Hechos 20:21 - Nuevo Testamento Toba Sur

²¹ Qaq 'enauac nam judiopi qataq nam sa ishit da judiopi shiitega da ca'aisalo naua n'onataxaco, nachi quegue ñi Dios, qataq i'amaqten so qadataxala' Jesucristo.

Nuevo Testamento Toba Sombrero Negro

²¹ Ga'me judiopi nataq'aen ga'me ja judiopi ja'aqataĝanema queda'me 'noota ta'le 'viyelaĝadetot joñe'me Dios nataq'aen 'noota ta'le p'iida'a ñe'me Qadejaliaĝanec Jesús.

La'aqtaqa Ñim Lo'onatac 'Enauacna 2013

²¹ Qaq 'enauac nam judiopi qataq nam saishet da judiopi sheetega da ca'aisalo naua qauema lataxaco, nache ỹa'amaqten Ñim Lo'onatac 'Enauacna, qataq ỹa'amaqten So Qarataxala' Jesucristo.

Hechos 20:21 Referans Kwoze

Hechos 2:38

Nachi so Pedro 'enapego' somayipi, 'eeta': –Qomyi qaualachi' qome naua qan'onataxacolli' da qoquiigue ñi Dios, nachi qami' qanachilaxa'n, qaÿachilaxanataxana da l'enaxat so Jesucristo, yaqto' ñi Dios ÿapalaxat na qadasouaxashichi, qataq qami' ÿanema ca Espíritu Santo.

Hechos 11:18

Nachi som nqaÿañicpi mayi netaña yi Jerusalén, co'ollaq hua'axaÿa de'eda, nachi nañaxaañi da ltaxaÿaxac, nachi ÿi'oxodeetac ñi Dios, 'eeta': –¡Aja', qachi nachi 'eeteco' ñi Dios da nataq'en ÿanem na saq judiopi, da yaqto' ca'aisalo naua n'onataxaco, qaq yi ishit da huo'o da lca'alaxa mayi chochaq tateec!

Hechos 20:24

Qalaxayi 'enauac namayipi qaica ca soqocha'a, ivida'a da maichi ñachaalataxac 'eeta'am ñaq'en da qaica ca naigui. Chaqdata da ñishitaique da samachiguiñi qom sematta da ñamaxasaguec qataq da sepaquejlec dam i'onataxanaxac mayi aÿim ÿami' so qadataxala' Jesús, da yaqto' sa'axat da no'on qad'axaÿaxac mayi lqouagaxanaqtaic ñi Dios.

Lucas 13:3

'A'i, sa ishit. Qami' nataq'en qom sa ishit da qai'axañiideec naua qan'onataxacolli', qaq nataq'en 'enauac da qoñiita qadellivi.

2 Corintios 7:10

Cha'ayi de'eda naquicoxo mayi ÿaÿamaxadeeta ñi Dios, damayi i'ot da qoÿaxaadeec naua 'onataxaco qataq naigui da nca'alaxa. Qaq ÿoqo'oyi sa ishit da qanayictega. Qaq dam laquicoxo nam sa da'amqajnataxanpi, damayi naigui da nleuaxa.

Romanos 10:9

Cha'ayi da 'au'axat so Jesús da nachiso so 'adataxala', qataq da 'adquiyaqteÿaxac i'amaqten da ñi Dios nca'aleeguesop naq'en somayi da nleuaxa, nachi 'am qanca'alaxateec.

Hechos 26:18

Aÿim 'am samaxa namayipi, da yaqto' ishit da nauaañi 'anqa'en, yaqto' sa ishit da 'ico' quetaigui na napalaxa, chaqdata da quetaigui na yi'oqchiguiñi; qataq yaqto' namayipi sa ishit da hueto'ot da l'añaxac so Satanás, chaqdata da quegue ñi Dios; qataq yaqto' aÿim i'amaqten, nachi ishit da qaÿapalaxat na lasouaxashitpi, qataq yaqto' qaÿalecneu'a da qoÿanem qome cam ÿachaxanapec ñi Dios da ÿami' nam lalamaxatpi ñimayi.”

Lucas 24:47

Nachi de'eda l'enaxat qai'axateec qome, qai'aqtaxanoigui na ÿotta'a't shiÿaxauapi, qaq qoÿinapega 'enauac namayipi da ca'aisalo naua n'onataxaco, yaqto' naua n'onataxaco ishit da qaÿapalaxa't, qaq qaÿachigoqchiguiña qome na Jerusalén.

