Hechos 20:6 - Nuevo Testamento Toba Sur

⁶ Cha'ayi qomi' can ime so na'a'q naponaxaqui mayi huetoigui da qanallic ana pan mayi sa qaÿauo'o ana lalecte, nachi senoxonaxauec, sachigoxosoqchiguiña yi Filipos, senotaxau'a aso barco. Qaq ivi' soua cinco na'axa'te, nachi sovitaxa yi Tróade yim huetra'a soomayi. Huaña yimayi, nachi ivi' soua siete na'axa'te da souaqta'a.

Nuevo Testamento Toba Sombrero Negro

⁶ Da'me qo'mi, ca'li yenoĝodegue gaa'me noloqo'ote nale qoyalic jaga'me pan 'me qaya'te lale'gue, jonaqañgui jaga'me licota da'me jachiyojoqo'ña di'me Filipos, yenoĝodegue jaa'me cinco noloqo'ote qama'le jovidaqalo'te di'me Tróade, ua'a da'me jouaqa'ta siete gaa'me noloqo'ote.

La'aqtaqa Ñim Lo'onatac 'Enauacna 2013

⁶ Qaq so Pablo qataq qomi', can ime so naponaxac maye laloxoqui da qanallec ana nauole 'ayiiña maye qaca ana lalecte anam ỹasheeraxachigui, nache senoxonaxauec, sachegoxosoqchiguiña ye nỹecpi ye Filipos, senotaxaua'a aso notaxaqui maye quiguingui na 'etaxat. Qaq ivi't soua cinco na'axa'te, nache sevitaxa ye nỹecpi ye Troas yem huetra'a soomaye. Huaña yemaye, nache ivi' soua siete na'axa'te da souaqta'a.

Hechos 20:6 Referans Kwoze

Hechos 12:3

Qaq somayi co'ollaq ila'a da na judiopi ÿataqta ÿaÿamaxadeeta de'eda, nachi nataq'en damaxasoxoolec da qaicoñi' so Pedro. Qaq de'eda nachi huetoiguilo soua na'axa'te da qanallic ana pan mayi sa qaÿauo'o ana lalecte.

Hechos 16:12

Qaq huaña yimayi, nachi saxague da Filipos. Qaq ÿataqta ndochiguiñi na chigaqa'ague da Roma na netalec da ilotague' yimayi, qaq nachiyi yim la ciudad mayi ÿataqta ÿi'oxodaic yim 'alhua Macedonia. Huaña yimayi, nachi ÿataqta huo'oi soua na'axa'te da souaqta'a.

2 Timoteo 4:13

Qaq qom 'auanac, qaq 'anachi ca ipo' mayi secotano'ot so Carpo mayi netaña yi Tróade. Nataq'en 'anachi aca ÿidepi, qalaxayi sa ishit da 'aucoua'ai aca ÿidaxanaxalatepi.

1 Ts 2:2

'Eesa da co'ollaq souaqta'a yi la ciudad Filipos, ÿataqta saqalota da qanshiunaguec, qataq qomi' qaiuaxaata'pe. Damayi mashi qauaÿajñiita. Qalaxayi co'ollaq qami' ñovidaxaiguilo, nachi ñi Dios qomi' itauanque da sa ishit da leutapigui qadhuel da qami' sa'axataxama da n'aqtac mayi chigaqaigui da nca'alaxa mayi chigoqo'ot ñi Dios. Qaq nai'ctaxa da souaqtangui na ÿotta'a't qanpa'aguenataguec.

Filipenses 1:1

Aÿim Pablo qataq ñi Timoteo, qomi' l-lataqa so Jesucristo. Qomi' samaxasaxa ana qodede 'enauac na 'amqajnataxanaxaicpi mayi netaña yi la ciudad Filipos, nam lalamaxatpi ñi Dios qataq n'attau'a so Cristo Jesús. Ana qodede nataq'en taÿa'a na lataxala'pi namayipi qataq na ltauapi.

Hechos 28:14

Nachi huaña, qaq huo'oi soua ñatenaqleguete qadqaÿa't, nachi soomayi qomi' 'eetegalo da souaqa'a 'oonolec la semana. Qaq can ime, nachi qaltaq soqolaq da saxague da Roma.

Hechos 21:8

Qaq so lÿa na'a'q, nachi so Pablo nataq'en qomi' qaltaq soqolaq, nachi sovidaxa yi la ciudad Cesarea. Qaq huaña yimayi, nachi ñoqo'onaxau'a yi lma' so Felipe som i'axattac da n'aqtac, som 'oonolec soua siete ntauapi co'olloxochiyi. Nachi souaqa'a yi lma'.

Hechos 21:4

Nachi qomi' ñauanaxai' na 'amqajnataxanaxaicpi, nachi souaqa'aguet somayipi soua siete na'axa'te. Nachi so Espíritu Santo da'aqtaxanem somayipi, da yaqto' 'enapega so Pablo da yaqto' sa ishit da taigue da Jerusalén.

Hechos 16:8

Nachi soomayi napactralec yi 'alhua Misia, nachi nachiyiña yi ñigaxasom l'enaxat Tróade.

Hechos 16:10

Qaq co'ollaq chochi huo'o da lauanaqchic so Pablo, nachi qomi' ñaÿamaxataq da saxatague da Macedonia. Cha'ayi ÿoqta da 'eesa da nachiñi ñi Dios ñi qomi' nÿaxaategalo, da yaqto' sa'axataxam camayipi dam no'on qad'axaÿaxac.

Hechos 20:5

Nachi se'esoua nqaÿa't hua'a'u, qaq co'ollaq ivilda yi la ciudad Tróade, nachi qomi' iuatapigui.

Hechos 20:16

Qaq 'eda da 'eetec da qoyiquiaxac, cha'ayi so Pablo nachi lhuennataxac co'ollaxa da sa ishit da ÿoqta hua'a yi Asia, nachi sa ishit da ipagueu'a yi Éfeso. Cha'ayi somayi nshitaique da saqaÿaloq da ividegue da Jerusalén, da yaqto' hueta'a yimayi ca na'a'q Pentecostés, da huo'otaq ishit da ÿañoxot.