Hechos 2:47 - Nuevo Testamento Toba Sur

⁴⁷ Nachi qaÿi'oxodeetac ñi Dios, nachi 'enauac na shiÿaxauapi ÿataqta sa lateta'pe soomayi. Nachi so qadataxala' Jesús nqochinaxattauec 'enauaque naua na'axa'te na 'amqajnataxanaxaicpi nam nca'alaxateec.

Nuevo Testamento Toba Sombrero Negro

⁴⁷ 'Nonaĝachidegue ñe'me Dios nataq'aen qonedo'teneque jogaa'me; nataq'aen yemeda naa'me noloqo'ote en nichiquetaye ga'me napetenegueta joga'me p'etaqadaiquipi ñe'me Jaliaĝanec, gaa'me jo'ne naqaegaua yiyaĝanalo ñe'me, qaedi qonec'alaĝatedegue.

La'aqtaqa Ñim Lo'onatac 'Enauacna 2013

⁴⁷ Nache qaỹo'oxoreetac Ñim Lo'onatac 'Enauacna, nache 'enauac na shiỹaxauapi ỹataqta huo'o naq 'ene'c naqa'e'n soua namaxa'she. Nache Som Qarataxala', 'enauaque naua na'axa'te da nqochenaxattauec na 'amqaanataxanaxaicpi maye nca'alaxatec.

Hechos 2:47 Referans Kwoze

Hechos 16:5

Huaña, nachi na 'amqajnataxanaxaicpi ÿataqta huo'o da l'añaxac da lpi'iÿaxac, nachi naua na'axa'tesa'chi ÿataqta nquictauec yi lcata na da'amqajnataxan.

1 Corintios 1:18

Cha'ayi da n'aqtaguec da l-leuaxa so Cristo co'ollaq qaiuaxaneuo, 'eeta'am da chochi 'oopashic da hua'axaÿa nam taÿa'a da qanlaxajñi. Qalaxayi qomi' mayi saqa'a da qomi' qanca'alaxatreec, de'eda n'aqtaxanaxac, damayi l'añaxac ñi Dios.

Hechos 2:41

Huaña, nachi nam ÿalaxaguet da l'aqtaxanaxac so Pedro, nachi qanachilaxan. Nachi se'eso na'a'q nquigueec na da'amqajnataxan, cha'ayi huac da ivi' ca tres mil so shiÿaxauapi dalaxaicpi.

Hechos 2:39

Cha'ayi de'eda qaÿachaxanapec co'ollaxa, damayi qadalamaxachi nataq'en nam qai'alquiipi qataq 'enauac na ÿaqauga shiÿaxauapi laÿipi. Cha'ayi damayi qaÿauotaique da taÿot 'enauac nam iÿaxaneuga ñim qadta'a Dios mayi qadataxala'.

Romanos 14:18

Qaq ca nachi 'eetec de'eda da do'onataxanot so Cristo, qaq camayi ÿataqta ÿaÿamaxadeeta ñi Dios qataq 'enauac na shiÿaxauapi.

Hechos 11:24

Cha'ayi so Bernabé ÿataqta no'on da lataxac, qataq somayi nlaqchigui so Espíritu Santo qataq da lpi'iÿaxac. Qaq ÿoqo'oyi ÿataqta qalota so dalaxaic shiÿaxauapi da quegue so qadataxala'.

Hechos 13:48

Nachi co'ollaq hua'axaÿa de'eda nam sa ishit da judiopi, nachi ÿataqta huo'o da ntonaxac. Nachi namayipi 'enac yi ÿataqta 'onaxaic da l'aqtac ñi qadataxala'. Huaña, nachi da'amqajnataxan nam nal'ena co'ollaxa da qaÿaqataxaatai' da yaqto' taÿot da nca'alaxa mayi chochaq tateec.

Romanos 9:27

Qaq nam Israel llalaqpi, qalaq so Isaías co'ollaq detaxaÿa, qalaq 'eeta': “Nai'ctaxa da ÿataqta qalota na llalaqpi so Israel da 'eeta'am na lsochi na 'alhua mayi hueto'ot na loigue aso auaxai, qalaxayi nachaqcata cam saq 'amaqtaq n'onañi, nachica cam nca'aleec.

Romanos 8:30

Qaq nam lca'aguishicpi co'ollaxa ñi Dios, nachi nataq'en iÿaxana. Qaq nam lÿaxanataguishicpi ñimayi nataq'en ÿanagui da ÿataqta ÿaÿamaxadeeta qataq nhuanau'a naq'en da lli'oxoyic.

