Hechos 2:38 - Nuevo Testamento Toba Sur

³⁸ Nachi so Pedro 'enapego' somayipi, 'eeta': –Qomyi qaualachi' qome naua qan'onataxacolli' da qoquiigue ñi Dios, nachi qami' qanachilaxa'n, qaÿachilaxanataxana da l'enaxat so Jesucristo, yaqto' ñi Dios ÿapalaxat na qadasouaxashichi, qataq qami' ÿanema ca Espíritu Santo.

Nuevo Testamento Toba Sombrero Negro

³⁸ Pedro 'yategueta jogaa'me: —A'niyelaqaeyot joñe'me Dios, nataq'aen onolqa'tape ami auacoñiyeguet da'me nachilaĝanataĝanaĝac jo'ne en di'yoq da'me auep'iiya'a joñe'me Jesucristo, qaedi Dios yapalaĝa't jodaa'me adoecodi', qama'le nach'eda naq'aeta ami qoyanema joñe'me Dios Lepaqal jo'ne ja 'nalegue.

La'aqtaqa Ñim Lo'onatac 'Enauacna 2013

³⁸ Nache so Pedro 'enapego' somayepi, 'eeta': –Qomye qauỹaxañiỹot Ñim Lo'onatac 'Enauacna da qami' ichoxore'n qataq qavi'eguelaqaỹot da qaualaqaiguet Ñimaye qataq qauaqaita'a da qami' ñachelaxanaxaguilo da le'enaxat So Jesucristo. Yaqto' Ñim Lo'onatac 'Enauacna ỹapalaxa't naua qarasouaxashe'echilli' qataq qami' ỹanema So Saqcha'a Na'añaxac Qui'itta.

Hechos 2:38 Referans Kwoze

Hechos 22:16

Qaq ÿoqo'oyi nagui, ¿négue't cam 'au'aptapigui? Qoñishiguem qome, nachi 'am qanachilaxan, ÿataqta 'aupi'iÿa'a da l'enaxat so qadataxala', yaqto' ishit da qaÿapalaxat na 'adasouaxashitpi.”

Marcos 16:16

Qaq ca da'amqajnataxan, nachi qanachilaxan, qaq nachica qome ca qanca'alaxateec; qaq cam sa ishit da da'amqajnataxan, nachi camayi nachi 'eetai' qome da netagui da lasouaxashit.

Hechos 8:12

Qalaxayi co'ollaq qai'amaqten dam no'on qad'axaÿaxac mayi i'axattapeguem somayipi so Felipe co'ollaq i'axattac da ilo'ogue 'enauacna ñi Dios, qataq i'axattac da l'enaxat so Jesucristo, nachi huo'o na ÿallippi qataq na 'alpi na da'amqajnataxan, nachi qanachilaxan.

Lucas 24:47

Nachi de'eda l'enaxat qai'axateec qome, qai'aqtaxanoigui na ÿotta'a't shiÿaxauapi, qaq qoÿinapega 'enauac namayipi da ca'aisalo naua n'onataxaco, yaqto' naua n'onataxaco ishit da qaÿapalaxa't, qaq qaÿachigoqchiguiña qome na Jerusalén.

1 Pedro 3:21

Qaq se'eso 'etaxat nachiso so naigui da achilaxac mayi chigoqchigui da qomi' qanca'alaxatreec nagui. Qaq de'eda achilaxac, damayi sa ishit da chigoqchigui ca nÿoxoc da qad'oquiaxac, cha'ayi chaqdata da qaiÿaxanot ñi Dios da ÿan ca nvilÿaxac qui'itta. Nachi ishit da qomi' nca'alaxatreec de'eda achilaxac, chigoqchigui naq'en da 'eetec co'ollaq qaltaq qanca'alaxateeguesop da nleuaxa so Jesucristo,

Hechos 10:48

Nachi damaxasoxoolec da qanachilaxan somayipi, qaÿachilaxanataxana da l'enaxat so Jesucristo. Ime, nachi qanachoxonnot so Pedro da cada'ac huo'oi na'axa'te da hueta'aguet somayipi.

Hechos 3:19

Qaq ÿoqo'oyi qaualachi' qome naua qan'onataxacolli', nachi qavi'iguelaqÿa ñi Dios, yaqto' qaÿapalaxa't naua qadasouaxashi'chilli'. Nachi ñi qadataxala' Dios ishit da qami' ÿanema caua na'axa'te da qaulaquiitapiguiñi.

Romanos 6:3

Cha'ayi 'enauaque qomi' mayi mashi qomi' qanachilaxa'n, da yaqto' ñi'adaxau'a so Cristo Jesús, 'eeta'am da qomi' qanachilaxanguilo da l-leuaxa somayi. Qaq ¿peta'a sa ishito' da qauaÿajñi damayi?

Mateo 4:17

Huaña, nachi so Jesús cot da da'aqtaxan, 'eeta': –Qai'axañiideec qome naua qan'onataxacolli', cha'ayi mashi sa qaÿapeque da l'onataxanaxac ñi Dios mayi neta'ague da piguem da ilo'ogue 'enauacna.

Mateo 3:2

Qaq da l'aqtaxanaxac 'eeta': –Qai'axañiideec qome naua qan'onataxacolli', cha'ayi mashi sa qaÿapeque da l'onataxanaxac ñi Dios mayi neta'ague da piguem da ilo'ogue 'enauacna.

