Hechos 2:17 - Nuevo Testamento Toba Sur

¹⁷ Ñi Dios 'enapec: Caua pa'atreec na'axa'te, nachi aÿim ñanacot ñi'Espíritu Santo da sanem 'enauac na shiÿaxauapi; nachi na ñalaqpi qataq na ñalpi, namayipi qome i'axa't naua i'aqtaqa, na nsoxotpi huo'oi naua lauanaqchico chigoqo'oto ñi Dios, qataq na ÿi'axaiquipi huo'oi naua lchoxonaxaco.

Nuevo Testamento Toba Sombrero Negro

¹⁷ «Ñe'me Dios 'yaĝatetac gaa'me uo'oe qomle, Gaa'me noloqo'ote jo'ne p'atedegue: Jeyala'aque ñe'me Yepaqal ena'uaque ga'me jiyaĝadipi; Qama'le jogaa'me ac'oqo'tolqa Nataq'aen ac'oqoteldi' 'yaĝa'tape qomle Daa'me mach'e 'yaqataĝanaĝaco, Nataq'aen ga'me joĝodipi 'uo da'me lauanaĝanaĝa'j Nataq'aen joga'me 'yaĝaicachidipi male uo'oe qomle Daa'me lichoĝonaĝaco.

La'aqtaqa Ñim Lo'onatac 'Enauacna 2013

¹⁷ Ñim Lo'onatac 'Enauacna 'enapec: Caua pa'atre'c na'axa'te, nache Aỹem ñanacot Ñim Saqcha'a Ỹa'añaxac da sanem 'enauac na shiỹaxauapi; nache na ỹalleppi qataq na 'alpi, ỹa'axa't qome naua ỹa'aqtaqa, qaq na nsoxoppi huo'oi naua lauanaqcheco chegoqo'oto Ñim Lo'onatac 'Enauacna, qataq na ỹa'axaiquipi huo'oi naua lchoxonaxaco.

Hechos 2:17 Referans Kwoze

Hechos 10:45

Nachi som 'amqajnataxanaxaiqa judío lashi' mayi nnaictagueto so Pedro, soomayi ÿataqta huo'o da l'aalaqa' da so Espíritu Santo nataq'en ishit da qoÿanem nam sa ishit da judío l'ecpi.

Juan 7:39

Qaq de'eda 'enapec so Jesús, damayi naigui da ca i'amaqten somayi, nachi camayi ÿaconguet so Espíritu Santo. Cha'ayi so Espíritu Santo saxanaxa co'ollaxa da anac, cha'ayi so Jesús saxanaxa da ivita ca laloqo' da lli'oxoyic.

Hebreos 1:2

Qaq ne'enaua pa'atreec na'axa'te, qalaq ñimayi ÿachigoxotchigui so llalec da qomi' da'aqtaxanema. Ñi Dios ÿachigoxotchigui co'ollaxa se'eso llalec da i'ot 'enauacna, qataq nachiso so ipataxalec da ilo'ogue 'enauac namayipi.

1 Corintios 12:28

Qaq 'eda da 'eetec ñi Dios co'ollaq huo'o na ÿaconeu'a na 'amqajnataxanaxaicpi da ÿanagui da l'onataxanaxac. Ÿamataxaachiguiñi da ÿideuo na lamaxashicpi naq'en so Jesús. Ime, qataq jec na i'axat da l'aqtac ñi Dios. Ime, qataq jec na dapaxaguenataxanapecpi. Ime, qataq jec na i'ot na n'añaxacpi mayi sa qaÿauanapega. Ime, qataq jec na ishit da nataden na dalolaxaic, qataq na itaunec da lhuenaxanaxa ca lÿa, qataq na ishit da nataxala'. Ime, qataq huo'o na ÿanem da ishit da detaxaiguilo naua n'aqtaqa sa qaÿauangalo.

Lucas 3:6

yaqto' 'enauac na shiÿaxauapi ila'a da nca'alaxa mayi ÿan ñi Dios.”

