Hechos 2:30 - Nuevo Testamento Toba Sur

³⁰ Qalaxayi so David, somayi l'aqtaxanaxanec ñi Dios. Qataq somayi ÿaÿaten da ñi Dios ÿanem somayi da l'aqtac da 'enapec ipacchigui, da ca 'oonolec nam llalaqpi, camayi nachica cam nta'a qadca'alaxaqui, qataq nachica ca qoÿanagui da l'onataxanaxac somayi da nta'a.

Nuevo Testamento Toba Sombrero Negro

³⁰ Qalaĝaja David mach'e Dios 'laqataĝanaĝanec, nataq'aen yayaten da'me Dios 'naĝateguet ga'me 'laqatac jo'ne yanem queda'me 'uo qomle chiyaqaue ga'me c'oqo'tepi jo'ne nañgui jaga'me nejaliaĝaiqui.

La'aqtaqa Ñim Lo'onatac 'Enauacna 2013

³⁰ Qalaxaye so David ye la'aqtaxanaxanec Ñim Lo'onatac 'Enauacna. Nache somaye ỹaỹaten da Ñim Lo'onatac 'Enauacna ỹachaxanapecot somaye da chegoxoguet qome ca lta'a na Israel le'ecpi.

Hechos 2:30 Referans Kwoze

2 Pedro 1:21

Cha'ayi 'enauac som hua'au l'aqtaxanaxanecpi ñimayi sa ishit da huo'o ca 'oonolec da maichi nalligoxottela't ca l'aqtaxanaxac. Chaqdata da somayipi ÿataqta nañanot da quetague' ñi Dios, nachi i'axa't naua l'aqtaqa ñimayi, cha'ayi so Espíritu Santo i'aqtaxanaxan somayipi.

2 Timoteo 2:8

Sa ishito' qome da 'aucoua'ai so Jesucristo mayi chigoxoguet so nta'a David. Somayi Dios nca'aleec naq'en. Qaq 'eda da n'aqtac mayi chigaqaigui da nca'alaxa mayi sa'axattapeguec.

Romanos 1:3

Dam n'aqtac mayi i'axat da llic so qadataxala' Jesucristo som llalec ñi Dios. Qaq dam yi'oqchigui lañoxoc somayi, qalaxayi chigoxoguet so nta'a l'enaxat David.

Marcos 12:36

Qalqo' so David co'ollaq i'aqtaxanaxan so Espíritu Santo, nachi 'enapeco': Ñi qadataxala' Dios 'enapega ñi ÿataxala', 'eeta': “'Anso'oota'ague qome da aÿoic, to' qom mashi ime da sacho'oto naua 'adapia'te na 'am ipa'agueetacpi.”

Apocalipsis 19:16

Qataq somayi so lapo' qataq na ltele'ta nachi nanettalec so l'enaxat, 'eeta': Lta'a na nta'alpi qataq lataxala' na nataxala'pi.

Apocalipsis 17:14

Qaq namayipi delogui' qome so qagueta llalec. Qalaxayi somayi loxonec qome namayipi, cha'ayi somayi nachiso so lataxala' na nataxala'pi qataq lta'a na nta'alpi. Qataq na hueta'aguetpi somayi nachina nam ÿataqta qaiÿaxana qataq lca'aguishicpi ñi Dios. Qataq namayipi quetague' somayi.

Hebreos 7:21

Qaq nam laÿipi ntaxaÿaxanaxanecpi co'ollaq qoÿideuo, qalaq sa ishit da huo'otaq qoÿan ca n'aqtac da yaqto' qaipacchigui. Qalaxayi de'eda 'eetec se'eso lÿa ntaxaÿaxanaxanec, qalaq ÿataqta huo'o co'ollaxa so n'aqtac qoÿan. Cha'ayi naua l'aqtaqa ñi Dios mayi nanettrañi 'eeta': Ñi qadataxala' ÿan da l'aqtac, mayi sa ishit da nadalaxat, 'eeta': “Nachi 'eetai' qome da 'am ntaxaÿaxanaxanec da qaitaxaÿapegue' ñi Dios, qaq nachi qoneta'am da lataxac so Melquisedec.”

