Hechos 2:24 - Nuevo Testamento Toba Sur

²⁴ Qalaxayi ñi Dios qaltaq nca'alaxateec somayi, nca'alaxateeguesop da l'añaxac da nleuaxa, cha'ayi da nleuaxa mashi sa ishit da nllitañi somayi.

Nuevo Testamento Toba Sombrero Negro

²⁴ Qalaĝaja Dios 'niyelaĝachijeguem, yachiyoĝotaue da'me leco'yaĝac da'me leleuaĝa, qa'a da'me neleuaĝa ja yaqanatet ta'le nale'en nomat.

La'aqtaqa Ñim Lo'onatac 'Enauacna 2013

²⁴ Qalaxaye Ñim Lo'onatac 'Enauacna qaltaq nca'alaxatec Somaye, nca'alaxateeguesop da la'añaxac da nleuaxa, cha'aye da nleuaxa qaica ca la'añaxac da nllañi Somaye.

Hechos 2:24 Referans Kwoze

1 Corintios 6:14

Qaq ñim Dios mayi nca'aleec naq'en so qadataxala' co'olla qaÿalauat, ñimayi nataq'en taÿa'a da qomi' nca'aldeec naq'en, do'onataxana da maichi l'añaxac.

1 Pedro 1:21

Qaq chigoqchigui so Cristo da huo'o mshi qami' qau'amaqchiñi ñi Dios, ñim qaltaq nca'alaxateeguesop somayi da nleuaxa qataq ÿanem da lli'oxoyic, ÿoqo'oyi qami' qaupi'iÿa'ai qataq qanaquichiÿa'a ñimayi.

Colosenses 2:12

Cha'ayi co'ollaq qami' qanachilaxa'n, nachi 'eeta'am da qadÿaichiguiñi' so Cristo co'ollaq qailayiñi. Qataq co'ollaq qanca'alaxateec, nachi qaltaq qadÿaitchiguem, cha'ayi qami' ÿataqta qau'amaqchiñi da l'añaxac ñi Dios mayi nca'alaxateeguesop da nleuaxa somayi.

Hechos 2:32

Qaq ÿoqo'oyi ñi Dios qaltaq nca'aleec naq'en se'eso Jesús. Qaq de'eda 'enauac da shinaqta sauanaqchigui.

Efesios 1:20

co'ollaq nca'aleeguesop naq'en da nleuaxa so Cristo. Nachi taigue naq'en da piguem, da yaqto' nso'ongue da aloic ñimayi,

Juan 10:18

Qaica ca ishit da deuotaxanec de'eda ñachaalataxac, qalaxayi maichi aÿim chigoqchigui da san damayi. Qaq aÿim huo'o da shinec da san damayi, qataq da ñi'iguelaxajla't. Qaq 'eda dam aÿim ÿamaxalec ñi ita'a.

2 Corintios 4:14

Cha'ayi saÿajnaqta ñim Dios mayi qaltaq nca'aleec naq'en co'ollaq qaÿalauat so qadataxala' Jesús, ñimayi nataq'en qome qomi' nca'alaxatreec, 'eeta'am da 'eetec naq'en so Jesús. Ime, qaq qomi' nÿatreuo da qomi' ÿauegueu'alo ca netaña ñimayi.

Romanos 8:11

Cha'ayi da mashi qami' netanguita som n'Espíritu ñi Dios mayi nca'alaxateeguesop naq'en da nleuaxa so Cristo Jesús, qaq ñimayi nachiñi qome ñi qami' ÿanema ca dalaxaic nachaalataxac da qad'oquiaxaqui mayi taÿa'a da ileu, qalaxayi ÿachigoxotchigui qome naq'en som n'Espíritu mayi qami' netanguita.

Romanos 6:4

Cha'ayi co'ollaq qomi' qanachilaxa'n, nachi 'eeta'am da qomi' qailalyiñi da qadÿachiguiñi' so Cristo da qadeleu, yaqto' qaltaq qomi' qanca'alaxatreec, nachi sanaxañi da dalaxaic qanachaalataxac. Qanachi shinaqta'am so Cristo co'ollaq ñi qadta'a Dios nca'aleeguesop naq'en da nleuaxa, idolec da l'añaxac mayi lta'adaic da lli'oxoyic.

