Hechos 20:24 - Nuevo Testamento Toba Sur

²⁴ Qalaxayi 'enauac namayipi qaica ca soqocha'a, ivida'a da maichi ñachaalataxac 'eeta'am ñaq'en da qaica ca naigui. Chaqdata da ñishitaique da samachiguiñi qom sematta da ñamaxasaguec qataq da sepaquejlec dam i'onataxanaxac mayi aÿim ÿami' so qadataxala' Jesús, da yaqto' sa'axat da no'on qad'axaÿaxac mayi lqouagaxanaqtaic ñi Dios.

Nuevo Testamento Toba Sombrero Negro

²⁴ Qalaĝaja jayem qaya'te jen chiyaqayi da'me ta'le jen diyachigui jena'me yeuel qa'a jouaĝat da'me 'yoyaĝac, nach'eda eeta da'me taya'ague da'me yeloiquiaĝac nataq'aen jepaquetelegue da'me 'yonataĝanaĝac jo'ne jayem yanem ñe'me Jaliaĝanec, queda'me qaedi ja'aĝatetac da'me onaĝaic 'naqataĝanaĝac jo'ne 'yaĝat da'me lichoĝodenataĝanaĝac ñe'me Dios.

La'aqtaqa Ñim Lo'onatac 'Enauacna 2013

²⁴ Qalaxaye 'enauac namayepi qaica ca seqocha'a, ivira'a da maiche ñachaalataxac 'eeta'am ñaqa'en da qaica ca naigui. Chaqrata da ñeshetaique da samachiguiñi qom sematta da ñamaxasaguec qataq da sepaqueelec dam ỹo'onataxanaxac maye aỹem ỹami' So Qarataxala' Jesús.

Hechos 20:24 Referans Kwoze

2 Corintios 4:1

Qaq ÿoqo'oyi qomi' sa ishit qome da sa ñi'añaxataq, cha'ayi ñi Dios dam lqouagaxanaqtaic qomi' ipataxalguete de'eda n'onataxanaxac.

2 Corintios 12:10

Qaq ÿoqo'oyi samachiguiñi da huo'otaq qaica ca i'añaxac, huo'otaq da aÿim qaishiueetac, huo'otaq da huo'o da iuenaxanaxa, huo'otaq da aÿim qaicaatac, huo'otaq da souaigui ca lqalaic, sasoilec so Cristo. Cha'ayi da huo'otaq ÿapacteec da qaica ca i'añaxac, qalaq ÿacteec da aÿim 'añaxaic.

Hechos 21:13

Qalaxayi so Pablo 'enapec: –¿Tá'ainec yi qanoÿiñiitac qataq qanshiitaique da aÿim qauaquicoqchichi? Yi aÿim ÿataqta qaica ca shictega, nai'ctaxa da huo'otaq aÿim qaicoñi', huo'otaq da aÿim qaÿalauat da huaña yi Jerusalén, souaxat da sasoilec so qadataxala' Jesús.

1 Corintios 15:58

Qaq ÿoqo'oyi qami' ñauochaxa'u ÿaqaÿa't, saqco' qome ca qanamachiÿaique, qoquiito'ot da qau'ochiitac da l'onataxanaxac so qadataxala'. Cha'ayi qami' qauaÿajñiita da qad'onataxanaxaqui da qau'onataxañiitacot somayi, ÿataqta huo'o ca naigui.

Romanos 11:6

Qaq ÿoqo'oyi da huo'otaq nachida da lqouagaxanaqtaic ñi Dios da chigoqchigui namayipi, nachi sa ishit qone' da ñi 'oonolec maichi chigoqchigui cam l'onataxanaxac. Cha'ayi da huo'otaq nachi 'eetec de'eda, nachi da lqouagaxanaqtaic ñi Dios sa ishit qone' da nqouagaxanaqtaic.

Hechos 14:3

Qaq ÿoqo'oyi soomayi ÿataqta huo'oi soua na'axa'te da huetra'a yimayi, nachi ÿataqta sa ishit da ñi'idelec da i'axattrac da n'aqtac qataq ÿataqta huedelec so qadataxala'. Nachi so qadataxala' ÿataqta ipacchiguilo naq'en naua l'aqtaxanaxaco soomayi da i'axattrac da lqouagaxanaqtaic ñi Dios, nachi ÿanema soomayi da l'añaxac, da yaqto' i'o't na n'anecpi qataq nam sa qaÿauanapega.

