Hechos 2:9 - Nuevo Testamento Toba Sur

⁹ Yi qomi' huo'o nam chigaqa'ague da Partia, qataq da Media, qataq da Elam, qataq da Mesopotamia, qataq da Judea, qataq da Capadocia, qataq da Ponto, qataq yi 'alhua Asia,

Nuevo Testamento Toba Sombrero Negro

⁹ Ga'me jiyaĝadipi ueteda'a jenjo' chiyoqoda'alo di'me Partia, di'me Media, di'me Elam, di'me Mesopotamia, di'me Judea, di'me Capadocia, di'me Ponto, nataq'aen yema ga'me aleua di'me Asia,

La'aqtaqa Ñim Lo'onatac 'Enauacna 2013

⁹ Ye qomi' huo'o nam chegaqa'a ye 'alhua Partia, qataq ye Media, qataq ye Elam, qataq ye Mesopotamia, qataq ye Judea, qataq ye Capadocia, qataq ye Ponto, qataq ye 'alhua Asia,

Hechos 2:9 Referans Kwoze

1 Pedro 1:1

Aÿim Pedro, aÿim lamaxashic so Jesucristo, shiyiñi ana ÿide da samaxa 'enauac nam nlagaxattacpi mayi sa ishit da nqajleguete naua lañoqo'te, nam neta'alo yiua 'ale'u Ponto, Galacia, Capadocia, Asia, qataq yi Bitinia.

Apocalipsis 1:4

Aÿim Juan, samaxa ana ÿide naua siete 'ale'u mayi netalguete na 'amqajnataxanaxaicpi mayi netaigui yi 'alhua Asia. Qami' ÿaqaÿañicpi, ñishitaique da qami' qauacoñiiguet da nqouagaxanaqtaic qataq da nlagaxayic mayi chigoqo'ot ñi Dios, ñim nachi 'eetai' da huo'o, qataq ñim do'onataxaatac nagui, qataq naÿa'cna. Qataq nataq'en chigoqo'ot nam siete saq cha'api mayi datatau'a ca nso'onqa' ñimayi.

2 Timoteo 1:15

Qaq de'eda mashi 'auaÿateetac da aÿim ca'ai 'enauac na netaña yi 'alhua Asia, nataq'iñi soua Figelo qataq so Hermógenes.

Hechos 18:2

Qaq huaña yimayi, nachi natena'aguet so judío l'ec l'enaxat Áquila. Somayi chigaqa'ague da 'alhua l'enaxat Ponto. Qaq se'eso Áquila qataq aso lhua Priscila ñaq cha'aguelo da nvi't, chigoqtra'ague da Italia. Queda'ai yimayi, cha'ayi so lta'a na nta'alpi l'enaxat Claudio 'enapega 'enauac na judiopi da ca'ai yi Roma. Nachi so Pablo namaqtego' somayi,

Hechos 16:6

Qaq so Espíritu Santo sa ÿashinema soomayi da i'axa't da n'aqtac yi 'alhua l'enaxat Asia. Qaq ÿoqo'oyi soomayi napactralec yi 'alhua Frigia qataq yi Galacia,

Hechos 19:10

Qaq 'eda da 'eetec, chochi ividaxattrauec soua dos vi'iyi. Nachi ÿataqta 'enauac na netaña yi 'alhua l'enaxat Asia, judiopi qataq nam sa ishit da judiopi, n'axaÿaxaatega da n'aqtaguec so qadataxala' Jesús.

Hechos 6:9

Nachi huo'oi soua chigaqa'alo aca laponaxaqui na judiopi mayi qaÿamata'ac laponaxaqui na qaisouec nlatacpi. Qataq so laÿipi huo'o na chigaqa'ague da Cirene, qataq da Alejandría, qataq da Cilicia, qataq yi 'alhua Asia. Nachi somayipi ncotatague' so Esteban.

Apocalipsis 1:11

Qaq aÿim 'enapega, 'eeta': –Nachaÿim mayi aÿim l'auaxanec qataq nachaÿim mayi sepa'ateec, shiita'am aca l'auaxana ana leetrapi qataq aca pa'ateec. Qaq 'am 'edelec qome aca nede 'enauac na 'auauaachigui. Ime, qaq 'auamaxalo qome naua siete 'ale'u mayi netalguete na 'amqajnataxanaxaicpi mayi netaigui yi 'alhua Asia: yim Éfeso, Esmirna, Pérgamo, Tiatira, Sardes, Filadelfia, qataq yi Laodicea.

2 Corintios 1:8

Qami' ÿaqaÿa't, sauoqtaique da qauaÿajñiita da ÿataqta saq llalcolec da qanque'ejnaxac co'ollaq souaqta'a yi 'alhua Asia. Damayi ÿataqta lta'adaic, ÿoqo'oyi huac da sa ishit da yaloxoguet. Mashi sovidaqa'a da qaica ca qanaquitaxac da yica'alaqtauec.

