Hechos 2:22 - Nuevo Testamento Toba Sur

²² Qaq ÿoqo'oyi qami' Israel llalaqpi, qan'axaÿaxañiÿa da i'aqtac, 'eeta': So Jesús mayi Nazaret l'ec, somayi ÿataqta qaÿaÿateeta da 'eesa lamaxashic ñi Dios. Qaq qami' qauauañiichigui co'ollaq somayi i'ot nam i'ot na n'aalaxa qataq nam sa qaÿauanapega qataq nam n'anecpi mayi qami' huanguilo da i'ot naq'en somayi ñi Dios. Qaq qami' mashi sogote da qauaÿajñiita damayi.

Nuevo Testamento Toba Sombrero Negro

²² “Chane'eja, ami jo'ne israelpi, yataqachiñe anaquiaĝañiya da'me ami ja'aĝatema: queda'me joote auayachiñe jo'ne Dios ami yaloĝonalo ca'li da'me lañoqotaĝanaĝac ñe'me Jesús jo'ne Nazaret le'ec, nach'eñe en na'yalo da'me yaloĝo'n gaa'me p'ajodaye li'yoĝodico, gaa'me lañoqotaĝanaĝaco nataq'aen 'nanaqa jo'ne yauo'oe.

La'aqtaqa Ñim Lo'onatac 'Enauacna 2013

²² Qaq ỹoqo'oye qami' Israel le'ecpi, qana'axaỹaxañiỹa da ỹa'aqtac, 'eeta': So Jesús maye Nazaret le'ec, Somaye ỹataqta qaỹaỹateeta da 'eesa lamaxashec Ñim Lo'onatac 'Enauacna. Qaq qami' qauauañiichigui co'ollaq Somaye ỹo'ot nam ỹo'ot da na'aalaxa qataq nam sa qaỹauanapega qataq nam na'anecpi maye qami' huanguilo da ỹo'ot naqa'en Somaye Ñim Lo'onatac 'Enauacna. Qaq qami' mashe sogote da qauaỹaañita damaye.

Hechos 2:22 Referans Kwoze

Juan 3:2

Se'eso Nicodemo huo'o so pe nachi somayi nqo'ona so Jesús. Nachi 'enapega, 'eeta': –'Am mayi 'auapaxaguenataxaatac, qomi' saÿajnaq da 'am namaq ñi Dios da qomi' 'auapaxague'n. Cha'ayi qaica ca ishit da i'ot na 'au'ottac n'anecpi mayi ÿachaxan da 'ad'añaxac. Chaqcata cam hueta'aguet ñi Dios.

Hechos 4:10

Qaq nagui qami' sa'aqtaxanaqtema, yaqto' de'eda ÿaÿateeta 'enauac na llalaqpi so Israel, da 'eetec de'eda shiÿaxaua mayi hueta'a ne'ena nagui ÿataqta no'oita. Damayi chigoqchigui da l'enaxat so Jesucristo mayi Nazaret l'ec, som qami' qauaxañiiuo co'ollaxa, qalaxayi ñi Dios qaltaq nca'aleec naq'en somayi.

Lucas 11:20

Qalaxayi nachida da l'añaxac ñi Dios da so'otaxaatega da so'odauec na n'ecpi, qaq damayi naigui da mashi qami' nvitalo da l'onataxanaxac ñi Dios da ilo'ogue 'enauacna.

Mateo 12:28

Qalaxayi aÿim chigoqchigui da l'añaxac so n'Espíritu ñi Dios da so'odauec na n'ec leguemaxaicpi. Qaq damayi naigui da mashi qami' nvitalo da l'onataxanaxac ñi Dios da ilo'ogue 'enauacna.

Mateo 9:8

Nachi na shiÿaxauapi co'ollaq ÿauaachigui de'eda, nachi ÿataqta huo'o da lcolanaxa. Nachi ÿi'oxodeetac ñi Dios, souaxat da ñimayi ÿanem de'eda n'añaxac na shiÿaxauapi.

Hebreos 2:4

Ñi Dios nataq'en ÿataqta 'itchiguiñi de'eda n'aqtaxanaxac. Ÿoqo'oyi ÿauo'oi naua l'anqa, qataq nam i'ot da n'aalaxa, qataq qalota nam i'ot nam sa qaÿauanapigui, qataq chigoqchigui naq'en so Espíritu Santo da ñimayi ÿotta'a't naq'en da 'eetec da qomi' ÿanema, qaq ipacchigui da maichi 'eetapeguec.

2 Corintios 12:12

Cha'ayi da ñiualaxaunaxac co'ollaq qami' sootapegueto, qataq nam n'anecpi, qataq nam sa qaÿauanapigui, qataq nam i'ot da n'aalaxa, nachina na ichoxot da ÿoqta 'eesa da aÿim lamaxashic so Jesús.