1 Pedro 5:12

Qaq ana ÿide mayi shiyiñi da qami' samaxalo, chigoqchigui da ÿiyiñi ñaq'en ñi Silvano ñim ÿaqaÿa mayi ÿataqta ipe'et. Da qami' saqatalo qataq da ÿoqta 'eesa ñaq'en da qanchoxonnataguiiqui mayi qauacoñiiguet, qaq damayi nachida da ÿoqta 'eesa naq'en da lauotaxanaqtaic ñi Dios. Qaq damayi ÿataqta qoquiitelec qome.

Tito 1:3

Qaq co'ollaq ivita so laloqnec ñim Dios mayi qadca'alaxaqui da qomi' ÿauattonaxanaxanque da l'aqtac, nachi aÿim ipataxalec da sa'axateec de'eda l'aqtac.

Gálatas 1:1

Aÿim Pablo, aÿim lamaxashic so Jesucristo. Qaq sa ishit da aÿim lamaxashic qataq da aÿim ÿideuo ca chochi shiÿaxaua, cha'ayi nachiso so Jesucristo qataq ñim lta'a Dios mayi nca'aleeguesop naq'en somayi da nleuaxa.

2 Corintios 5:8

Qaq ÿataqta huo'o de'eda qanaquitaxac. Qaq ÿoqo'oyi huo'o da qadyaxa da saxanaxauec da ñachaataqtaigui de'eda qad'oquiaxac, nachi qolaq da yaqto' souaqta'aguet so qadataxala'.

Hechos 20:32

Qaq nagui qami' ÿaqaÿa't, qami' sepataxagueta da ltelaxa ñi Dios qataq dam n'aqtaguec da lchoxonnataxanaxa mayi ÿataqta huo'o da l'añaxac, da yaqto' qami' 'añaxaiqa naq'en, qataq da yaqto' qauacoñiiguet cam ÿaqataxaatapigui' da ÿami' ñi Dios 'enauac nam lalamaxatpi.

Hechos 11:23

Qaq co'ollaq iviyi' so Bernabé, nachi ilalec da lqouagaxanaqtaic ñi Dios. Nachi somayi ÿataqta machiguiñi. Huaña, nachi ÿataqta huaqattega 'enauac somayipi da yaqto' da lquiyaqteÿaxac sa dashiuec, chaqdata da ÿataqta quetegue so qadataxala'.

Filipenses 2:17

Qaq nai'ctaxa da qaÿaconeu'a da maichi ÿalamaxat ñachaalataxac da huo'otaq qaÿavigaxat, da yaqto' qaÿalecnoigui aca qadachitaqtaxanaqchi mayi qai'añiÿot ñi Dios, souaxat dam qadpi'iÿaxaqui, qalaxayi aÿim samachiguiñi. Qaq de'eda ñitonaxac nachi ñiuaate' 'enauac da qoñiita.

Hechos 9:15

Qalaxayi so qadataxala' 'enapego' somayi, 'eeta': –'Aue, 'anqo'ona, cha'ayi aÿim llica'aguishic ñi'iñi shiÿaxaua, da yaqto' aÿim i'axat, aÿim i'axatem 'enauac na ÿotta'a't shiÿaxauapi, qataq na lta'alpi namayipi, nataq'en nam llalaqpi so Israel.

Hechos 1:17

Cha'ayi so Judas maichi qadÿa qataq qadtaua de'eda qad'onataxanaxac.

Juan 17:4

Qaq aÿim ÿataqta 'am shi'oxodeetac nagui da soota'a ana 'alhua, qataq ÿataqta sematta da aÿim 'auamaxalec da so'ot.

Apocalipsis 12:11

Cha'ayi na qadqaÿañicpi loxonec somayi, qaÿachigoqchiguilo naua ltago'q so qagueta llalec, qataq souaxat da n'aqtac mayi i'axattac. Cha'ayi namayipi ÿataqta sa ishit da ñi'itac, qataq qaica ca ÿictega da nai'ctaxa da ileutalec damayi.

