Hechos 20:28 - Nuevo Testamento Toba Sur

²⁸ Qaq ÿoqo'oyi ñi 'oonolec da qoñiita ÿataqta ntel-la't qome, qataq nataq'en qadchilliÿa'a qome 'enauac na 'amqajnataxanaxaicpi mayi qami' ipataxagueta so Espíritu Santo da yaqto' qauloÿigue. Namayipi maichi lalamaxatpi so qadataxala', lshijnaxanaxatpi, lashiue soua maichi ltago'q co'ollaq qaÿalauat.

Nuevo Testamento Toba Sombrero Negro

²⁸ Chane'eja 'noota qom a'vicheta't adechiliyalo ena'uaque ga'me p'etaqadaiquipi, nach'eda jo'ne Dios Lepaqal ami e'n 'naĝanaĝate neuatoqo'tpi qaedi adechiliyalo ena'uaque ga'me Dios lec'oqo'tepi jo'ne nach'eñe en lajo'vi jaga'me letauo' ñe'me mach'e lec'oĝot da'me ecot.

La'aqtaqa Ñim Lo'onatac 'Enauacna 2013

²⁸ Qaq ỹoqo'oye ñi 'oonolec da qoñiita ỹataqta ntel-la't, qataq nataqa'en qarchilliỹa'a 'enauac na 'amqaanataxanaxaicpi maye qami' ipataxagueta So Saqcha'a Na'añaxac Qui'itta da yaqto' qauloỹeegue. Namayepi maiche lalamaxatpi Ñim Lo'onatac 'Enauacna, lsheenaxanaxatpi, lasheue co'ollaxa soua ltago'q so maiche Llalec.

Hechos 20:28 Referans Kwoze

1 Timoteo 4:16

Qataq 'antel-la't, 'aulotegue da 'adapaxaguenataxanaxac. Ÿataqta qoquetot de'eda shiitega, cha'ayi da 'au'ot de'eda, nachi ÿataqta 'avida'aguet da 'am qanca'alaxateec qataq 'enauac na 'am n'axaÿaxaatega.

1 Timoteo 3:2

Ÿoqo'oyi ca lataxala' na 'amqajnataxanaxaicpi sa ishit da huo'otaq sa ÿaÿamaxañi da n'aqtaguec. Chaqdata da 'oonole naq'en aca lhua, qataq ÿataqta ilotegue da lliquiaxac, nloteec, qataq qaica ca taÿapegueu'a. Qataq ÿataqta nloshiguem, sa ishit da sa ilo'oguet da lÿa da namaxasoxoic. Qataq ÿaÿaten da dapaxaguenataxan.

Hechos 13:2

Qaq huo'o so na'a'q co'ollaq somayipi i'ottac so lli'oxonnataxanaxac ñi qadataxala', nachi nqouaqchit da nqouagaxauen. Nachi so Espíritu Santo 'enapego' somayipi, 'eeta': –Qauÿochiÿauga qome ñi Bernabé qataq ñi Saulo, da yaqto' sanaguilo dam sauotaique l'onataxanaxa'c mayi huo'o mshi seÿaxanalo.

Hebreos 13:17

Ÿataqta qaualaqailec qome na qadataxala'aipi qataq qanañañiiguet da qami' ilo'oguelo, cha'ayi namayipi nachina na ilotague' da qanachaalataxaqui, cha'ayi ÿaÿateeta'a da huo'o ca na'a'q, qaq ishit da inat ñi Dios namayipi. Qataq qanpogoxoiñiÿapegue', da yaqto' ÿataqta machiguiñi da l'onataxanaxac qataq sa ishit da ÿapacteec qapa'atta. Cha'ayi da nachi 'eetec de'eda, qaq sa ishit da huo'o ca qanqachi.

1 Timoteo 5:17

Ca nataxala' da ÿataqta ÿaÿaten da ilo'ogue na 'amqajnataxanaxaicpi, camayi ÿataqta qaÿauotec qome qataq qaitauan. Lamaaxa da nañanguet da da'aqtaxan qataq dapaxaguenataxan.

