Hechos 2:5 - Nuevo Testamento Toba Sur

⁵ Qaq se'eso na'a'q yi Jerusalén hueta'a na judiopi mayi chigoqteguelo 'enauaque naua laÿil ana 'alhua. Namayipi i'ottac da l'amqajnataxanaxac.

Nuevo Testamento Toba Sombrero Negro

⁵ Uo'oe ga'me judiopi jo'ne neda'ña di'me Jerusalén, chiyoĝoguelo yemeda naa'me ale'u lael, nach'egaua jo'ne nach'e eta't 'nonaĝachidegue joñe'me Dios.

La'aqtaqa Ñim Lo'onatac 'Enauacna 2013

⁵ Qaq se'eso na'a'q ye Jerusalén hueta'a na judiopi maye ỹa'amaqteetac Ñim Lo'onatac 'Enauacna. Namayepi chegaqa'alo naua ỹotta'a't 'aleu' maye nataqa'en ilotague' na Roma le'ecpi.

Hechos 2:5 Referans Kwoze

Hechos 8:2

Qaq huo'o nam shiÿaxauapi mayi quetague' ñi Dios nam ilayiñi co'ollaxa so Esteban, nachi ÿataqta noÿiitapeguelec somayi.

Lucas 2:25

Qaq se'eso vi'i netaña yi Jerusalén so shiÿaxaua l'enaxat Simeón. Qaq somayi ÿataqta soxodaic qataq ÿi'oxodeetac ñi Dios, nataq'en iuattaique ca na'a'q da imeuo qanqoÿin da nque'ejnaxac na Israel llalaqpi. Qaq somayi hueta'aguet so Espíritu Santo,

Colosenses 1:23

Qalaxayi damayi iuen da qami' sa ishit da qai'axañiiuec da qadpi'iÿaxaqui, qoñiita'am aca qo'ipaq mayi ÿataqta qaÿoqchiguingui ca lpa'a'q. Qataq sa ishit da qai'axañiiuec da qanaquitaxaqui mayi qauachigoxochiichigui da n'aqtac mayi chigaqaigui da nca'alaxa mayi qan'axaÿaxañiÿa. Qaq de'eda n'aqtac nachida da qai'axattac 'enauaque naua 'ale'u. Qaq aÿim Pablo nachida da sa'axattac.

Hechos 22:12

Qaq yimayi nachi netaña so shiÿaxaua l'enaxat Ananías. Qaq somayi ÿataqta ÿalaxalec nam lqataxacpi so Moisés, qaq nam judiopi mayi lma' yi Damasco ÿataqta no'on naq'en da n'aqtaguec somayi.

Hechos 13:50

Qalaxayi nam judiopi nachi huo'o ana detaxaÿot nam ÿi'oxodaipi 'alpi mayi quetague' ñi Dios, qataq nam ÿallippi mayi 'amaqtaqaicpi se'eso la ciudad, da ÿayina'a namayipi, da yaqto' sa qaÿalemaxat so Pablo qataq so Bernabé, chochi ivitta'a da queda'ai qanqoÿin se'eso 'alhua.

Hechos 10:7

Qaq co'ollaq jec so namaxashic piguem l'ec mayi da'aqtaxaatac, nachi so Cornelio iÿaxaneugalo soua dos soua lamaxa'shi qataq so 'oonolec huataxanaq l'ec mayi nataq'en quetague' ñi Dios qataq ÿataqta lpe'et.

Hechos 10:2

Qaq se'eso shiÿaxaua qataq 'enauac so llalaqpi quetague' ñi Dios qataq ÿataqta ñi'iÿa ñimayi. Somayi nataq'en ÿataqta qalota añi ÿaneec alom da itauaatac na judiopi qataq nachi 'eetai' da nqouagaxaueetacot ñi Dios.

Hechos 8:27

Nachi so Felipe ñishiguem, nachi jec, nachi natena'aguet co'ollaxa so shiÿaxaua mayi chigaqa'ague da Etiopía. Qaq somayi sa deco'o qataq nta'a lta'adaic, somayi nachiso so ilotague' ana alom aso nate'e l'enaxat Candace, asom late'e nam netaña yi Etiopía. Qaq somayi taigue co'ollaxa da Jerusalén da natamnot ñi Dios.

Hechos 2:1

Qaq co'ollaq ivita so na'a'q, l'enaxat Pentecostés, nachi 'enauac so 'amqajnataxanaxaicpi lapoota'a't yauac ca qanayiuta'a.

Juan 12:20

Qaq huo'o na ÿalectauo griego l'ec naua l'aqtaqa nam shiÿaxauapi mayi taÿa yi Jerusalén se'eso na'a'q naponaxaqui da ÿi'oxoden ñi Dios.

Lucas 24:18

Nachi so 'oonolec soomayi, l'enaxat Cleofás, ÿasat, 'eeta': –'Enauac nam shiÿaxauapi mayi hueta'a na Jerusalén qaica ca sa ÿaÿaten da qanayiuaigui se'esoua na'axa'te. Qaq ¿chaq 'amto' da qonetaña yimayi da sa 'auaÿaten de'eda?

Lucas 17:24

Cha'ayi camayi 'eeta'am na nqashilgaxa da huo'otaq nqashilguiñi, nachi imata 'enauac na piguem. Qaq 'eda qome da 'eetec ca lvidaxac ne'ena shiÿaxaua llalec qom ivita ca na'a'q da ñi'iguelaq.

Mateo 24:14

Qaq de'eda no'on n'axaÿaxac mayi i'axat da n'aqtaguec da l'onataxanaxac ñi Dios mayi ilo'ogue 'enauacna, damayi qai'axateec qome 'enauac ana 'alhua, da yaqto' 'enauac nam ÿotta'a't shiÿaxauapi ÿaÿaten damayi. Huaña, nachi ivita ca loga'tna.