1 Juan 3:16

Qaq saÿajnaqta da 'eetec da nauotaxanaqtaic, cha'ayi so Jesucristo qomi' ÿapaxaguenque co'ollaq ÿan da nachaalataxac da qomi' ileualguete. Qaq ÿoqo'oyi nataq'en qomi' sanaq da qanachaalataxac da ñañanaxalec na qadqaÿañicpi.

2 Timoteo 1:12

Qaq nachida da huo'o mshi huo'o de'eda ñique'ejnaxac. Qalaxayi sa ishit da yicoqtac, cha'ayi aÿim saÿateeta so hueto'ot de'eda ñaquitaxac. Qataq qaica da saqca ñaqshin ca l'añaxac da ilo'ogue qataq ntela'a dam aÿim ÿachito'ot, chochi ividaxatta'a que'eca pa'ateec na'a'q.

Colosenses 1:24

Qaq nagui aÿim ÿataqta samachiguiñi, cha'ayi huo'o da ñique'ejnaxac souaxat da qoñiita. Cha'ayi de'eda nque'ejnaxac da ÿalamaxat i'oquiaxac, damayi naigui da yaqto' nalochiguiñi naq'en na nque'ejnaxacpi so Cristo souaxat na 'amqajnataxanaxaicpi mayi nachina na 'ico' l'oquiaxac somayi.

Efesios 3:13

Qaq ÿoqo'oyi aÿim qami' saqatalo da sa ishit da qanlaviitapiguiñi, souaxat da aÿim huo'o da ñique'ejnaxac souaxat da qoñiita, cha'ayi damayi naigui da yaqto' qami' ÿi'oxoda'q.

2 Corintios 7:4

Qaq ÿataqta qalota da ñaquitaxac qataq ñitonaxac souaxat da qoñiita. Qaq nai'ctaxa da souaqtangui 'enauac na qanque'ejnaxaguesat, qalaq aÿim ñanomteguet da i'añaxac qataq aÿim nlaqchigui da ñitonaxac.

Hebreos 10:34

Qataq qami' ÿataqta huo'o da qadchoxonnataxanaxai nam qaicoñittai', qataq ivida'a da ÿataqta huo'o da qantonaxaqui da qan'añaxachiiguet da qaiuotaxanec na qadalamaxachiipi, cha'ayi qami' qauaÿajñiita da huo'o cam hueta'ague da piguem mayi ÿacteec da lyac qataq qaica ca loga't.

Tito 2:11

Cha'ayi ñi Dios qomi' ÿachaxanalo da lqouagaxanaqtaic mayi naigui da lca'alaxa na 'enauac shiÿaxauapi.

2 Timoteo 4:17

Qalaxayi so qadataxala' Jesús saq aÿim iÿoteec, qataq aÿim ÿami' da i'añaxac da ña sepactelec da sa'axat da n'aqtac mayi chigaqaigui da nca'alaxa, yaqto' hua'axaÿa de'eda 'enauac na saq judiopi. Qaq nachi 'eetec de'eda som qadataxala' aÿim nca'alaxateeguesop da 'ico' loxonaxanaxac ca dequi'iÿapec.

Hechos 22:21

Qalaxayi so qadataxala' aÿim 'enapega, 'eeta': “'Aue qome, qojec, cha'ayi ÿataqta qaÿoqtegue cam 'am samaxague, 'am samaxa qome nam sa ishit da judiopi.”

1 Ts 3:3

yaqto' qaica ca 'oonolec da qoñiita da nañaxanapiguiñi da lpi'iÿaxac souaxat da que'ejnaxac. Cha'ayi qami' mashi qauaÿajñiita da nachi qoyiquiaxac da ñique'etaxanaxagui ne'ena que'ejnaxaguesat.

1 Ts 2:2

'Eesa da co'ollaq souaqta'a yi la ciudad Filipos, ÿataqta saqalota da qanshiunaguec, qataq qomi' qaiuaxaata'pe. Damayi mashi qauaÿajñiita. Qalaxayi co'ollaq qami' ñovidaxaiguilo, nachi ñi Dios qomi' itauanque da sa ishit da leutapigui qadhuel da qami' sa'axataxama da n'aqtac mayi chigaqaigui da nca'alaxa mayi chigoqo'ot ñi Dios. Qaq nai'ctaxa da souaqtangui na ÿotta'a't qanpa'aguenataguec.