1 Juan 5:5

Qaq ÿoqo'oyi cam huo'o da lpi'iÿaxac so Jesús da nachiso so llalec ñi Dios, mayi nachicata ishit da loxonec na 'onataxacpi.

Hechos 26:20

Ÿoqo'oyi aÿim sa'auaxaachiguiñi da sa'axatem da n'aqtac nam netaña yi Damasco. Ime, qataq jec nam netaña yi Jerusalén, qataq 'enauac nam netaña yi 'alhua Judea, qataq nataq'en nam sa ishit da judiopi. Shinapega da yaqto' ca'aisalo naua n'onataxaco, qataq ÿi'iguelaxa ñi Dios, nachi i'ot cam no'on mayi chigaqaigui da dalaxaic lataxac.

1 Juan 5:1

Qaq 'enauac nam huo'o da lpi'iÿaxac so Jesús da nachiso so nta'a mayi qadca'alaxaqui, namayipi llalaqpi ñi Dios. Qaq ca ÿauotec ñi qadta'a, qaq nataq'en ÿauotec na llalaqpi ñimayi.

Filemón 1:5

Cha'ayi aÿim huo'o da i'axaÿaxac da 'adauotaxanaqtaic qataq da 'adpi'iÿaxac so qadataxala' Jesús qataq da 'adauotaxanaqtaic 'enauac nam lalamaxatpi ñi Dios.

Efesios 1:15

Qaq ÿoqo'oyi can aÿim saÿaten da qad'amqajnataxanaxaqui so qadataxala' Jesús qataq da qadsoxoyiqui da qauauochiic 'enauac nam lalamaxatpi ñi Dios,

Gálatas 2:20

Cha'ayi aÿim sogote da 'ico' seleu, iÿatchiguem so Cristo co'ollaq qaiuaxaneuo. Qaq ÿoqo'oyi nagui sa ishit da maichi ÿalamaxat da ñachaalataxac, cha'ayi nachiso so Cristo so nachattaigui damayi. Qaq de'eda ñachaalataxac mayi yi'oqchigui, damayi chigoqchigui da ipi'iÿaxac da sepi'iÿa'a so llalec ñi Dios mayi aÿim ÿauotec qataq nañanguet da nalaataguec souaxat aÿim.

Romanos 5:1

Qaq mashi qomi' ÿaÿamaxadeete' ñi Dios souaxat da qadpi'iÿaxac. Qaq ÿoqo'oyi nagui ñaÿamaxannaqte' ñimayi, qaq de'eda chigoqchigui so qadataxala' Jesucristo.

Romanos 4:24

nataq'en qomi' tachiguilo. Cha'ayi souaxat da qadpi'iÿaxac, nachi ñi Dios nataq'en qomi' ÿaÿamaxadeete', qataq qomi' ÿamata'aque da qomi' no'o'n shiÿaxa'u. Cha'ayi qomi' sa'amaqtenaq ñimayi mayi ishit da nca'alaxateeguesop naq'en da nleuaxa so qadataxala' Jesús,

Romanos 1:16

Cha'ayi aÿim sa ishit da yicoqtapeguelec da no'on qad'axaÿaxac, cha'ayi damayi l'añaxac ñi Dios mayi ishit da nca'alaxateec 'enauac cam i'amaqten. Hua'auchiguiñi na judiopi da qanca'alaxateec. Ime, qataq jec na saq judío l'ecpi.

Hechos 17:30

Ñim Dios mayi sa ishit co'ollaxa da iloguilo naua n'enaxaco na shiÿaxauapi soua hua'a'u vi'iyi. Qalaxayi nagui ñimayi 'enapega na shiÿaxauapi mayi netalguete naua ÿotta'a't 'ale'u, da yaqto' ÿaxaadeec naua n'onataxaco.

Marcos 6:12

Nachi soomayi je'c, nachi da'aqtaxaadem na shiÿaxauapi, da yaqto' ÿaxaadeec naua n'onataxaco.

Marcos 1:15

'Eeta': –Mashi yaqta'a ivita yi laloqo' da nvi' da l'onataxanaxac ñi Dios da ilo'ogue 'enauacna. Qaq qaualachi' qome naua qan'onataxacolli', qataq qau'amaqchiñi da n'aqtaxanaxac mayi chigaqaigui da nca'alaxa.

