Hechos 20:16 - Nuevo Testamento Toba Sur

¹⁶ Qaq 'eda da 'eetec da qoyiquiaxac, cha'ayi so Pablo nachi lhuennataxac co'ollaxa da sa ishit da ÿoqta hua'a yi Asia, nachi sa ishit da ipagueu'a yi Éfeso. Cha'ayi somayi nshitaique da saqaÿaloq da ividegue da Jerusalén, da yaqto' hueta'a yimayi ca na'a'q Pentecostés, da huo'otaq ishit da ÿañoxot.

Nuevo Testamento Toba Sombrero Negro

¹⁶ Naq'aeta da'me qadeuoĝoc qa'a Pablo ja jetaque yaloĝoja ue'ta di'me Asia, ja jetaque yec'ata di'me Éfeso, qa'a jetaque paja'a yovita di'me Jerusalén, qom yataqata yaqanatet, qaedi ua'a di'me qom nolo' jo'ne Pentecostés.

La'aqtaqa Ñim Lo'onatac 'Enauacna 2013

¹⁶ Qaq 'era da 'eetec da qoyecỹaxac, cha'aye so Pablo, nache lhuennataxac co'ollaxa da saishet da ỹoqta hua'a ye 'alhua Asia, qataq saishet da ipagueua'a ye nỹecpi ye Éfeso. Cha'aye somaye nshetaique da saqaỹaloq da iviregue da Jerusalén, da yaqto' hueta'a yemaye ca na'a'q Pentecostés, da huo'otaq ishet da ỹañoxot.

Hechos 20:16 Referans Kwoze

1 Corintios 16:8

Qalaxayi sauotaique da sonaña qome yi Éfeso, sovidaxattauga ca na'a'q Pentecostés,

Hechos 2:1

Qaq co'ollaq ivita so na'a'q, l'enaxat Pentecostés, nachi 'enauac so 'amqajnataxanaxaicpi lapoota'a't yauac ca qanayiuta'a.

Hechos 19:21

Qaq co'ollaq ime de'eda, nachi so Pablo huo'o da lhuennataxa da taigue da Macedonia qataq da Acaya, qataq nachi huotaique da ivida'a yi Jerusalén. Qataq huotaique da huo'otaq imat yi Jerusalén, nachi taigue da Roma.

Hechos 24:17

Qaq can mashi qaÿoqteguelo soua vi'iyi da secoleetac, nachi aÿim ñi'iguelaxa yi ima' da ñidoi' aso i'agaxanaqte qataq da sanot aca ÿachitaqtaxanaqte ñi Dios.

Hechos 21:4

Nachi qomi' ñauanaxai' na 'amqajnataxanaxaicpi, nachi souaqa'aguet somayipi soua siete na'axa'te. Nachi so Espíritu Santo da'aqtaxanem somayipi, da yaqto' 'enapega so Pablo da yaqto' sa ishit da taigue da Jerusalén.

Hechos 20:22

Qaq nagui aÿim saigue da Jerusalén, cha'ayi aÿim ÿauec so Espíritu Santo. Qaq aÿim sa ishit da saÿaten ca 'eetec ca souaigui qom sovi'.

Hechos 20:13

Qaq qomi' nachi qaltaq ñoqotaqhua'a aso barco da sa'auaqta'a yi Asón. Qaq huaña yimayi, nachi seuataqa'aguet so Pablo, cha'ayi nachi qadhuennataxa, cha'ayi so Pablo maichi lhuennataxac da petañi.

Hechos 20:6

Cha'ayi qomi' can ime so na'a'q naponaxaqui mayi huetoigui da qanallic ana pan mayi sa qaÿauo'o ana lalecte, nachi senoxonaxauec, sachigoxosoqchiguiña yi Filipos, senotaxau'a aso barco. Qaq ivi' soua cinco na'axa'te, nachi sovitaxa yi Tróade yim huetra'a soomayi. Huaña yimayi, nachi ivi' soua siete na'axa'te da souaqta'a.

Hechos 18:21

Chaqdata da ncoyiguene' somayipi da jec. Nachi 'eetega, 'eeta': –Aÿim huo'o da iyaxa da sovita yi Jerusalén, da yaqto' salectauo ca naponaxac mayi naÿa'cna. Qalaxayi huo'o qome ca na'a'q da aÿim qaltaq qami' ñi'iguelaxalo, qom huo'otaq aÿim ÿanem ca ÿiquiaxac ñi Dios. Nachi somayi huenoteuo, chigoqchiguiña yi Éfeso.

Hechos 18:19

Qaq co'ollaq ivitra yi la ciudad Éfeso, nachi so Pablo n'onaxatañi aso Priscila qataq so lhua Áquila, nachi tau'a aso laponaxaqui na judiopi, nachi da'aqtaxaatapeguem 'enauac so lapoota'a't judiopi.

Hechos 12:13

Qaq somayi co'ollaq iuaxaatapegueu'a so lasom som qasoxoc, nachi huo'o aso qa'añole, l'enaxat Rode, npa'auga da chochi nalliuga.

Hechos 16:6

Qaq so Espíritu Santo sa ÿashinema soomayi da i'axa't da n'aqtac yi 'alhua l'enaxat Asia. Qaq ÿoqo'oyi soomayi napactralec yi 'alhua Frigia qataq yi Galacia,

Hechos 19:1

Qaq so Apolo co'ollaq ñaq hueta'a yi Corinto, nachi so Pablo quetaguilo naua 'ale'u mayi saqaÿoqotchiguemque, chochi nvitta'a yi Éfeso. Nachi huaña, qaq huo'o so ilalecpi 'amqajnataxanaxaicpi.

Hechos 20:4

Nachi nnaictagueto soua Sópatro lma' yi Berea, qataq so Aristarco qataq so Segundo mayi lma't yi Tesalónica, qataq so Gayo mayi lma' yi Derbe, qataq so Timoteo, nataq'en so Tíquico qataq Trófimo mayi chigoqda'ague da 'alhua Asia.

Hechos 20:18

Qaq co'ollaq mashi lapoota'a't, nachi 'enapego', 'eeta': –Qami' qauaÿajñi da 'eetec da ÿataxac chigoqchiguiña so l'auaxanec na'a'q co'ollaq chita'ague da ñiviteu'a na Asia.