Lucas 2:52

Nachi so Jesús nquictashiguem da llaxa qataq da lauattonaxanaxac. Qaq ñi Dios ÿataqta ÿaÿamaxadeeta somayi, nachi 'en'am 'enauac na shiÿaxauapi.

Hechos 4:21

Nachi so nta'alpi ÿataqta ÿadeetegalo soomayi, qalaxayi ÿachaxaadeec. Cha'ayi sa ishit da qaÿanata cam qaÿachigoxotchigui da yaqto' qaiuaxa'n, cha'ayi 'enauac na shiÿaxauapi ÿataqta ÿi'oxodeetac ñi Dios, souaxat de'eda qanayiuaigui.

Hechos 4:33

Qaq soua namaxa'shi ÿataqta huo'o da l'añaxa'c, nachi quetoto da i'axattrac da mashi qaltaq qanca'alaxateec so qadataxala' Jesús, qaq ñi Dios ÿanem da nqouagaxa 'enauac somayipi.

Lucas 19:48

Qalaxayi sa ishit da qaÿanata ca qoÿiitec, cha'ayi 'enauac nam shiÿaxauapi ÿataqta ÿi'imaqtom da n'axaÿaxaatega somayi.

Hechos 4:4

Qalaxayi ÿataqta qalota na shiÿaxauapi nam n'axaÿaxaatega se'eso n'aqtaxanaxac na da'amqajnataxan. Qaq yim lcata so dalaxaic da'amqajnataxan huac da ivi' ca cinco mil ndoteec na ÿallippi.

Hechos 6:1

Qaq se'esoua na'axa'te ÿataqta nquictauec na da'amqajnataxanpi. Nachi nam judiopi mayi ÿaÿate'n naua l'aqtaqa na griegopi, namayipi nachitega nam laÿipi judiopi, cha'ayi namayipi 'eetega da sa ishit da ÿoqta qailo'oguet nam pa'aipi mayi lauo' lashipi da ivita da qoÿaneec na nallic yi na'a'q.

Hechos 6:7

Nachi da l'aqtac ñi Dios ÿataqta nquictashiguem qataq yi lcata na da'amqajnataxan yi Jerusalén ÿataqta nquictauec, ivida'a da qalota na da'amqajnataxan nam ntaxaÿaxanaxanecpi da qaitaxaÿapegue' ñi Dios mayi judío l'ecpi.

Hechos 9:31

Nachi 'enauac nam 'amqajnataxanaxaicpi mayi netaña yi 'alhua Judea, qataq yi Galilea, qataq yi Samaria, namayipi ÿataqta lactapiguiñi qataq nquictauec da l'añaxac, qataq ÿataqta huo'o da lcolanaxa so qadataxala'. Qaq so Espíritu Santo ÿataqta i'añaqchittac namayipi da nquictauec naq'en yi lcata na da'amqajnataxan.

Hechos 9:35

Qaq 'enauac ÿauaachigui de'eda nam netaña yi Lida qataq yi Sarón. Huaña, nachi namayipi ÿalat da toguishic l'amqajnataxanaxac, nachi quegue so qadataxala'.

Hechos 11:21

Nachi dam l'añaxac so qadataxala' ÿataqta hueta'aguet namayipi, qaq ÿoqo'oyi ÿataqta qalota na ÿaxaneec da toguishic l'amqajnataxanaxac, nachi i'amaqten so qadataxala'.

Hechos 14:1

Qaq huetra'a yi Iconio so Pablo qataq so Bernabé, nachi soomayi nqo'oodeu'a aso laponaxaqui na judiopi, nachi da'aqtaxaata'pe. Nachi ÿataqta qalota na da'amqajnataxan nam judiopi, qataq ivida'a nam saq judiopi.

Hechos 14:21

Qaq co'ollaq ime da i'axattrac da no'on qad'axaÿaxac yi'iyi pueblo, nachi ÿataqta qalota na loxone'c na da'amqajnataxan. Ime, nachi ÿi'iguelaxadegue da Listra, Iconio, qataq da Antioquía.

Hechos 17:12

Huaña, nachi ÿataqta qalota so da'amqajnataxan namayipi, nataq'en nam griego l'ecpi ÿataqta qalota na da'amqajnataxan ÿallippi qataq nam 'alpi mayi ÿi'oxodaipi.