Hechos 26:26

Qaq 'iñi ñi nta'a Agripa qomi' ÿalectaiguilo, ñimayi ÿataqta ÿaÿateeta de'eda. Qaq ÿoqo'oyi aÿim sa ishit da ñiteltapiguiñi da aÿim hua'aqtega ñimayi da sa'aqtaxaatac, cha'ayi saÿaten da ñimayi nataq'en ÿaÿateeta 'enauac de'eda. Cha'ayi damayi sa ishit da huo'otaq ÿapogoñi ca lataxac; damayi ÿataqta ÿaateec.

Hechos 26:9

Aÿim co'ollaxa ÿataqta qalota nam qauem iuennataxacpi mayi huotaique da so'otec dam l'enaxat som Jesús mayi Nazaret l'ec.

Hechos 24:5

Cha'ayi qomi' ÿataqta selaqlec ñi'iñi shiÿaxaua da ÿataqta sa dalemaqtaxan, qataq 'enauaque naua lÿa't 'ale'u i'otec da nÿodacachi naq'en na judiopi, qataq nachiñi ñim lataxala' nam lataxanatacpi so qaÿamata'ac Nazaret l'ec.

Hechos 22:8

Nachi aÿim senataxaatac, shiita': “'Am ÿataxala', ¿négue't 'am?” Nachi somayi aÿim 'enapega, 'eeta': “Qomyi nachaÿim Jesús mayi aÿim Nazaret l'ec, nachaÿim mayi aÿim 'aucaatac.”

Hechos 21:28

Nachi qai'alaqtalec somayi, qoÿiita': –¡Qami' Israel l'ecpi, ña qomi' qautauañi'! 'Ena nam shiÿaxaua mayi ÿataqta nmatte' 'enauaque naua 'ale'u da ÿapaxagueetapeguec na shiÿaxauapi, da yaqto' npa'aguene' na qadhuo' l'ecpi, qataq na nqataxacpi mayi chigoqo'ot so Moisés, qataq anam qad'onaxanaxaqui. Qaq namayi nagui qataq huenoxonoigui naq'en ana qad'onaxanaxaqui naua griego lashi', qaq ÿataqta ishipaxanaqchi't ne'ena n'onaxanqa' mayi qui'itta.

Hechos 14:27

Nachi co'ollaq ivildeu'a yi Antioquía, nachi soomayi lapona't na 'amqajnataxanaxaicpi. Nachi i'axattrapeguem namayipi 'enauac nam i'oteque soomayi ñi Dios qataq da 'eetec so qadataxala' da ÿauateu'a da lpi'iÿaxac nam sa ishit da judiopi, da yaqto' ishit da da'amqajnataxan.

Hechos 13:16

Nachi so Pablo nachajñi, nachi ÿauota'a na lhuaq da 'enapega na shiÿaxauapi da de'enaxaatai'. Nachi 'enapeco': –Aÿim qan'axaÿaxañiÿa, qami' Israel l'ecpi nataq'en qami' mayi qayi'iÿai ñi Dios.

Hechos 6:14

Qomi' sa'axasoqchigui de'eda shiÿaxaua da i'axattac so Jesús mayi Nazaret l'ec, da 'enaco' yi nlaxajñi añi qui'itta qad'onaxanaxaqui qataq nadalaxat nam qan'onataxacpi mayi chigoqo'ot co'ollaxa so Moisés.

Hechos 5:35

Qaq co'ollaq ime, nachi 'enapego' so nta'alpi, 'eeta': –Qami' Israel l'ecpi, maxatchaxa qome da qadvichiÿalguete de'edaua shiÿaxa'u da huo'o ca qau'ochiique.

Hechos 3:12

Nachi so Pedro co'ollaq ila'a de'eda nqochoxo, nachi 'enapego' so shiÿaxauapi, 'eeta': –Qami' Israel l'ecpi, ¿chaq tá'ainco' yi ÿapacteec da qadqochoqoi? ¿Tá'ainco' da qomi' qauloito'oto, chaqno' da huo'otaq nachiqomi' da maichi ñatadenaq de'eda shiÿaxaua, huo'otaq da maichi qad'añaxac huo'otaq ca qad'amqajnataxanaxac ñi Dios ca sedoxolec damayi da yaqto' iqueuoÿapigui'?

Juan 19:19

Nachi so Pilato damaxasoxoolec da qoÿanagui na pa'ashiguem so qo'ipaq so nedec mayi 'eeta': “Jesús Nazaret l'ec, mayi lta'a na judiopi.”

Juan 15:24

Qaq namayipíctaxa sa ishit da huo'o ca lasouaxashit, da sa ishit da huangui ñaq'en namayipi da so'ot nam sa ishit da huo'o ca ÿañoxot da i'ot; qaq namayipi sogote da ÿauaachigui ne'ena so'otpi, qalaxayi ñaqaiyita sa ÿaqalan da aÿim nquiÿa, nataq'en ñi ita'a.

Juan 12:17

Nachi na shiÿaxauapi mayi hueta'aguet so Jesús, co'ollaq iÿaxaneu'a so Lázaro, co'ollaq huetaigui aso huachiqui da nca'aleec naq'en, namayipi i'axattac dam lauanaqchic.