1 Corintios 10:32

Sa ishit da huo'o ca huañi qanqashiñi na judío l'ecpi, huo'otaq na saq judío l'ecpi, huo'otaq na i'amaqteetacpi ñi Dios.

Filipenses 1:1

Aÿim Pablo qataq ñi Timoteo, qomi' l-lataqa so Jesucristo. Qomi' samaxasaxa ana qodede 'enauac na 'amqajnataxanaxaicpi mayi netaña yi la ciudad Filipos, nam lalamaxatpi ñi Dios qataq n'attau'a so Cristo Jesús. Ana qodede nataq'en taÿa'a na lataxala'pi namayipi qataq na ltauapi.

Efesios 1:7

Cha'ayi ÿataqta lta'adaic da lauotaxanaqtaic ñi Dios, ÿoqo'oyi qomi' nca'alaxatreec, ÿachigoxotchigui da l-leuaxa so llalec da ÿapalaxat 'enauac nam qadasouaxashitpi.

Lucas 12:32

Sa ishit qome da qayi'ii, qami' mayi qoñiita'am acam ÿalamaqte qagueta mayi selotague'. Ÿataqta qami' saq 'amaqtachi, qalaxayi ñi qadta'ai ÿataqta qami' ÿaÿamaxadeete' da qanhuañiÿau'a naq'en da l'onataxanaxac da ilo'ogue 'enauacna.

1 Timoteo 3:5

Cha'ayi da huo'otaq sa ÿaÿaten da ilo'ogue da lma'ÿaxac, qaq ¿huá'ago' ca 'eetec da ilo'ogue na i'amaqten ñi Dios?

Apocalipsis 5:9

Qaq somayipi i'ootac da dalaxaic n'onec, 'eeta': 'Am ÿataqta 'itchiguiñi da 'auacona ana nede qataq da 'anqa't naua qaiuaxaatalguete n'anaxanaqte; cha'ayi 'am qaÿalauat co'ollaxa, qaq soua 'adtago'q nachi lashiue da qomi' 'aushijnaxanalo, qomi' 'auachigoxottoiguilo na ÿotta'a't shiÿaxauapi mayi ÿotta'a't naua l'aqtaqa, da yaqto' 'enauac qomi' lalamqa'te ñi Dios.

1 Timoteo 4:14

Sa ishit da 'anañaxane' da l'onataxanaxac ñi 'anshitaxat mayi 'am ÿami' ñi Dios so na'a'q co'ollaq ÿachanguit añi lquiyaqte na lataxala'pi na 'amqajnataxanaxaicpi da 'am ÿashil-lec.

Efesios 1:14

Qaq nachiso so ÿoqta 'itchiguiñi naq'en da qomi' saconaxaguet ca ÿachaxanapec ñi Dios mayi qomi' ÿanema qom ivita ca laloqo' da huesochiguiñi naq'en na lalamaxatpi, da yaqto' ñimayi qaÿi'oxoden souaxat da l'amaqchic.

Gálatas 1:13

Qataq sogote da qau'aqaitapeguelec co'ollaxa da 'eetec da ÿataxac can ñaq shictaigui dam 'eetec da l'amqajnataxanaxac na judiopi. Qataq sogote da qauaÿajñi da shiitec da ÿayiloxo co'ollaq secanaxaatapigui nam lalamaxatpi ñi Dios da ñishitaique da ñilaxajñi.

Hechos 20:29

Cha'ayi aÿim saÿateeta da qom shica'ai ne'ena, nachi huo'o qome ca lÿa anac da huotaique da nlaxajñi na 'amqajnataxanaxaicpi, 'eeta'am da 'eetec ca dequi'iÿapec da detoxongui ana qaguetapi.

Hechos 20:17

Qaq so Pablo co'ollaq hueta'a yi Mileto, nachi damaxasoxoneu'a na lataxala'pi na 'amqajnataxanaxaicpi mayi netaña yi Éfeso.

Hechos 14:23

Nataq'en qaÿauo'o na lataxala'pi na 'amqajnataxanaxaicpi. Qaq co'ollaq ime da sa deque'e' souaxat da nqouagaxaunaxa'c, nachi qan'onaxata'aguet namayipi da ltelaxa ñi qadataxala' mayi qai'amaqteetac.

