Hechos 20:3 - Nuevo Testamento Toba Sur

³ Huaña yimayi, nachi ivi' tres ca'agoxoiqa da naña. Qaq co'ollaq mashi huotaique da huenoteu'a aso barco da taigue da Siria, nachi somayi l'axaÿaxac da na judiopi ÿauotaique da ÿalauat. Nachi somayi ÿi'iguelaqtegue na llic, tajlec yi Macedonia.

Nuevo Testamento Toba Sombrero Negro

³ Ua'a ca'li tres gaa'me auoĝoyaqa da'me ue'ta. Ca'li yamta'le nañgui jaga'me licota qaedi dajoyi di'me Siria, qanach'e nometelegue joga'me judiopi queda'me nejoĝoñegue qaedi yala't ñe'me. Chane'eja talegue ga'me 'lañaĝa da'me 'viyelaq, yitaĝa talegue di'me Macedonia.

La'aqtaqa Ñim Lo'onatac 'Enauacna 2013

³ Huaña yemaye, nache ivi' tres ca'agoxoiqa da hueta'a. Qaq co'ollaq mashe huotaique da huenoteua'a aso notaxaqui maye quiguingui na 'etaxat da taỹa ye 'alhua Siria, nache somaye la'axaỹaxac da na judiopi ỹauotaique da ỹalauat somaye. Nache somaye ỹe'eguelaqtegue na llec, taalec ye 'alhua Macedonia.

Hechos 20:3 Referans Kwoze

Hechos 20:19

Qaq 'enauaque se'esoua na'axa'te da qami' soota'agueta da so'onataxaatacot so qadataxala', qalaq qaica da ñapagaqchiitac. Nda'a't da qalota da ñineenaxac, qataq qalota na ñi'iguenataguecpi mayi aÿim i'otec na judiopi.

2 Corintios 11:26

Qataq ÿataqta qalota da sequeuotac, qataq ñauane' da lchic na talapi, qataq na cachaxaicpi, qataq na maichi iuo' l'ecpi, qataq nam chigaqa'ague cam lÿa 'alhua. Qataq ñauane' nataq'en da lchic nam la ciudatpi, qataq naua n'onaxayi, qataq ana auaxai. Qataq ñauane' da lchic nam 'eetega qadqaÿañicpi, qalaxayi tenataxanaxaicpi.

Hechos 25:3

Nachi qanachoxodeetacot somayi da ishit da nqouac da damaxasoxona so Pablo da qanauega yi Jerusalén. Qaq da lhuennataxac somayipi nshitaique da damaxasoxoolec somayi da qaÿachangui na nqa'aic da qaÿalauat.

2 Corintios 7:5

Chigoqta'a can ñividaxa yi Macedonia, nachi saxanaxa da huo'o ca qanmataxac. Chaqdata da qomi' ñatenaqlec 'enauac nam qomi' nqanaxa't qataq pa'aÿauec da qancogaxanataguec qataq mashi leutapigui da qadvilÿaxac.

Gálatas 1:21

Qaq co'ollaq ime de'eda, nachi ñoqo'ona yim 'alhua Siria qataq yi Cilicia.

2 Corintios 1:15

Qaq 'eda da sepe'etalec co'ollaxa. Qaq ÿoqo'oyi huo'o da iuennataxa da sa'auaxaañi da qami' ñoqo'onalo, da yaqto' qauamaichiguiñi da dos da shi'iguelaxalec da qami' ñamaqtegalo.

Hechos 21:3

Qaq can soqolaqta, nachi chochi seloqtau'a yi 'alhuolec Chipre pa'aÿa'ague da qan'emaq, nachi chochi sovidaqta'a yi Siria. Qaq cha'ayi aso barco qanÿoxoñi na l'ec can huaña yi ñigaxasom Tiro, nachi saxau'a yimayi.

Hechos 19:21

Qaq co'ollaq ime de'eda, nachi so Pablo huo'o da lhuennataxa da taigue da Macedonia qataq da Acaya, qataq nachi huotaique da ivida'a yi Jerusalén. Qataq huotaique da huo'otaq imat yi Jerusalén, nachi taigue da Roma.

Hechos 18:18

Nachi so Pablo ÿataqta huo'oi soua na'axa'te da hueta'a yi Corinto. Qaq co'ollaq ime, nachi somayi ncoyiguene' so nqaÿañicpi, nachi huenoteuo da nqo'ona yi 'alhua Siria, lÿatac so Áquila qataq aso Priscila. Qaq somayi co'ollaq yaqta'a da ca'ai yi ñigaxasom Cencrea da huenoteuo, nachi npetec na laue ÿataqta nmatta, cha'ayi nshitaique da ipacchigui cam l'aqtac mayi ÿan co'olloxochiyi.

Hechos 16:9

Qaq huaña yimayi, nachi so Pablo huo'o so lauanaqchic se'eso pe: iloto'o' so shiÿaxaua mayi naña yi 'alhua Macedonia. Somayi nachattañi, nachi nachoxodeetacot somayi, 'eeta': “Ña 'ananaita qome na Macedonia, qomi' 'autaua'n.”

Mateo 4:24

Nachi ivida'a 'enauac yi 'alhua Siria da n'aqtaguec so Jesús. Nachi qanda'a somayi nam ique'eteetac na ÿotta'a't lalolaxaguesat, nam huo'o na l'ec leguemaxaic, copchaxaicpi, qataq na sa da'añiigue. Nachi 'enauac nataden so Jesús.

Hechos 16:12

Qaq huaña yimayi, nachi saxague da Filipos. Qaq ÿataqta ndochiguiñi na chigaqa'ague da Roma na netalec da ilotague' yimayi, qaq nachiyi yim la ciudad mayi ÿataqta ÿi'oxodaic yim 'alhua Macedonia. Huaña yimayi, nachi ÿataqta huo'oi soua na'axa'te da souaqta'a.

Hechos 20:1

Qaq co'ollaq mashi ime se'eso cotaxac, nachi so Pablo iÿaxanoigui na 'amqajnataxanaxaicpi, da yaqto' ÿanem da lqataxac. Ime, nachi ncoyigueetague' somayipi, nqapaltague', nachi taigue da Macedonia.

Hechos 20:2

Nachi quetaguilo 'enauaque se'esoua 'ale'u, ÿataqta qalota da l'añaqtaxanaxac da i'añaqchittac na 'amqajnataxanaxaicpi, chochi ivitta'a yi Grecia.