Juan 11:47

Nachi nam fariseopi qataq nam lataxala'pi na ntaxaÿaxanaxanecpi da qaitaxaÿapegue' ñi Dios, namayipi i'ot so laponaxac, huaxaiguet na loicnatac na lataxaguesat da detaxaÿapega't. Nachi somayipi 'enapeco': –¿Huá'ague ca shinaqtec? Cha'ayi se'eso shiÿaxaua ÿataqta qalota na i'ot n'anecpi mayi sa qaÿauanapega.

Juan 10:37

Da huo'otaq sa ishit da so'ot dam l'onataxanaxac ñi Dios, nachi sa ishíttaxa da aÿim qau'amaqchiñi.

Juan 9:33

Qaq se'eso shiÿaxaua da huo'otaq saq chigoqtot ñi Dios, nachi sa ishíttaxa da huo'o ca i'ot.

Juan 7:31

Qalaxayi ÿataqta qalota na i'amaqten somayi. Nachi namayipi 'eeta': –Qom ivita da nvi' ca nta'a nca'alaxaqui, qaq ¿peta'a ÿacteec na i'ot n'anecpi mayi sa qaÿauanapega da napacalec dam da' shiÿaxaua?

Juan 6:27

Sa ishit qome da qau'onataxañiitapeguelec cam nallic mayi taÿa'a da imeuo, chaqcata cam nallic mayi sa ishit da imeuo, qataq chigaqaigui ca nca'alaxa mayi chochaq tateec. Qaq 'eca cam nallic mayi qami' ÿanema qome na shiÿaxaua llalec. Cha'ayi ñi lta'a Dios nachina na ÿicchigui da ÿaÿamaxadeeta.

Juan 6:14

Nachi som shiÿaxauapi mayi ÿauaachigui de'eda n'anec mayi sa qaÿauanapega mayi i'ot so Jesús, nachi somayipi 'enapeco': –Ÿoqta 'eesa da nachida damayi dam l'aqtaxanaxanec ñi Dios mayi qai'axatta'aguet co'ollaxa da naÿa'a ana 'alhua.

Juan 5:36

Qalaxayi aÿim huo'o da ñi'aqtaguec mayi ÿataqta napacalec da l'aqtaxanaxac so Juan. Cha'ayi nam so'otpi, nachina na aÿim ÿamaxalecpi ñi ita'a. Qaq nachina na ÿoqta ichoxot da 'eesa da aÿim namaq ñimayi.

Juan 4:48

Nachi so Jesús 'enapega somayi, 'eeta': –Qami' sa ishíttaxa da qau'amqajnataxañi da huo'otaq saxanaxa da qauauañiichigui na n'anecpi qataq nam sa qaÿauanapigui.

Juan 1:45

Nachi so Felipe jec da nmitaique so Natanael. Nachi da'aqtaxanem, 'eeta': –Qomi' mashi ñauanaxai' ñim shiÿaxaua mayi ÿiyiñi co'ollaxa so Moisés naua lqataxaco mayi nanettrañi ana lede, ñim nataq'en ÿiyiñi co'ollaxa so l'aqtaxanaxanecpi ñi Dios. Ñimayi nachiñi ñi Jesús, ñim llalec so José mayi lma' yi pueblo Nazaret.

Lucas 24:18

Nachi so 'oonolec soomayi, l'enaxat Cleofás, ÿasat, 'eeta': –'Enauac nam shiÿaxauapi mayi hueta'a na Jerusalén qaica ca sa ÿaÿaten da qanayiuaigui se'esoua na'axa'te. Qaq ¿chaq 'amto' da qonetaña yimayi da sa 'auaÿaten de'eda?

Mateo 2:23

Qaq co'ollaq mashi ivita yimayi, nachi nqo'ona da naña yi pueblo Nazaret. Qaq 'eetec de'eda, da yaqto' ÿataqta ipacchiguilo naua l'aqtaxanaxaco so l'aqtaxanaxanecpi ñi Dios co'ollaq i'axat da so Jesús qoÿiitega da Nazaret l'ec.

Hechos 2:19

Qataq sacho'ot na piguem da sachaxan ca ishit da i'ot da n'aalaxa, qaq ana 'alhua sauo'o na n'anecpi: ntago'q, nodec, nchaxa lta'adaic.

Hechos 2:43

Qaq 'enauac na shiÿaxauapi ÿataqta huo'o da l'aalaxa, cha'ayi soua namaxa'shi qalota na i'o't n'anecpi qataq nam sa qaÿauanapega.

Hechos 3:6

Qalaxayi so Pedro 'enapego' somayi, 'eeta': –Aÿim qaca aca aÿom plata, huo'otaq oro. Qalaxayi da aÿim hueto'ot 'am sanem, 'eeta': 'Am sedolec da l'enaxat so Jesucristo mayi Nazaret l'ec da 'am shinapega da qoñishiguem, nachi 'auqueuoÿapigui'.

Lucas 18:37

Nachi qai'aqtaxanem somayi da Jesús, Nazaret l'ec, som nlectelec yim hueta'a somayi.