Hechos 20:19 - Nuevo Testamento Toba Sur

¹⁹ Qaq 'enauaque se'esoua na'axa'te da qami' soota'agueta da so'onataxaatacot so qadataxala', qalaq qaica da ñapagaqchiitac. Nda'a't da qalota da ñineenaxac, qataq qalota na ñi'iguenataguecpi mayi aÿim i'otec na judiopi.

Nuevo Testamento Toba Sombrero Negro

¹⁹ Yemeda naa'me noloqo'ote da'me jo'onataĝatape'uo ñe'me Jaliaĝanec yemalegue q'aen jena'me yeuel, jalcote jaga'me yachi' nataq'aen qayoĝode' gaa'me ñapiyenagueco 'me jouetauelo jo'ne jetaque jayem 'yedetec joga'me judiopi.

La'aqtaqa Ñim Lo'onatac 'Enauacna 2013

¹⁹ Qaq 'enauaque se'esoua na'axa'te da qami' soota'agueta da so'onataxaatacot So Qarataxala', qalaq qaica da ñapagaqcheetac. Nda'a't da qalota da ñenoinaxac, souaxat na qalota ñe'eguenataguecpi maye aỹem ỹo'otec na judiopi.

Hechos 20:19 Referans Kwoze

Colosenses 3:24

Cha'ayi qami' mashi qauaÿajñi da ñi'iñi qadataxala' qami' ÿanema qome cam ÿaÿamaxattac da ÿauotaique da ÿami' na lalamaxatpi. Cha'ayi qami' qau'onataxañiitacot so Cristo mayi nachiso so ÿoqta qadataxala'ai.

2 Corintios 2:4

Cha'ayi can settapiguiñi asa'aso ÿide, qala ÿataqta lta'adaic da shiita qataq huo'o da ÿaquicoxo, ivida'a da ñoÿiitac. Qalaxayi sa ishit da shiyiñi asomayi da yaqto' qami' ÿaquicoqchi't, qalaxayi chochi ñishitaique da qauaÿajñi da ÿataqta lta'adaic da ÿauotaxanaqtaic da qoñiita.

Romanos 12:11

Qataq ÿataqta qan'añaxachi, sa ishit da qami' hualaiqa. Qataq da qau'onataxañiitacot so qadataxala', qalaq ÿataqta imauec da qadquiyaqteÿaxaqui.

Hechos 20:3

Huaña yimayi, nachi ivi' tres ca'agoxoiqa da naña. Qaq co'ollaq mashi huotaique da huenoteu'a aso barco da taigue da Siria, nachi somayi l'axaÿaxac da na judiopi ÿauotaique da ÿalauat. Nachi somayi ÿi'iguelaqtegue na llic, tajlec yi Macedonia.

2 Corintios 7:5

Chigoqta'a can ñividaxa yi Macedonia, nachi saxanaxa da huo'o ca qanmataxac. Chaqdata da qomi' ñatenaqlec 'enauac nam qomi' nqanaxa't qataq pa'aÿauec da qancogaxanataguec qataq mashi leutapigui da qadvilÿaxac.

Santiago 1:2

Qami' ÿaqaÿa't, ÿataqta ÿacteec qanqashiñi da qantonaxaqui qom qami' nvitalo na ÿotta'a't ñi'iguenataxanaxac.

Filipenses 3:18

Qaq mashi qalota da qami' shinapegalo, qalaxayi nagui qaltaq ñoÿiitalec da shi'iguelaxalec da qami' shinapegalo, cha'ayi ÿataqta qalota nam npa'aguene' da l-leuaxa so Cristo co'ollaq qaiuaxanguet so npe'enaxaqui.

Efesios 6:7

Da qau'ochi ca qad'onataqui, qalaq ÿataqta qanasapachiita, 'eeta'am da nachiso so qadataxala' da qau'onataxañiitacot, qaq sa ishit da nachica ca shiÿaxaua.

Gálatas 1:10

Qaq da aÿim shinapec de'eda, qaq ¿peta'a chochi ñishitaique da aÿim ÿaÿamaxadeeta na shiÿaxauapi, huo'otaq ñi Dios? Loqo' chaq ¿chochi ñishitaique da saqca ca da ñaq'en na shiÿaxauapi? Cha'ayi da huo'otaq ña ñishitaique da chochi aÿim ÿaÿamaxadeeta na shiÿaxauapi, qaq sa ishit da aÿim l-latac so Cristo.

2 Corintios 3:5

Qaq sa ishit da nachiqomi' chigoqchiguilo da maichi qad'añaxac da huo'otaq huo'o ca so'otaq, chaqdata da 'enauac nam ishit da so'otaq chigoqchigui ñi Dios.

Hechos 20:31

Qaq maxatchaxa qome, qanloishiguem, qauennachiÿo' qome soua tres vi'iyi, da ica'n naua na'axa'te qataq naua pe' da qami' saqattegalo, ñoÿiitalec ñi 'oonolec da qoñiita.

