Hechos 2:40 - Nuevo Testamento Toba Sur

⁴⁰ Qaq 'eda da l'aqtaxanaxac so Pedro, qataq huo'o na laÿipi l'aqtaxanaxac da huaqattega somayipi, 'eeta': –Qananeltaxañiiguet qome ca nhuaxanaguec ne'ena shiÿaxauapi mayi taÿa'a da daqat, yaqto' qadca'alliiuec.

Nuevo Testamento Toba Sombrero Negro

⁴⁰ Qama'le queda'me yitaĝa yauo'oe gaa'me 'laqataqa laqaya', Pedro dojapegue'to jogaa'me nataq'aen noqotetapegalo, enaac: —¡Anaqaloĝochiyeguet da'me ne'uaĝanague'j qomle jena'me jenjo' jiyaĝadipi jo'ne ja no'en!

La'aqtaqa Ñim Lo'onatac 'Enauacna 2013

⁴⁰ Qaq 'era da la'aqtaxanaxac so Pedro. Qataq huo'o na laỹepi la'aqtaxanaxac da huaqattega somayepi, 'eeta': –Qananeltaxañeeguet ca nhuaxanaguec ne'ena shiỹaxauapi maye taỹa'a da deqat, yaqto' qarca'alliiuec.

Hechos 2:40 Referans Kwoze

Filipenses 2:15

yaqto' sa ishit da huo'o ca ilalec da qoñiita ca qadasouaxashichi, huo'otaq ca qadsomaxaqui. Chaqdata da qami' llalqa ñi Dios, qami' qui'itte' da qoviitangui na qauemaicpi qataq 'itaxaloxoicpi. Nachi qami' 'edoiguilo da qaucoÿayiilec namayipi, qoñiita'am aca huaqajñi da icoÿadelec na napalaxa,

1 Timoteo 4:16

Qataq 'antel-la't, 'aulotegue da 'adapaxaguenataxanaxac. Ÿataqta qoquetot de'eda shiitega, cha'ayi da 'au'ot de'eda, nachi ÿataqta 'avida'aguet da 'am qanca'alaxateec qataq 'enauac na 'am n'axaÿaxaatega.

Efesios 4:17

Qaq cha'ayi aÿim ñi'attau'a so qadataxala', ÿoqo'oyi qami' shinapegalo qataq qami' saqatalo da sa ishit qome da qoñiita'am da lataxac nam sa ishit da ÿauatton ñi Dios mayi quetagueto nam lhuennataxaco mayi qaica ca naiguilo,

2 Corintios 6:17

Qaq ÿoqo'oyi nataq'en ñi qadataxala' 'eeta': Qoquiÿa'ai qome na sa da'amqajnataxanpi, qataq qauÿochiilec; qataq sa ishit qome da qaupochiu'a ca ishit da deshipaxanaqtaxan. Yaqto' aÿim ishit da qami' sacongueta,

Mateo 17:17

Nachi so Jesús 'enapeco': –¡Aicoue qami' mayi sa qau'amqajnataxañi, qataq qami' qauemaiqa! Mashi huo'oi soua na'axa'te da qami' sootaiguilo, qataq mashi huo'oi soua na'axa'te da qami' ñiualaxaueetapegueto. Ña qanaviquiicna'a da nsoq.

Mateo 16:4

Ne'ena shiÿaxauapi qauemaicpi qataq ÿalat ñi Dios, namayipi nagui iÿaxaataique da qai'ot ca n'anec mayi sa qaÿauanapega. Qalaxayi sa ishit da qoÿami', cha'ayi chaqsota som n'anec mayi huaigui co'ollaxa so Jonás mayi qoÿan. Ime, nachi jec, ca'ai somayipi.

Gálatas 5:3

Qaq ÿoqo'oyi qaltaq shi'iguelaxalec da shinapec da ca camachaqca shiÿaxaua da nañanguet da qaÿauo'o ca n'anaxat na l'oc, nachi camayi ishit da i'ot 'enauac nam damaxasoxoolec na nqataxacpi mayi chigoqo'ot so Moisés.

Hechos 28:23

Qaq ÿoqo'oyi qaÿauo'o so naloqnec na'a'q. Qaq co'ollaq ivita se'eso na'a'q, nachi ÿataqta qalota na shiÿaxauapi na nvita ca netaña so Pablo. Nachi ÿachigoxottot se'eso nte'eta, chochi ivitta'a so avit, da i'axattapeguem somayipi da l'onataxanaxac ñi Dios da ilo'ogue 'enauacna. Ÿataqta quetapegueu'a somayipi da i'amaqten naq'en so Jesús, nachi i'axattac nam nqataxacpi mayi chigoqo'ot so Moisés qataq nam l'aqtaxanaxac som l'aqtaxanaxanecpi ñi Dios.

Mateo 23:33

¡Qami' n'adaxanaqpi! ¡Qami' llalaqpi na n'adaxanaq! ¿Huá'ago' ca 'eetec da qami' ÿi't ca qanhuaxanaguiiqui da qami' qaÿasaxañalo ca nhuaxanqa' na 'itaxaloxoicpi?

1 Pedro 5:12

Qaq ana ÿide mayi shiyiñi da qami' samaxalo, chigoqchigui da ÿiyiñi ñaq'en ñi Silvano ñim ÿaqaÿa mayi ÿataqta ipe'et. Da qami' saqatalo qataq da ÿoqta 'eesa ñaq'en da qanchoxonnataguiiqui mayi qauacoñiiguet, qaq damayi nachida da ÿoqta 'eesa naq'en da lauotaxanaqtaic ñi Dios. Qaq damayi ÿataqta qoquiitelec qome.