Hebreos 13:20

Qaq ñim Dios mayi i'ot da nlagaxayic, ñim nca'alaxateeguesop da nleuaxa so qadataxala' Jesucristo, mayi nachiso so 'oonolec lataxala' ana qagueta, souaxat soua ltago'q mayi ÿoqta 'itchiguiñi naq'en dam qanaÿamaxataxac mayi chochaq tateec,

1 Ts 1:10

Nataq'en namayipi n'aqtaxaatapigui da qami' qauachiitaique nagui da ñi'iguelaq so Jesús som llalec ñi Dios mayi nca'aleec naq'en co'ollaq mashi ileu. Somayi mayi nachiso so qomi' nca'alaxateeguesopa qome da lchiquiaxac ca nhuaxanaguec na shiÿaxauapi mayi naÿa'cna.

Romanos 10:9

Cha'ayi da 'au'axat so Jesús da nachiso so 'adataxala', qataq da 'adquiyaqteÿaxac i'amaqten da ñi Dios nca'aleeguesop naq'en somayi da nleuaxa, nachi 'am qanca'alaxateec.

Romanos 4:24

nataq'en qomi' tachiguilo. Cha'ayi souaxat da qadpi'iÿaxac, nachi ñi Dios nataq'en qomi' ÿaÿamaxadeete', qataq qomi' ÿamata'aque da qomi' no'o'n shiÿaxa'u. Cha'ayi qomi' sa'amaqtenaq ñimayi mayi ishit da nca'alaxateeguesop naq'en da nleuaxa so qadataxala' Jesús,

Hechos 17:31

Cha'ayi ñimayi mashi ÿauo'o ca 'oonolec na'a'q mayi huetoigui da nmit qome 'enauac na lasouaxashitpi na shiÿaxauapi, qaq ÿataqta ÿaqatchiguilo naua qai'o't. Qalaxayi ÿachigoxotchigui qome som 'oonolec shiÿaxaua mayi lca'aguishic. Qaq ÿoqta 'eesa da i'ot de'eda qome, ÿoqo'oyi ñimayi qaltaq nca'aleec naq'en co'ollaxa se'eso shiÿaxaua.

Hechos 13:30

Qalaxayi ñi Dios qaltaq nca'aleec naq'en somayi.

Hechos 3:15

Qaq 'eda da 'eetec da qami' qaualauachi som chigoqo'ot da achaalataxac. Qalaxayi ñi Dios qaltaq nca'alaxateec somayi, qaq 'enauac de'eda qomi' sauanaqchigui.

Gálatas 1:1

Aÿim Pablo, aÿim lamaxashic so Jesucristo. Qaq sa ishit da aÿim lamaxashic qataq da aÿim ÿideuo ca chochi shiÿaxaua, cha'ayi nachiso so Jesucristo qataq ñim lta'a Dios mayi nca'aleeguesop naq'en somayi da nleuaxa.

Hechos 3:26

Qaq ÿoqo'oyi ñi Dios co'ollaq qaltaq nca'aleec naq'en so llalec Jesús, nachi i'auaxaachiguiñi da qami' namaxalo, da yaqto' qami' ÿanema ca no'on qoyiquiaxaqui, yaqto' ñi 'oonolec da qoñiita ishit da ÿaxaneec ca sa ÿaÿamaxañi.

1 Corintios 15:15

Qaq da nachi 'eetec de'eda, nachi qomi' shinaqta'am da chochi qomi' tenataxanaxaiqa, cha'ayi sa'axataqtac da ñi Dios nca'aleec naq'en so Cristo. Cha'ayi da sa ishit da 'en da nca'aleec qanqoÿin na leuaxaicpi, nachi ñi Dios sa ishíttaxa da nca'aleec naq'en so Cristo.

Hechos 13:37

Qalaxayi dam l'oquiaxac som nca'alaxateec ñi Dios, sa ishit da nlaguiñi.

Hechos 4:10

Qaq nagui qami' sa'aqtaxanaqtema, yaqto' de'eda ÿaÿateeta 'enauac na llalaqpi so Israel, da 'eetec de'eda shiÿaxaua mayi hueta'a ne'ena nagui ÿataqta no'oita. Damayi chigoqchigui da l'enaxat so Jesucristo mayi Nazaret l'ec, som qami' qauaxañiiuo co'ollaxa, qalaxayi ñi Dios qaltaq nca'aleec naq'en somayi.

