Hechos 19:33 - Nuevo Testamento Toba Sur

³³ Qalaxayi huo'o na ÿalectauopi na da'aqtaxanem da 'eetec de'eda naponaxac so Alejandro, nachi nam judiopi ÿamaqhuo somayi da yaqto' dataÿa'aguet 'enauac somayipi. Nachi somayi ÿachaxaashiguem na lhuaq, da yaqto' ÿi'imaqtom naq'en na shiÿaxauapi, nachi nshitaique da da'aqtaxanem namayipi da na judiopi sa ishit da lasouaxashit de'eda.

Nuevo Testamento Toba Sombrero Negro

³³ Qalaĝaja uo'oe gaa'me 'me 'yaĝadetem da'me eeta da'me nemaĝac ñe'me Alejandro, qama'le naqaeñe qoyamaqauo qaedi dajoya'agueta yema ga'me jiyaĝadipi. Qanach'e ñe'me yajeguem na'me louaq da'me qaedi 'nemaĝadiñe q'ae'n ga'me jiyaĝadipi, qama'le jetaque 'yaĝate'tape ga'me judiopi da'me ja lajouaĝaje't da'me dojo'.

La'aqtaqa Ñim Lo'onatac 'Enauacna 2013

³³ Qalaxaye huo'o na ỹalectauopi na da'aqtaxanem da 'eetec de'era so Alejandro, nache nam judiopi ỹamaqauo somaye da yaqto' dataỹa'aguet 'enauac somayepi. Nache somaye ỹachaxaasheguem na lhuaq, da yaqto' ỹe'emaqtom naqa'en na shiỹaxauapi, nache nshetaique da da'aqtaxanem namayepi da na judiopi saishet da lasouaxashet de'era.

Hechos 19:33 Referans Kwoze

Hechos 12:17

Qalaxayi somayi ÿauota'a na lhuaq da nhuogaxa somayipi da de'enaxaatai'. Ime, nachi i'axat da 'eetec ñi qadataxala' da nqateeguesop somayi añi ncoñitaxanaxaqui. Ime, nachi 'enapego' somayipi, 'eeta': –Qau'axachiim qome 'enauac de'eda ca Santiago qataq 'enauac na qadqaÿañicpi. Ime, nachi somayi jec da taÿa ca lÿa 'alhua.

2 Timoteo 4:14

So lcat l'o, l'enaxat Alejandro, ÿataqta saqalota na aÿim i'otec qauem. Qaq so qadataxala' ishiitenguet qome 'enauac na i'otpi.

1 Timoteo 1:20

Qanachi 'eetec da huaiguilo soua Himeneo nataq'en so Alejandro. Ÿoqo'oyi soomayi sangueta so Satanás, yaqto' sa ishit da nachi 'eetra'ac da quetralec da sa iyacna'pe ñi Dios.

Filipenses 1:7

Qaq damayi sela'a da nachi lataxac da aÿim seuennatapega 'enauac da qoñiita, cha'ayi aÿim ÿataqta qami' sauoteque, qataq cha'ayi qanhuañiÿau'a da lqouagaxanaqtaic ñi Dios, nai'ctaxa da huo'otaq aÿim qaicoñittai', huo'otaq da aÿim ñachaateu'a na nta'alpi da setaqlec da n'aqtac mayi chigaqaigui da nca'alaxa, da sa'axat da ÿataqta 'eesa damayi.

Hechos 24:10

Nachi so nta'a ÿauota'a l'anec da 'enapega so Pablo, da yaqto' detaqa. Nachi so Pablo 'enapeco': –Aÿim ÿataqta saÿamaxadeeta da sauo'o ca itaxaÿaxac, da yaqto' aÿim 'au'aqchigui, cha'ayi aÿim saÿaten da 'am mayi nachi'am 'au'ot na lataxaguesat da huo'o ca camachaqca nam qadhuo' l'ecpi, qaq de'eda 'ad'onataxanaxac, damayi mashi huo'oi soua vi'iyi.

Hechos 21:40

Nachi so huataxanaq lta'a ÿashiitem so Pablo da detaqa. Nachi somayi nachajñi cam ñiguishiguem, nachi ÿachaxaashiguem na lhuaq da 'enapega na shiÿaxauapi da de'enaxaatai'. Qaq co'ollaq mashi ntochiguiñi, nachi somayi detaqa, huota'aisalo naua l'aqtaqa na judiopi. Nachi 'eeta':

Hechos 13:16

Nachi so Pablo nachajñi, nachi ÿauota'a na lhuaq da 'enapega na shiÿaxauapi da de'enaxaatai'. Nachi 'enapeco': –Aÿim qan'axaÿaxañiÿa, qami' Israel l'ecpi nataq'en qami' mayi qayi'iÿai ñi Dios.

Lucas 1:22

Qaq co'ollaq nnoxoneec so Zacarías, nachi sa ishit da detaqa. Huaña, nachi qaÿaÿaten da somayi huo'o ca lauanaqtaguishic na pa'auo aso n'onaxanaxaqui. Nachi somayi da'aqtaxanem somayipi, qalaxayi huota'ai naua llaxaatal, cha'ayi qaicaua naua l'aqtaqa.

Hechos 19:34

Qalaxayi co'ollaq qaÿauatton somayi da judío l'ec, nachi somayipi qaltaq i'alqagui, ivi' dos horas da i'alaqtac, 'eeta': –¡Ÿataqta lta'adaic da lli'oxoyic añi Artemisa mayi late'e na netaña na Éfeso!