Hechos 20:21

Qaq 'enauac nam judiopi qataq nam sa ishit da judiopi shiitega da ca'aisalo naua n'onataxaco, nachi quegue ñi Dios, qataq i'amaqten so qadataxala' Jesucristo.

Efesios 1:6

Qaq ÿoqo'oyi nachi 'eetai' qome da shi'oxodenaqtac ñi Dios souaxat da lli'oxoyic da lchoxonnataxanaxa mayi qomi' ÿanema, souaxat da qomi' ñi'adaqtau'a so lauotaxat llalec.

2 Timoteo 3:11

qataq da ñicanaguec, qataq da ñique'ejnaxac. Qataq mashi 'auaÿateeta 'enauac na aÿim qai'otec co'ollaq soota'a yi la ciudad Antioquía, qataq yi Iconio, qataq yi Listra. Ñique'etaxangui 'enauac na ñicanagueguesat, qalaxayi so qadataxala' aÿim nca'alaxateeguesop 'enauac.

Romanos 4:4

Cha'ayi da huo'otaq huo'o ca shiÿaxaua da huo'o ca l'onataxanaxac, nachi camayi da nshiitenaguec da qaishiiten sa ishit da chochi qoÿaatem, cha'ayi nachi lashiichiÿaxac.

Juan 15:27

Qataq qami' nataq'en aÿim qau'axachi, cha'ayi nachi 'eetai' da aÿim qoviita'aguet co'ollaq chita'ague da so'onataxan.

Lucas 16:28

yim netraña caua cinco ÿaqaÿa't, da yaqto' da'aqtaxanema, yaqto' caamayi sa ishit da nada nataq'en ne'ena que'ejnaqa'.

Hechos 13:25

Qaq so Juan co'ollaq nayiita'a ca laloqo', nachi somayi 'enapeco': “Aÿim sa ishit da nachaÿim cam qanpi'itaxañiitaique; qalaxayi camayi nachi aÿim nca'attaueegue, camayi ÿataqta sa ishit da yalou'a da chochi ñaqa't naua lque'te caua lapela'te.”

Hechos 15:7

Qaq co'ollaq mashi qaÿoqtegue da ntaxaÿaxac, nachi so Pedro nachajñi, nachi 'enapeco': –Qami' ÿaqaÿa't, qami' qauaÿajñi da ñi Dios aÿim ÿaconeu'a co'ollaxa, aÿim ÿachigoxottoigui da qoñiita, da yaqto' aÿim sa'axatem da no'on qad'axaÿaxac na sa ishit da judiopi, da yaqto' da'amqajnataxan.

Hechos 18:5

Qaq co'ollaq nvilyi' so Silas qataq so Timoteo, chigoqda'ague da Macedonia, nachi so Pablo ÿataqta nalamaqteguet da i'axattac da l'aqtac ñi Dios, qataq ÿataqta da'aqtaxaatem na judiopi da so Jesús somayi nachiso so nta'a mayi qadca'alaxaqui mayi qaiuattaique.

Hechos 20:23

Cha'ayi chaqdata da saÿaten da huo'otaq huo'o yi sovita nam la ciudatpi mayi sovida'a, nachi so Espíritu Santo aÿim da'aqtaxaatapeguem da huo'o qome ca ñicoñitaguec, qataq ÿataqta qalota da ñique'ejnaxac.

Filipenses 2:30

Cha'ayi ñimayi mashi huac co'ollaxa da saqca, souaxat da do'onataxaatacot so Cristo. Qataq ÿataqta ÿanguet da nachaalataxac da lchiquiaxac, da yaqto' ishit da aÿim itaunec cam qami' sa ishit da aÿim qautauñiic, souaxat da qami' qaÿoqtalo.

Apocalipsis 6:11

Nachi qoÿanema naua alogo lapagaxaiqa somayipi. Nachi qoÿiitega da ñaq cada'ac da deuataxanapec, to' qom ivita da ÿataqta nalota't na lqaÿañicpi mayi l'onataxanaxauapi mayi ña do'onataxaatacot so Cristo, da nachi 'eeta'am qome namayipi da qaÿalauat.

2 Corintios 4:12

Qaq ÿoqo'oyi de'eda nleuaxa do'onataxaatapoigui da qad'oquiaxac, qaq dam achaalataxac, qalaq do'onataxaatapoigui da qad'oquiaxaqui.