Juan 20:9

Cha'ayi soomayi saxanaxa da ÿaÿate'n ca llic naua n'aqtaqa, da so Jesús iuen da qaltaq nca'aleeguesop qanqoÿin na leuaxaicpi.

Apocalipsis 1:18

Qaq aÿim mayi nachaÿim ñica'alapeguec. Aÿim co'ollaxa seleu, qalaxayi nagui qaltaq ñica'altauec, qanachi sa lÿa da seleu. Qaq nagui aÿim hueto'ot da l'añaxac da nleuaxa qataq cam laponqa' na leuaxaicpi.

1 Corintios 15:12

Qalaxayi da qomi' sa'axataqtapeguec so Cristo da mashi sogote da Dios nca'aleeguesop naq'en da nleuaxa, qaq ¿tá'ainco' yi huo'o da qoñiita na 'eetega da sa ishit da nca'aleec qanqoÿin na leuaxaicpi?

Romanos 14:9

Cha'ayi so Cristo ileu qataq ÿi'iguelaxalec da nca'aleec, da yaqto' somayi nachiso so lataxala' nam saqcapi qataq nam ña nca'altauecpi.

Romanos 8:34

Qataq ¿négue't ca ishit da ÿauo'o ca lasouaxashit ca shiÿaxaua? ¡Qaica! Cha'ayi so Cristo nachiso so ileu, qaltaq jec da nca'aleeguesop qanqoÿin da nleuaxa. Ime, qaq nso'oota'ague da aloic ñi Dios, nachi nachoxodeetapeguelec da shinaqta.

Juan 12:39

Qaq ÿoqo'oyi nachi sa ishit da huo'o ca da'amqajnataxan. Cha'ayi so Isaías nataq'en ÿiyiñi co'ollaxa da 'eeta':

Hebreos 2:14

Ca ñalaqpi mayi 'oonolec ca qaÿachigoxoigui, camayipi 'eeta'a't da l'oquiaxac qataq naua ltago'q. Qaq nachi 'eetec nataq'en so Jesús, somayi da l'oquiaxac qataq naua ltago'q chigoqchiguilo na shiÿaxauapi, yaqto' somayi ishit da ileu, huaña, nachi nlaxajñi som hueto'ot da n'añaxac da dalaataxan, som shiÿaxaua mayi lma'na.

Mateo 27:63

Nachi qoÿiitega, qoÿiita': –'Am qadataxala', qomi' tachigui qadhuel se'eso shipecaic da l'aqtac co'olla ña nca'altauec, qalaq 'eetega da mashi inoxoodeec caua tres na'axa'te nachi qaltaq nca'aleeguesop da nleuaxa.

Juan 10:35

Qaq qomi' saÿajnaq da naua nanettrañi l'aqtaqa ñi Dios naamayi sa ishit da qaÿoqolgue't, qataq da ñi Dios ÿamata'ac da diospi som shiÿaxauapi mayi ÿaconguet da l'aqtac.

Hechos 1:16

–Qami' ÿaqaÿa't, ÿataqta ipacchigui co'ollaxa da l'aqtac so Espíritu Santo mayi nanettañi co'ollaq i'aqtaxanaxan so David, da i'axata'a naq'en so Judas som datalec co'ollaxa som ÿaconeu'a so Jesús da qaicoñi'.

Hechos 5:30

Ñim nDios so hua'au qadta'alpi, ñimayi qaltaq nca'alaxateec co'ollaxa so Jesús, som qami' qaualauachi co'ollaxa, nachi qauaxañiiguet so npe'enaxaqui.

1 Corintios 15:4

Nataq'en qami' sapaxaguenque da so Cristo qailayiñi, qaq co'olla inoxoodeec soua tres na'axa'te, nachi qaltaq nca'aleec qanqoÿin. Qaq damayi ipacchigui da 'enapec naua ñiyigui'shi l'aqtaqa ñi Dios.

1 Corintios 15:20

Qalaxayi ÿoqta 'eesa da so Cristo sogote da Dios nca'aleeguesop naq'en da nleuaxa. Somayi nachiso so l'auaxanec na leuaxaicpi da qanca'alaxateec nam taÿa'a da nataq'en qanca'alaxateec.