1 Pedro 2:25

Cha'ayi qami' co'ollaxa qoñiita'am aca qaguetapi mayi isomtac, qalaxayi nagui da qavi'iguelaqaÿa so Cristo mayi ishit da qami' ntela'alo da 'eeta'am ca qagueta l'o, qataq ilo'ogue da qanachaalataxaqui.

1 Pedro 2:9

Qalaxayi qami' ÿataqta qami' lca'aguishicpi ñi Dios, qataq qami' ltaxaÿaxanaxanecpi naq'en na shiÿaxauapi da qan'aqtaxañi' ñimayi mayi qadta'a, qataq qami' qui'itte' naq'en, qataq qami' lalamqa'te. Qaq de'eda 'eetec ñimayi, nshitaique da qami' qau'axachi na l'onataxanaxacpi mayi ÿi'oxodaq, ñim qami' ÿachigoxottoiguilo na napalaxa, da yaqto' qaunoxoñiu'a da l'edaxa mayi qaica ca 'en'am da lli'oxoyic.

Colosenses 4:17

Nataq'en qoñiÿapega qome ca Arquipo, qoñiita': “Ÿataqta 'aupactelco' qome da 'ad'onataxanaxac mayi 'am ÿami' so qadataxala', da yaqto' 'au'onataxanot.”

Efesios 4:11

Ime, nachi ÿanem ca nshitaxat naq'en ñi 'oonolec shiÿaxaua. Nachi huo'o na lamaxashicpi naq'en somayi, qataq huo'o na l'aqtaxanaxanecpi naq'en ñi Dios, qataq huo'o naq'en na i'axattac da n'aqtaxanaxac mayi chigaqaigui da nca'alaxa, qataq huo'o na lataxala'pi naq'en na 'amqajnataxanaxaicpi, qataq na napaxaguenataxanaqpi.

1 Corintios 15:9

Cha'ayi aÿim qaica ca i'amaqchic, saq shin'am na laÿipi lamaxashicpi so Jesús, qataq sa yalou'a da aÿim qoÿanagui da aÿim lamaxashic somayi, cha'ayi secaatac na i'amaqteetacpi ñi Dios co'olloxochiyi.

1 Corintios 1:2

Qaq nagui qami' samaxalo ana ÿide, qami' ÿaqaÿañicpi mayi qau'amaqchiñiitac ñi Dios, mayi qoñiitaña na la ciudad Corinto. Qami' lalamqa'te ñi Dios, cha'ayi qan'ayiitau'a so Cristo Jesús. Ñi Dios iÿaxana da ÿauotaique da qui'itta naq'en da qanachaalataxaqui, nataq'en 'enauac na neta'alo naua lÿa't 'ale'u mayi nqouagaxaueetacot so qadataxala' Jesucristo, som lataxala' namayipi, nataq'en qomi'.

Lucas 21:34

Qalaxayi maxatchaxa, sa ishit qome da qadamchiguilo naua qadquiyaqchilli' souaxat ca qanamañi, qataq da qadomiilec na lataxa qataq nam laÿi nhuenecpi yi na'a'q, yaqto' que'eca na'a'q sa ishit da qami' ique'elaxa't,

1 Juan 1:7

Qalaxayi da ñachaataqtaigui na yi'oqchiguiñi, da shinaqta'am ñi Dios da nachattaigui na yi'oqchiguiñi, nachi ñi 'oonolec da shinaqta ÿataqta n'atta'ai' ca lÿa, nachi naua ltago'q mayi qaicoldeec so llalec Jesucristo co'ollaq qaÿalauat, iÿouec 'enauac na qadasouaxashit.

Hebreos 12:15

Qataq maxatchaxa qome da qoñiita da sa ishit da huo'o ca ÿaxaneec da ltaunaxanaxac ñi Dios mayi ÿaatac, yaqto' sa ishit da huo'o ca 'oonolec da qoñiita da 'eeta'am aca huoue shinataxanaxai mayi ishit da n'aqchit ana laÿipi.

