lqouagaxanaqtaic ñi Dios nachida da huo'o mshi aÿim nagui, qaq de'eda ñoqouagaxa sa ishit da saqca ca naigui. Cha'ayi aÿim ÿacteec da i'onataxanaxac, ñapacalec 'enauac na laÿipi namaxashicpi. Qalaxayi sa ishit da nachaÿim, nachida da lqouagaxanaqtaic ñi Dios mayi aÿim ÿanem.

1 Corintios 10:16

Ana ÿomaxaqui mayi qaiÿotauga da yaqto' ñoqouagaxaunaxalec, anamayi da ivita da ñiÿomaxagui nachi naigui da 'eeta'am da qomi' qaÿauaxaÿaxana't souaxat naua ltago'q so Cristo. Nataq'en ana pan mayi ñicolaxataxañi, anamayi da ivita da sachiguenaq nachi naigui da 'eeta'am da qomi' qaÿauaxaÿaxana't souaxat da l'oquiaxac so Cristo.

Hechos 20:31

Qaq maxatchaxa qome, qanloishiguem, qauennachiÿo' qome soua tres vi'iyi, da ica'n naua na'axa'te qataq naua pe' da qami' saqattegalo, ñoÿiitalec ñi 'oonolec da qoñiita.

Hechos 2:46

Nachi 'enauaque naua na'axa'te lapootega't, qanayiuta'a aca n'onaxanaxaqui, qataq da qanayiitaugalo naua nma'te da nqui'axauapi, ÿataqta machiguiñi qataq qaica ca n'amqajnaxac.

Juan 20:26

Qaq co'ollaq mashi ivi' naua ocho na'axa'te, nachi soua napaxaguenataqa qaltaq lapoota'a't da huetra'a so noÿic, nachi ÿalectauo so Tomás da hueta'agueta soomayi. Qaq nai'ctaxa da ÿataqta ÿapochigui so lasom, qalaq so Jesús pa'auo, nachi vichiguinguilo soomayi. Nachi iqui'n, 'eeta': –Huo'o qome da qadlagaxayiqui.

Lucas 22:19

Qaq co'ollaq ime, nachi ÿacona aso pan, nachi ÿanot da n'achic ñi Dios. Ime, nachi icolaxachigui, nachi ÿanoiguilo soomayi, nachi 'enapeco': –Ana'ana pan nachi naigui da i'oquiaxac mayi qoÿanguet da nalaataguec, souaxat da qoñiita. Qaq qau'ochi qome damayi, yaqto' sa ishit da aÿim qaucouaÿa'ai.

2 Timoteo 4:2

da ÿataqta 'au'axat da n'aqtac, ÿataqta 'anpogoxoinapegue' da huo'o ca 'addaqa', nachi 'en'am da qaica ca 'addaqa'. 'Anloqteneec ca shiÿaxaua, 'auachaxana ca lsomaxac, 'auqata, ÿataqta 'anhualaxaune' da 'auapaxaguen.

Marcos 16:9

Qaq co'ollaq mashi qaltaq qanca'alaxateec so Jesús se'eso l'auaxanec na'a'q, nachi somayi hua'auchiguiñi da nachaxana aso María mayi lashi yi Magdala, asom i'odauec co'ollaxa so siete l'ecpi leguemaxaicpi.

Hechos 16:10

Qaq co'ollaq chochi huo'o da lauanaqchic so Pablo, nachi qomi' ñaÿamaxataq da saxatague da Macedonia. Cha'ayi ÿoqta da 'eesa da nachiñi ñi Dios ñi qomi' nÿaxaategalo, da yaqto' sa'axataxam camayipi dam no'on qad'axaÿaxac.

Hechos 20:5

Nachi se'esoua nqaÿa't hua'a'u, qaq co'ollaq ivilda yi la ciudad Tróade, nachi qomi' iuatapigui.