Hechos 20:35 - Nuevo Testamento Toba Sur

³⁵ Qaq nachi 'eetai' da qami' sapaxagueetapegueeque de'eda, da ca shiÿaxaua do'onataxan, yaqto' ishit da itauan cam huo'o da lhuenaxanaxa. Qaq ñitounaqta'ac qome da l'aqtac co'ollaxa so qadataxala', mayi 'eeta': “Ÿataqta machiguiñi ca shiÿaxaua qom dachitaqtaxan, qaq saq 'en'am cam chochi qaÿachit.”

Nuevo Testamento Toba Sombrero Negro

³⁵ Nach'e eta't ami japaĝagueneque queda'me 'noota qom naq'aeta da'me a'uonataĝañi, qaedi auaqanachichi ta'le alecochiiyalo gaa'me jo'ne 'uo da'me louenaĝanaĝa'j. Anetoviñetapega gaa'me 'laqataqa ca'li ñe'me Jaliaĝanec Jesús: «P'ajaye namaic da'me 'uo ga'me qoyanegue, ja ena'am da'me 'uo ga'me qonauela't.»”

La'aqtaqa Ñim Lo'onatac 'Enauacna 2013

³⁵ Qaq nache 'eetai' da qami' sapaxagueetapegueque de'era, da ca shiỹaxaua iuen da do'onataxan yaqto' ishet da itauan cam huo'o da lhuenaxanaxa. Qaq ỹoqo'oye ñetoonaqta'ac qome da la'aqtac co'ollaxa So Qarataxala' Jesús, maye 'eeta': Ñim Lo'onatac 'Enauacna ntootapeguec cam «ỹataqta machiguiñi da dachetaqtaxan, qaq saq 'ena'am cam choche qaỹachet.»

Hechos 20:35 Referans Kwoze

Hebreos 13:16

Qataq sa ishit qome da qaucouai'ai da qau'ochi ca ÿaÿamaqchiguiñi, qataq da qautauañiic ca qadÿai cam qami' hueto'oto, cha'ayi de'eda nachitaqtaxanaxac, nachida dam ÿataqta ÿaÿamaxadeeta ñi Dios.

Mateo 10:8

Qataq qanatayiñi qome na sa no'onpi, qataq qanca'alaxachiiuec nam mashi ileupi, qataq qauÿoi nam nchiga na l'oc, qataq qau'oyiÿauec na n'ec leguemaxaicpi. Qaq de'eda n'añaxac, damayi chochi qami' qoÿaatema, qaq ÿoqo'oyi sa ishit qome da qaushiichiñi da qau'onataxañiÿa.

2 Corintios 8:9

Cha'ayi mashi qauauattoñi qami' da lqouagaxanaqtaic so qadataxala' Jesucristo, da somayi ÿataqta sallaxanec. Qalaxayi somayi ÿataqta nachoxoden, souaxat da lauotaxanaqtaic da qoñiita, yaqto' qami' ishit da qami' sallaxanqa, souaxat da lachoxoyic somayi.

1 Ts 5:14

Nataq'en qami' qadqaÿa't, qami' saqataxalo da ÿataqta qoñiÿapega na sa ishit da do'onataxan, qataq qau'añaqchichi na sa da'angui yi lauel, qataq qautauañi na sa da'añi da lpi'iÿaxac, qataq qanhualaxauñi' 'enauac na shiÿaxauapi.

Romanos 15:1

Qomi' mayi ÿataqta 'añaxaic da qadpi'iÿaxac, qaica qome ca shigaqtega da saconaxaguet da sachoq da lqalviaxa nam sa da'añi da lpi'iÿaxac, qaq sa ishit da maichi qomi' ñaÿamaxadenaqtapeguela't.

Hechos 20:27

Cha'ayi aÿim ÿataqta sa'axatta 'enauac nam 'eetapeguecpi ñi Dios, qaica ca soxottapiguiñi.