1 Corintios 16:19

Na 'amqajnataxanaxaicpi mayi netalec ne'ena 'alhua Asia, qami' ÿamaxalo da lquinaxanaxac. Ñi Áquila qataq añi lhua Priscila qataq na 'amqajnataxanaxaicpi mayi l'onaxanqa' yi lma', naamayi ÿataqta saqalota da lquinaxanaxac qami' ÿamaxalo, cha'ayi qami' l'amqajnataxanaxa'u.

Romanos 16:5

Nataq'en samaxa da iquinaxanaxac ca qadqaÿañicpi mayi natamnaqa' yi lma' aca Priscila qataq ca Áquila, qataq nataq'en ca ñauochaxaua ÿaqaÿa Epéneto mayi nachica ca l'auaxanec da i'amaqten so Cristo nam lma' yi Acaya.

Hechos 20:18

Qaq co'ollaq mashi lapoota'a't, nachi 'enapego', 'eeta': –Qami' qauaÿajñi da 'eetec da ÿataxac chigoqchiguiña so l'auaxanec na'a'q co'ollaq chita'ague da ñiviteu'a na Asia.

Hechos 20:16

Qaq 'eda da 'eetec da qoyiquiaxac, cha'ayi so Pablo nachi lhuennataxac co'ollaxa da sa ishit da ÿoqta hua'a yi Asia, nachi sa ishit da ipagueu'a yi Éfeso. Cha'ayi somayi nshitaique da saqaÿaloq da ividegue da Jerusalén, da yaqto' hueta'a yimayi ca na'a'q Pentecostés, da huo'otaq ishit da ÿañoxot.

Hechos 19:31

Nataq'en huo'o na nta'alpi mayi lma' yi Asia nam nauattonaxauapi somayi na namaxa da l'aqtac somayi, da yaqto' sa ishit da pa'auo.

Hechos 19:27

Qaq damayi ÿataqta huo'o da lchic, cha'ayi de'eda qad'onataxanaxac ishit da nlaguiñi. Nataq'en ñi lauo' añi ñatamnaqtacot qadate'e Artemisa, ñimayi ishit da daqat da lli'oxoyic. Huaña, nachi sa ishit da huo'o ca 'enec qanqoÿin dam l'amaqchic añim qadate'e mayi natameetacot na netaña na Asia qataq 'enauac nam neta'alo naua lÿa't 'ale'u.

Hechos 7:2

Nachi somayi 'enapeco': –Qami' ÿaqaÿadolqa, qataq qami' ita'alpi, ñaq aÿim qan'axaÿaxañiÿa. Ñim qadta'a Dios mayi ÿi'oxodaic, ñimayi nachaxana co'ollaxa so qadta'a Abraham co'ollaq somayi hueta'a yi 'alhua Mesopotamia, co'ollaq somayi saxanaxa da taÿa yi Harán.

Hechos 2:8

Qaq ¿chaq 'éeteco' yi qomi' sa'axasoqtegalo naua maichi qadalamqa'te qad'aqtaqa da nasaqtrapeguec?

Hechos 20:4

Nachi nnaictagueto soua Sópatro lma' yi Berea, qataq so Aristarco qataq so Segundo mayi lma't yi Tesalónica, qataq so Gayo mayi lma' yi Derbe, qataq so Timoteo, nataq'en so Tíquico qataq Trófimo mayi chigoqda'ague da 'alhua Asia.

Hechos 21:27

Qalaxayi co'ollaq yaqta'a da inoxoodeec soua siete na'axa'te, nachi huo'oi soua judío lashi' mayi chigoqda'ague da 'alhua Asia. Soomayi ilalguete so Pablo da huetaigui aso n'onaxanaxaqui. Nachi soomayi i'o't da l'axa, ÿataqta lliÿa't naq'en na shiÿaxauapi. Nachi qaÿaconeu'a so Pablo.

Hechos 24:18

Qaq aÿim mashi so'ottac co'ollaxa de'eda, nachi huo'oi soua judío lashi' mayi chigoqda'ague da Asia. Soomayi aÿim ilodalec da sootaigui añi n'onaxanaxaqui, can mashi seme da ñiÿoxoc da so'ottac dam maichi qan'onataxac. Qaq qaica da huo'otaq qalota na shiÿaxauapi, huo'otaq da huo'o ca n'axa.

Hechos 27:2

Nachi qomi' senotaxau'a aso barco mayi lashi yi ñigaxasom Adramitio, asomayi taÿa'a na ñigaxasompi yi Asia. Qaq qomi' ÿalectaiguilo nataq'en so Aristarco, som lma' yi Tesalónica mayi huaigui yi 'alhua Macedonia.