Hechos 17:30

Ñim Dios mayi sa ishit co'ollaxa da iloguilo naua n'enaxaco na shiÿaxauapi soua hua'a'u vi'iyi. Qalaxayi nagui ñimayi 'enapega na shiÿaxauapi mayi netalguete naua ÿotta'a't 'ale'u, da yaqto' ÿaxaadeec naua n'onataxaco.

Hechos 20:21

Qaq 'enauac nam judiopi qataq nam sa ishit da judiopi shiitega da ca'aisalo naua n'onataxaco, nachi quegue ñi Dios, qataq i'amaqten so qadataxala' Jesucristo.

Hechos 26:20

Ÿoqo'oyi aÿim sa'auaxaachiguiñi da sa'axatem da n'aqtac nam netaña yi Damasco. Ime, qataq jec nam netaña yi Jerusalén, qataq 'enauac nam netaña yi 'alhua Judea, qataq nataq'en nam sa ishit da judiopi. Shinapega da yaqto' ca'aisalo naua n'onataxaco, qataq ÿi'iguelaxa ñi Dios, nachi i'ot cam no'on mayi chigaqaigui da dalaxaic lataxac.

Mateo 28:19

Qaq ÿoqo'oyi nagui qanqo'oñiÿa qome na ÿotta'a't shiÿaxauapi da qauauo'oi ñallippi, qauachilaxanataxañiÿa qome da l'enaxat ñi qadta'a, qataq na llalec, qataq so Espíritu Santo.

Hechos 26:18

Aÿim 'am samaxa namayipi, da yaqto' ishit da nauaañi 'anqa'en, yaqto' sa ishit da 'ico' quetaigui na napalaxa, chaqdata da quetaigui na yi'oqchiguiñi; qataq yaqto' namayipi sa ishit da hueto'ot da l'añaxac so Satanás, chaqdata da quegue ñi Dios; qataq yaqto' aÿim i'amaqten, nachi ishit da qaÿapalaxat na lasouaxashitpi, qataq yaqto' qaÿalecneu'a da qoÿanem qome cam ÿachaxanapec ñi Dios da ÿami' nam lalamaxatpi ñimayi.”

Tito 3:5

nachi qomi' nca'alaxatreec. Qaq de'eda qomi' i'oteque, sa ishit da huo'otaq naigui ca so'otaqtac ÿaÿamaqchiguiñi. Mayi ñimayi qomi' ichoxode'n. Ÿoqo'oyi qomi' nca'alaxatreec co'ollaq saxaigui da achilaxac mayi naigui da dalaxaic qadañoxoc qataq da dalaxaic qanachaalataxac mayi chigoqchigui so Espíritu Santo.

Marcos 1:15

'Eeta': –Mashi yaqta'a ivita yi laloqo' da nvi' da l'onataxanaxac ñi Dios da ilo'ogue 'enauacna. Qaq qaualachi' qome naua qan'onataxacolli', qataq qau'amaqchiñi da n'aqtaxanaxac mayi chigaqaigui da nca'alaxa.

Hechos 16:15

Ime, nachi asomayi qanachilaxan, nataq'en 'enauac so llalaqpi. Qaq co'ollaq ime, nachi asomayi qomi' nachoxonnoto, 'eeta': –Qami' qom ÿoqta 'eesa da qauauattoñi da aÿim sa'amaqten so qadataxala', qaq no'on da qanqo'oñiÿa yi ima' da qad'ochaqa'ai. Nachi asomayi ÿataqta qomi' 'enapegalo da ñi'onaqaña so lma'.

Hechos 8:20

Nachi so Pedro 'enapego' somayi, 'eeta': –'Am qataq ana 'om qocaueegue' qome da 'am daqat, cha'ayi 'am 'aupi'itaxaatega da cam ÿan l'añaxac ñi Dios ishit da 'aushijnaxana.

Hechos 5:31

Qalaxayi ñi Dios ÿaueegue somayi da piguem, nachi ÿana'ague naq'en da aloic, qataq ÿanagui da nta'a qataq nca'alaxaqui. Cha'ayi ñimayi nshitaique da na Israel llalaqpi da ñaq ca'aisalo naua n'onataxaco, nachi qaÿapalaxat na lasouaxashitpi.

Mateo 3:6

Nachi namayipi i'axa't naua lasouaxashi'te da ÿaxaadeec, nachi so Juan nachilaxangui so tala Jordán.

Lucas 3:10

Nachi na shiÿaxauapi denataxan, 'eeta': –Qaq, ¿huá'ago' ca shinaqtec?

Hechos 10:43

Nataq'en som hua'a'u vi'iyi 'enauac co'ollaxa som l'aqtaxanaxanecpi ñi Dios i'axatta'aguet so Jesús, da ca i'amaqten somayi, nachi qaÿapalaxat na lasouaxashitpi, chigoqchigui da l'enaxat somayi.

Hechos 13:38

Qaq ÿoqo'oyi, qami' ÿaqaÿa't, iuen da qauaÿajñi da nachiso so Jesús so chigoqchigui da qaÿapalaxat na nasouaxashitpi. Qaq nachida dam qami' sa'axataqtapeguema nagui.

Efesios 1:7

Cha'ayi ÿataqta lta'adaic da lauotaxanaqtaic ñi Dios, ÿoqo'oyi qomi' nca'alaxatreec, ÿachigoxotchigui da l-leuaxa so llalec da ÿapalaxat 'enauac nam qadasouaxashitpi.