Hebreos 13:3

Qataq qauennachiÿa'a qome na ncoñitaguishicpi, 'eeta'am qanqashiñi da huo'otaq qancoñitaxauaipi namayipi, qataq nam sa ishit da qaÿauo'o ca nyacnataguec, cha'ayi qami' nataq'en qauaÿajñi da ishit da huo'o da nque'etaxanaxac da qad'oquiaxaqui.

Efesios 4:28

Qaq cam decachitapec co'ollaxa, qalaq no'on da ÿaxaañi nagui da lcachaxac. Chaqdato' da do'onataxan, ÿacootapegue' ca l'onatac, yaqto' ishit da itauan cam huo'o da lhuenaxanaxa.

Hechos 20:20

Qalaxayi aÿim sa ishit da saxaañi da qami' sa'axattapeguema 'enauac nam qami' i'oteque ca ÿaÿamaqchiguiñi, qaq qami' sapaxagueeta'pe da huo'o na naponaxac qataq da huañalo naua qadma'chilli'.

2 Corintios 12:13

Cha'ayi da qoñiita sa ishit da huo'otaq se'enaxatteguem cam 'ico' qaica ca naigui da sa ishit da qoñiÿa'am ñaqashin nam laÿipi 'amqajnataxanaxaicpi, chaqdata da aÿim maichi ñalligoxottela't da sa ishit da huo'o ñaq'en ca nsallaxaueetapegue' aÿim da qoñiita. Qaq ¡qauchoxoyiñi qome aÿim souaxat da 'ico' qami' so'ota'n!

2 Corintios 11:9

Qataq co'ollaq qami' sootaiguilo, qalaq huo'o da iuenaxanaxa, qalaq sa ishit da huo'otaq huo'o ca aÿim nsallaxaueetapegue' da qoñiita. Cha'ayi soua qadqaÿa't mayi chigoqda'ague da Macedonia, soomayi aÿim ÿanema asom soueetaique. Qaq ÿataqta lta'adaic da itelaxa da huo'otaq huo'o ca nsallaxaueetapegue' aÿim da qoñiita, qaq damayi nachi 'eetai' da shicto'ot qome.

1 Ts 4:11

Qanpogoxoiñiÿapegue' da saqca ca da da qoñiita. Ñi 'oonolec maichi huapegue' ca maichi lalamaxat, qataq ÿacootapegue' ca maichi l'onatac. 'Eda da saqataqtapeguelec co'olloxochiyi,

2 Corintios 11:12

Qalaxayi aÿim shictot da so'ot dam so'ottac, yaqto' sa ishit da sauo'o ca ldaqa' nam chochi ÿauotaique dam ÿachigoxotchigui, da yaqto' huo'o ca ntonaxac, da 'eeta'ama qomi'.

1 Corintios 9:12

Yi na laÿipi mayi nataq'en hueto'ot da 'enec da qami' qaushiichiñi da l'onataxanaxac, qaq ¿táloxochiyo' da saq ÿacteec da qomi' qaushiichiñi'? Qalaxayi qomi' sa ishit da souaxalec de'eda shinaxac mayi qomi' hueto'oto. Chaqdata da qomi' ñi'añaxataxaguet 'enauac na chochina, yaqto' qaica ca nqanaxat da no'on qad'axaÿaxac mayi n'aqtaguec so Cristo.

Hechos 20:34

Chaqdata da qami' qauaÿajñiita da aÿim ÿataqta so'onataxaatac, da yaqto' ñauec cam seueetac qataq naua iÿa't.

Hechos 20:36

Qaq co'ollaq ime da ltaxaÿaxac so Pablo, nachi i'alyiñi naua l-llicte da nqouagaxaunaxaua 'enauac somayipi.

3 Juan 1:7

Cha'ayi namayipi cot da lliquiaxac da do'onataxanot so Jesucristo, qataq sa ishit da ÿaconguet da ltaunaxanaxac cam sa ishit da ÿauatton ñi Dios.