Mateo 4:17

Huaña, nachi so Jesús cot da da'aqtaxan, 'eeta': –Qai'axañiideec qome naua qan'onataxacolli', cha'ayi mashi sa qaÿapeque da l'onataxanaxac ñi Dios mayi neta'ague da piguem da ilo'ogue 'enauacna.

Gálatas 3:22

Qalaxayi naua ñiyigui'shi l'aqtaqa ñi Dios i'axa't da 'enauac na shiÿaxauapi lcoñitaguishic na nasouaxashitpi. Qaq damayi nachi qoÿina'ac, yaqto' ca da'amqajnataxan ishit da ÿaconguet cam ÿachaxanapec ñi Dios, chigoqchigui da i'amaqten so Jesucristo.

Gálatas 2:16

Qalaxayi ñaqaiyita qomi' saÿajnaqta da sa ishit da huo'o ca 'oonolec da laÿamaxannatac ñi Dios, souaxat da i'ot na nqataxacpi mayi chigoqo'ot so Moisés, cha'ayi chaqdata da qai'amaqten so Jesucristo. Qaq ÿoqo'oyi qomi' nataq'en sa'amaqtenaq so Jesucristo, da yaqto' ishit da qomi' ÿaÿamaxadeete' ñi Dios souaxat de'eda qadpi'iÿaxac, qaq sa ishit da chigoqchigui da huo'otaq so'otaq na nqataxacpi. Cha'ayi sa ishit da huo'o ca chochi ÿaÿamaxadeeta ñi Dios souaxat da i'ottac na nqataxacpi.

1 Corintios 1:22

Na judío l'ecpi nmitta'ai da ÿauaachigui na n'anecpi mayi sa qaÿauanapega. Qaq na saq judío l'ecpi nmitta'ai da saqalota na laÿajnecpi.

Romanos 2:4

Loqo' chaq ¿'am 'au'otan peta'a dam sa ishit da imeuo lqouagaxanaqtaic qataq da lhualaxavic ñi Dios, qaq sa ishit da tagui yi 'adhuel da de'eda nqouagaxanaqtaic ishit da 'am ÿaueca'a da ishit da 'axaadeec naua 'an'onataxaco?

Romanos 1:14

Cha'ayi huo'o da ñi'aqtac da sa'aqtaxanem 'enauac na shiÿaxauapi, nai'ctaxa cam ÿaÿaten da naÿamaxataxac, huo'otaq cam sa ishit da naÿamaxatapec, qataq nam ÿaÿaten ana nede, huo'otaq cam sa ÿaÿaten ana nede.

Hechos 28:23

Qaq ÿoqo'oyi qaÿauo'o so naloqnec na'a'q. Qaq co'ollaq ivita se'eso na'a'q, nachi ÿataqta qalota na shiÿaxauapi na nvita ca netaña so Pablo. Nachi ÿachigoxottot se'eso nte'eta, chochi ivitta'a so avit, da i'axattapeguem somayipi da l'onataxanaxac ñi Dios da ilo'ogue 'enauacna. Ÿataqta quetapegueu'a somayipi da i'amaqten naq'en so Jesús, nachi i'axattac nam nqataxacpi mayi chigoqo'ot so Moisés qataq nam l'aqtaxanaxac som l'aqtaxanaxanecpi ñi Dios.

Hechos 16:31

Nachi soomayi 'ena'po': –Qomyi 'au'amaqten so qadataxala' Jesucristo, yaqto' 'am 'anca'aleec, qataq 'enauac ca 'ai'alaqpi.

Hechos 10:43

Nataq'en som hua'a'u vi'iyi 'enauac co'ollaxa som l'aqtaxanaxanecpi ñi Dios i'axatta'aguet so Jesús, da ca i'amaqten somayi, nachi qaÿapalaxat na lasouaxashitpi, chigoqchigui da l'enaxat somayi.

Hechos 8:25

Nachi soua Jesús lamaxa'shi co'ollaq ima't da l'aqtaxanaxa'c da i'axattrac da l'aqtac ñi Dios, nachi nqo'ooda nam pueblopiolec mayi huaigui yi Samaria da i'axattrac da no'on qad'axaÿaxac. Ime, nachi ÿi'iguelaxadegue da Jerusalén.