Hebreos 6:17

Qaq ÿoqo'oyi ñi Dios ÿan da l'aqtac da ÿataqta ipacchigui cam ÿachaxanapec, cha'ayi ñimayi nshitaique da ÿaÿajnaxanaxaata nam taÿa'a qominchiyi da ÿaconguet dam ÿachaxanapec, da ñimayi ishit da ÿataqta ipacchigui da i'ot cam ÿachaxanapec, qaq sa nadalaxat ca l'aqtac.

Hebreos 4:7

Qaq ÿoqo'oyi ñi Dios qaltaq ÿi'iguelaxalec da i'axat que'eca na'a'q, 'eeta': ne'ena na'a'q. Cha'ayi ñi Dios ÿachigoxotchigui so David da qomi' da'aqtaxanema soua ÿoxoguelo na'axa'te nam nanettrañi l'aqtaqa, mayi 'eeta': Nagui da qami' qau'aqaichiguilo naua 'ena'pe ñi Dios, qalaq sa ishit qome da qau'añaxachiiguilo naua qadquiyaqchilli'.

Hebreos 3:7

Qaq ÿoqo'oyi naua nanettrañi l'aqtaqa so Espíritu Santo 'eeta': Nagui da qami' qau'aqaichigui ca 'enapec ñi Dios,

Romanos 15:12

So Isaías nataq'en ÿiyiñi da l'aqtac ñi Dios, 'eeta': Ñaxatshiguem qome ca 'ico' lpa'a'q so Isaí, cam nachajñi da ilo'ogue qome na ÿotta'a't shiÿaxauapi; nachi namayipi ÿataqta huo'o qome da lpe'e camayi.

Hechos 1:16

–Qami' ÿaqaÿa't, ÿataqta ipacchigui co'ollaxa da l'aqtac so Espíritu Santo mayi nanettañi co'ollaq i'aqtaxanaxan so David, da i'axata'a naq'en so Judas som datalec co'ollaxa som ÿaconeu'a so Jesús da qaicoñi'.

Lucas 24:44

Qaq co'ollaq ime, nachi 'enapega somayipi, 'eeta': –De'eda souaigui, nachida dam sa'axattac co'ollaq ña qami' soota'agueta: da ipacchigui qome 'enauac na ñi'aqtaguec mayi i'axat nam nqataxacpi mayi ÿiyiñi co'olloxochiyi so Moisés qataq nam lliyigui'shi som l'aqtaxanaxanecpi ñi Dios qataq nam ñiyiguishicpi l'enaxat Salmos.

Mateo 27:35

Qaq co'ollaq mashi ime da qaiuaxaneuo somayi, nachi so huataxanaqpi nallichiguilo soua alogo so Jesús, da yaqto' naloguilo somayipi. Nachi ÿataqta ipacchigui co'ollaxa da i'axat so l'aqtaxanaxanec ñi Dios, co'ollaq 'eeta': “Nallichiguilo naua aÿogo namayipi, da yaqto' naloguilo.”

Mateo 22:43

Nachi so Jesús 'enapego' somayipi, 'eeta': –Qalaq ¿tá'ainco' qone' so David yi co'ollaq i'aqtaxanaxan so Espíritu Santo, nachi ÿamata'ac camayi da lataxala'? Cha'ayi so David 'enapeco':

Hebreos 1:1

Soua hua'a'u vi'iyi co'ollaq ñi Dios qalota da da'aqtaxanem som hua'au qadta'alpi, qalaq ÿotta'a't da 'eetec naq'en da i'aqtaxanaxan som l'aqtaxanaxanecpi.