Hechos 21:9

Qaq se'eso Felipe huo'oi soua cuatro llale. Soomayi saxanaxa da huado'n, qaq soomayi l'aqtaxanaxanal ñi Dios.

2 Pedro 3:3

Qataq qami' qauennachiÿa'a qome de'eda 'eeta': Caua pa'atreec na'axa'te, nachi huo'o qome ca shiÿaxauapi ÿataqta ÿi'inai' da qad'amqajnataxanaxaqui. Camayipi quetaiguilo naua n'onataxaco mayi qauema.

1 Corintios 12:10

Qataq huo'o na ÿanem da ishit da i'ot na n'añaxacpi mayi sa qaÿauanapega, qataq huo'o na ÿanem da i'axa't naua l'aqtaqa ñimayi. Qataq huo'o na ÿanem da ishit da ÿauatton nam saq cha'api da huo'otaq chochi tenataxanaxaic, huo'otaq nachiso so Espíritu Santo. Qataq huo'o na ÿanem da detaxaiguilo naua n'aqtaqa sa qaÿauangalo. Qataq huo'o na ÿanem da ÿaÿaten da i'axat ca naigui ne'enaua n'aqtaqa.

Romanos 5:5

Qaq de'eda qanaquitaxac i'ot da sa ishit da ñi'aloxonaqtac. Cha'ayi da lsoxoyic ñi Dios sogote da qaicoyinguita naua qadquiyaqte, chigoqchigui naq'en so n'Espíritu Santo mayi qomi' ÿanema.

Juan 17:2

Cha'ayi 'am 'ai'anem co'ollaxa da l'añaxac na 'ai'alec, da yaqto' ilo'ogue 'enauac na shiÿaxauapi, qataq da yaqto' ÿanem da lca'alaxa mayi chochaq tateec 'enauac nam 'ai'anempi namayi.

Santiago 5:3

Ana qodomi oro qataq ana plata mashi ÿataqta decochi. Qaq ne'ena lcochaxa nachina na i'axat qome da qadasouaxashichi, qataq nachina na nlaxajñi da qadapachiyaxaqui, 'en'am ca nodec. Qami' qalapoñiitashiguem da qadsallaqai naua pa'atreec na'axa'te mayi souaqtaiguilo.

Hechos 11:28

Qaq huo'o so 'oonolec soomayi, l'enaxat Agabo. Somayi nachajñi co'ollaq huetaigui so nqaÿañicpi, nachi so Espíritu Santo i'aqtaxanaxanec somayi da huo'o qome ca lta'adaic nqouaxa ana 'alhua. Qaq de'eda l'aqtaxanaxac ipacchigui, huetoigui so na'a'q co'ollaq lta'a na nta'alpi so l'enaxat Claudio.

Hechos 2:16

Cha'ayi de'eda qauauañiichigui nagui, damayi nachida dam i'axata'aguet co'ollaxa so l'aqtaxanaxanec ñi Dios, l'enaxat Joel, co'ollaq i'axat da 'eeta':

Hechos 2:18

Que'ecaua na'axa'te nachi aÿim ñanacot qome ñi'Espíritu Santo, nachi sanem na ilatacpi qataq ana ilatapi, huaña qome, nachi i'axa't naua i'aqtaqa.

Hechos 2:33

Qaq ÿoqo'oyi somayi ñi Dios ÿacoosop da ÿaueegue da piguem, idolec na lhuaq aloic. Huaña, nachi somayi ÿaconguet so Espíritu Santo mayi ÿachaxanapeguem co'ollaxa ñi lta'a da ÿanem. Qaq 'enauac de'eda qauauañiichigui qataq qau'aqaichigui, damayi chigoqo'ot somayi.

Hechos 11:27

Qaq se'esoua na'axa'te huo'oi soua Dios l'aqtaxanaxanqa chigoqdaña yi Jerusalén da nqo'ooda yi Antioquía.