2 Pedro 1:1

Aÿim mayi i'enaxat da Simón Pedro, aÿim l-latac qataq aÿim lamaxashic so Jesucristo. Aÿim shiyiñi ana ÿide da qami' samaxalo, qami' mayi qauacoñiiguet da n'amqajnataxanaxac qaica ca 'en'am mayi 'eeta'am da qomi' hueto'oto, cha'ayi so Jesucristo mayi qadta'a qataq qadca'alaxaqui ishit da i'ot ca ÿaÿamaqchiguiñi.

1 Pedro 1:6

Qaq ÿoqo'oyi nachida da huo'o mshi qami' ÿataqta qauamaichiguiñi, nai'ctaxa da huo'otaq qami' iuen da cada'acolec da huo'o da qanque'ejnaxaqui, souaxat nam qalota qañi'iguenataguiiqui.

1 Ts 1:9

Cha'ayi namayipi maichi n'aqtaxaatapigui da 'eetec so hua'auchiguiñi qoyiquiaxac co'ollaq qami' souaqta'agueta. Nataq'en n'aqtaxaatapigui da qadsoxosoxonaxaqui co'ollaq qomi' qauacoñiigueta, qataq da 'eetec co'ollaq qoquiÿa'ai nam nqolacpi da qoquiigue da qau'onataxañiÿot ñim Dios mayi nca'altauec qataq sa ishit da chochi n'enaqtaguetto.

Romanos 1:9

Qaq ñim Dios mayi so'onataxaatacot ñim semattot da iquiyaqteÿaxac da sa'axattac dam n'aqtaguec so llalec, ñimayi aÿim ÿaÿateeta da sa ishit da qami' secoua'aisalo da ivita da ñoqouagaxaueetac.

Romanos 1:1

Aÿim Pablo, aÿim l-latac so Jesucristo. Ñi Dios aÿim iÿaxana, qataq aÿim iÿotauga da ÿauo'o aÿim lamaxashic, da yaqto' sa'axat da l'aqtac mayi chigaqaigui da nca'alaxa.

Hechos 27:23

Cha'ayi ne'ena pe aÿim nachaxana so chigaqshiguem lamaxashic ñi Dios mayi sooto'ot qataq so'onataxaatacot.

Hechos 17:13

Qalaxayi na judiopi mayi sa da'amqajnataxan mayi lma' yi Tesalónica, co'ollaq l'axaÿaxac so Pablo da i'axattac da l'aqtac ñi Dios hueta'a yi Berea, nachi nqo'ona yimayi, nachi i'ot da l'axa naq'en na shiÿaxauapi.

Juan 12:26

Qaq da huo'o ca nshitaique da aÿim do'onataxanot, qaq no'on da aÿim quegue, nachi ca aÿim soota'ague, nachi camayi nataq'en hueta'a. Da huo'o ca aÿim do'onataxanot, nachi ñi ita'a camayi ÿi'oxoden.

Lucas 19:41

Qaq co'ollaq mashi nayiitau'a so Jerusalén, nachi co'ollaq ilau'a so la ciudad, nachi so Jesús noÿiilec somayi.

Apocalipsis 7:15

Qaq ÿoqo'oyi namayipi datatau'a na nso'onqa' ñi Dios, qaq do'onataxaatacot ñimayi na na'axa'te qataq na pesa'chi añi l'onaxanaxaqui. Qaq ñim nso'ootangui añi so'onaxaqui, ñimayi ipelteetalec namayipi.

2 Timoteo 1:4

Qaq naxa da tachigui iuel da 'anneenaxac, nachi huo'o da iyaxa da 'am ñauane', yaqto' aÿim nlaqchigui da ñitonaxac.

Hechos 17:5

Qalaxayi ñaqaiyita huo'o nam judiopi nam sa ishit da da'amqajnataxan. Nachi namayipi ÿataqta huo'o da ndaxaÿaxa, nachi laÿona't nam shiÿaxauapi qauemaicpi mayi qaica ca i'ot, quetapeeguelo naua nqa'aico, da qainogoqchit. Nachi somayipi chochi idaxangui nam netaña so la ciudad. Nachi qanqo'ona ca lma' so Jasón da qainoxottac, qanmittaique so Pablo qataq so Silas da qaÿauotaique da qaÿaconeu'alo, nachi qoÿaneu'alo na shiÿaxauapi.

Hechos 21:27

Qalaxayi co'ollaq yaqta'a da inoxoodeec soua siete na'axa'te, nachi huo'oi soua judío lashi' mayi chigoqda'ague da 'alhua Asia. Soomayi ilalguete so Pablo da huetaigui aso n'onaxanaxaqui. Nachi soomayi i'o't da l'axa, ÿataqta lliÿa't naq'en na shiÿaxauapi. Nachi qaÿaconeu'a so Pablo.