Hechos 3:19

Qaq ÿoqo'oyi qaualachi' qome naua qan'onataxacolli', nachi qavi'iguelaqÿa ñi Dios, yaqto' qaÿapalaxa't naua qadasouaxashi'chilli'. Nachi ñi qadataxala' Dios ishit da qami' ÿanema caua na'axa'te da qaulaquiitapiguiñi.

Hechos 2:40

Qaq 'eda da l'aqtaxanaxac so Pedro, qataq huo'o na laÿipi l'aqtaxanaxac da huaqattega somayipi, 'eeta': –Qananeltaxañiiguet qome ca nhuaxanaguec ne'ena shiÿaxauapi mayi taÿa'a da daqat, yaqto' qadca'alliiuec.

Juan 20:31

Qalaxayi de'eda qoÿiyiñi, damayi qoÿiyiñi, yaqto' qami' ishit da qau'amaqchiñi da so Jesús nachiso som nta'a mayi qadca'alaxaqui, som llalec ñi Dios, qataq yaqto' qami' ishit da huo'o da qadca'alaqai da qau'amaqchiñi somayi.

Juan 3:36

Qaq cam i'amaqten se'eso ñalec, nachi camayi huo'o da lca'alaxa chochaq tateec. Qaq cam sa ishit da i'amaqten, nachi camayi sa ishit da taÿot de'eda nca'alaxa, chaqdata da huetalec camayi dam qaica ca 'en'am da lchic lhuaxanaxanaxac ñi Dios.

Lucas 15:10

Qaq aÿim shinapec nataq'en da ÿataqta huo'o da ntonaxac nam Dios lamaxashicpi piguem l'ecpi, da huo'otaq ÿaxaadeec naua n'onataxaco ca shiÿaxaua 'itaxaloxoic.

Lucas 15:7

Qaq aÿim shinapec da nachi 'eetec nataq'en na hueto'ot na piguem ÿataqta huo'o qome ca lta'adaic ntonaxac, qom huo'otaq ÿaxaadeec naua n'onataxaco ca shiÿaxaua 'itaxaloxoic, qaq saq 'en'am cam noventa y nueve no'on shiÿaxauapi mayi sa iuen da ca'aisalo naua n'onataxaco.

Lucas 13:5

'A'i, sa ishit. Qami' nataq'en da sa ishit da qai'axañiideec naua qan'onataxacolli', qaq nataq'en 'enauac da qoñiita qadellivi.

Mateo 3:2

Qaq da l'aqtaxanaxac 'eeta': –Qai'axañiideec qome naua qan'onataxacolli', cha'ayi mashi sa qaÿapeque da l'onataxanaxac ñi Dios mayi neta'ague da piguem da ilo'ogue 'enauacna.

Colosenses 2:5

Cha'ayi aÿim, nai'ctaxa da sa ishit da yi'oqchigui da qami' salectaiguilo, qalaxayi da iqui'iÿaxac qami' ÿalecta'agueta. Qaq ÿataqta ñitootapeguec da no'on qadataxaqui, qataq da sa ishit da qai'axañiiuec da qadpi'iÿaxaqui so Cristo.

Hechos 24:24

Qaq soua lÿa't na'axa'te nachi qaltaq nvi' so Félix, nnaictague' aso lhua Drusila, asomayi judío lashi. Nachi somayi damaxasoxoneuga so Pablo da yaqto' n'axaÿaxana da i'axat ca llic da qaipi'iÿa'a so Jesucristo.

Hechos 19:17

Nachi 'enauac na netaña yi Éfeso judío l'ecpi qataq nam sa ishit da judiopi ÿaÿaten de'eda, nachi ÿataqta qalota da lcolanaxa. Nachi namayipi 'eetac da ÿataqta lta'adaic da lli'oxoyic da l'enaxat so qadataxala' Jesús.

Lucas 16:28

yim netraña caua cinco ÿaqaÿa't, da yaqto' da'aqtaxanema, yaqto' caamayi sa ishit da nada nataq'en ne'ena que'ejnaqa'.

Hechos 20:23

Cha'ayi chaqdata da saÿaten da huo'otaq huo'o yi sovita nam la ciudatpi mayi sovida'a, nachi so Espíritu Santo aÿim da'aqtaxaatapeguem da huo'o qome ca ñicoñitaguec, qataq ÿataqta qalota da ñique'ejnaxac.