Tito 1:7

Cha'ayi ca qaipataxalec da ilo'ogue na 'amqajnataxanaxaicpi, camayi ilo'ogue 'enauac na l'onataxanaxacpi ñi Dios. Ÿoqo'oyi iuen da qui'itta naq'en da nachaalataxac. Sa ishit da hua'auaqchaqaic da damaxasoxon, qataq sa ishit da lemataqaic, sa ishit da taxaic, sa ishit da sa lhuanguit da lalemataic, sa ishit da quetaigui da latenataxanaxac da nmitta'a aca plata.

Colosenses 1:14

ÿachigoxotchigui da l-leuaxa somayi da qomi' nca'alaxatreec, qataq da ÿapalaxat 'enauac na qadasouaxashitpi.

1 Corintios 11:22

¿Saqcaua peta'a naua qadma'chilli' da qauqui'ii qataq qanÿomi? Qaq da nachi qoñiita'ac de'eda, nachi 'eeta'am da qau'otañiitac na laÿipi i'amaqteetacpi ñi Dios, qataq qauauoita'a da l'aloxo nam qaica ca yi. ¿Huá'ague ca 'eetec ca i'aqtac qami'? ¿Qami' saÿamaxadeete' peta'a? ¡'A'i, sa ishit da saÿamaxadeeta de'eda!

Marcos 13:9

Qalaxayi qami' ÿataqta qanloiteec qome. Cha'ayi qami' qoÿaneu'alo qome na nta'alpi, qataq qami' qaiuaxaata'pe da huaigui ana laponaxaquipi na judiopi. Huaña, nachi qami' qanachaalataxaneu'alo na nta'alpi mayi ilotagueto naua 'ale'u qataq na lta'alpi namayipi, souaxat da aÿim qoquiitague'. Huaña qome, nachi ishit da aÿim qau'axachiim namayipi.

Mateo 16:18

Qaq aÿim 'am shinapega da 'am Pedro mayi 'am coma', qaq da ne'ena coma' aÿim so'oxootelec qome aca i'onaxanaxaqui. Qaq ivida'a qome da l'añaxac da nleuaxa ÿataqta sa ishit da nlaxajñi acamayi.

Mateo 2:6

Qaq 'am Belén, mayi 'am n'alhua na llalaqpi so Judá, ÿataqta lta'adaic da 'ad'amaqchic, sa ishit da qoneta'am nam nta'alpi yi'iyi 'alhua; cha'ayi 'am chigoqchiguiña qome ca nataxala', mayi ilo'ogue na Israel llalaqpi mayi ÿalamaxatpi.

Romanos 16:16

Nataq'en ñi 'oonolec qome da qoñiita napigoq ca lÿa da nquine', ÿataqta qanchoxonñiÿa't. Qataq 'enauac nam 'amqajnataxanaxaicpi mayi quetague' so Cristo qami' ÿamaxalo da lquinaxanaxac.

1 Corintios 6:20

cha'ayi ñi Dios co'olla qami' deshijnaxanalo, qalaq ÿataqta sa nalañi da qadashiichiÿaxaqui. Ÿoqo'oyi ÿataqta qaumachiÿo'ot ñi Dios da lli'oxonnataxanaxac da qad'oquiaxaqui qataq ñi qoquiÿapegue' qadqui'ii, cha'ayi naamayi lalamqa'te ñi Dios.

1 Timoteo 3:1

De'eda ÿataqta 'eesa: Da huo'otaq huo'o ca nshitaique da lataxala' na 'amqajnataxanaxaicpi, qalaq ÿataqta ÿaÿamaqchiguiñi 'onaxaic yim tategueu'a n'onataxanaxac.

Tito 2:14

Somayi nañanguet da qomi' ileualguete, cha'ayi nshitaique da qomi' nca'alaxateeguesopa na qan'onatagueguesat, qataq nshitaique da iqui'itaxat da qanachaalataxac da qomi' lalamqa'te, qataq nshitaique da ñoqopitaxa da so'otaq ca no'on.