1 Ts 2:11

Nataq'en qauaÿajñiite' qomi' co'ollaq qami' souaqta'agueta, qalaq se'enaxataqteguem ca shiÿaxaua da i'añaqchit qataq ÿanem da lamaiquiaxac ca llalec.

2 Corintios 5:20

Qaq ÿoqo'oyi nachiqomi' l'aqtaxanaxanqa so Cristo, qaq chigoqchiguilo naq'en qomi' ñi Dios da 'eeta'am da qami' nachoxodeetoiguilo. Qaq chigoqchigui so Cristo da qami' ñachoxodenaqtoiguilo, shinaqta': qanmañi' qome ñi Dios.

Hechos 20:24

Qalaxayi 'enauac namayipi qaica ca soqocha'a, ivida'a da maichi ñachaalataxac 'eeta'am ñaq'en da qaica ca naigui. Chaqdata da ñishitaique da samachiguiñi qom sematta da ñamaxasaguec qataq da sepaquejlec dam i'onataxanaxac mayi aÿim ÿami' so qadataxala' Jesús, da yaqto' sa'axat da no'on qad'axaÿaxac mayi lqouagaxanaqtaic ñi Dios.

Lucas 21:36

Qaq qami' ÿataqta qanaÿamaxachiitai' qome qataq qoquiitot qome naua na'axa'te da qanqouagaxauñiitac, yaqto' ishit da qami' ÿi't, qom ivita da yi'oq 'enauac namaxa, qataq yaqto' ishit da qanachaachiu'a qom nvi' na shiÿaxaua llalec.

Marcos 8:38

Cha'ayi ca aÿim da'aguelec qataq dam i'aqtaxanaxac, da ncaxa nam shiÿaxauapi mayi ÿalat ñi Dios qataq 'itaxaloxoicpi, nachi ne'ena shiÿaxaua llalec nataq'en ÿataqta da'aguelec camayi, qom ivita da ñi'iguelaq da nactaigui da lli'oxoyic ñi lta'a qataq na lamaxashicpi mayi qui'itta.

Hechos 20:21

Qaq 'enauac nam judiopi qataq nam sa ishit da judiopi shiitega da ca'aisalo naua n'onataxaco, nachi quegue ñi Dios, qataq i'amaqten so qadataxala' Jesucristo.

Juan 21:25

Nataq'en ÿataqta qalota co'ollaxa na laÿi i'otpi so Jesús, qaq namayipíctaxa da 'enauac da qoÿiyiñi, nachi aÿim sepeta'a da ÿoqta sa ishit qome da nalolec ana 'alhua ana nedepi mayi qoÿiyiñi. Aja', nachi 'eetec de'eda.

Hechos 20:11

Nachi so Pablo qaltaq ÿi'iguelaxashiguem. Ime, nachi ncolaxajñi aso pan, nachi deque'e. Qataq quetot da l'aqtaxanaxac, chochi ivittalec da yi'oxoñi, nachi jec.

Hechos 20:9

Qaq huo'o so nsoq, l'enaxat Eutico, somayi nso'ootañi, netaigui so nalloxoc. Qaq cha'ayi so Pablo ÿataqta qaÿoqteec da ltaxaÿaxac, nachi somayi huo'o na l'ochaxa, ivitta'a da ÿataqta lta'adaic na l'ochaxa. Nachi najñi, chigoqotchiguemec so qanayiitashiguema noÿic, nachi qaÿacoosop, cha'ayi ÿoqta ileu.

Hechos 20:2

Nachi quetaguilo 'enauaque se'esoua 'ale'u, ÿataqta qalota da l'añaqtaxanaxac da i'añaqchittac na 'amqajnataxanaxaicpi, chochi ivitta'a yi Grecia.

Hechos 15:32

Cha'ayi som Judas qataq so Silas, soomayi nataq'en l'aqtaxanaxanqa ñi Dios. Nachi soomayi i'añaqchi't qataq huaqattrega so nqaÿañicpi, ÿataqta lta'adaic da lqataxa'c.

Hechos 10:42

Nachi somayi qomi' ÿamaxalguete da sa'aqtaxanaxam 'enauac na shiÿaxauapi, da sa'axataq da ñi Dios ÿanagui somayi da nachiso so nmit qome na lasouaxashitpi nam ña nca'altauecpi qataq nam mashi ileu.

Mateo 12:34

¡Qaq qami' n'adaxanaq llalaqpi! ¿Táloxochi ishito' da no'on ca qad'aqtaqui, yi qami' qauemaiqa? Cha'ayi nam qodap, namayi nasaxauec cam ÿataqta nlaqchigui añi qadquiyaqte.

Lucas 16:28

yim netraña caua cinco ÿaqaÿa't, da yaqto' da'aqtaxanema, yaqto' caamayi sa ishit da nada nataq'en ne'ena que'ejnaqa'.

Hechos 4:36

Qaq huo'o so ÿalectauo l'enaxat José, somayi lañoqo' aca ÿaqa'ata 'alhua l'enaxat da Chipre. Somayi chigaqaigui nam ltauapi na ntaxaÿaxanaxanecpi mayi llalaqpi so Leví. Qaq soua namaxa'shi ÿauo'o da dalaxaic l'enaxat Bernabé. Qaq de'eda n'enaxat naigui da 'añaqtaxanaxaic.