Hechos 19:26 - Nuevo Testamento Toba Sur

²⁶ Qalaxayi qami' mashi qauauañiichigui, qataq qau'aqaichigui da se'eso Pablo somayi 'eetega da na nqolacpi mayi maichi l'onatac na shiÿaxauapi, namayipi sa ishit da ÿoqta 'en da deca'alaqtaxan. Qaq somayi ÿataqta qalota na ÿañoxot da i'amaqten dam 'eetega, qaq sa ishit da chaqnata na Éfeso, nataq'en 'enauaque naua 'ale'u na Asia.

Nuevo Testamento Toba Sombrero Negro

²⁶ Qalaĝaja queda'me joote auañiya nataq'aen auomachiiya, ñejo' jo'ne Pablo male 'yaĝate'tape gaa'me qop'iyapegalo jo'ne ch'e jiyaĝaua 'lonataqa, da'me ja eja ta'le naqaegaua qop'iya'alo. Qama'le naq'aeta da'me yaqanatet ta'le nejeuoĝochidiñe ga'me jiyaĝadipi, ja nach'enata jena'me jenjo' Éfeso dite da'me yamta'le yema jena'me aleua jo'ne Asia.

La'aqtaqa Ñim Lo'onatac 'Enauacna 2013

²⁶ Qalaxaye qami' mashe qauauañiichigui, qataq qaua'aqaichigui da se'eso Pablo, somaye 'eetega da na ne'enaqtacpi maye qanatameetacotpi maye maiche qaro'onatac, namayepi saishet da ỹoqta 'en da deca'alaqtaxan. Qaq somaye ỹataqta qalota na ỹañoxot da ỹa'amaqten dam 'eetega, qaq saishet da chaqnata na Éfeso, nataqa'en 'enauaque naua 'aleu' na 'alhua Asia.

Hechos 19:26 Referans Kwoze

1 Corintios 8:4

Ÿoqo'oyi ca nallic mayi qanatameelec da qoÿanot ca nqolac, saÿajnaq da na nqolacpi mayi huetalecna ÿataqta qaica ca 'enec, cha'ayi 'oonolec ñi Dios, qaica ca lÿa.

Hechos 17:29

Ÿoqo'oyi nagui da ÿoqta 'en da qomi' llalaqpi ñi Dios, nachi sa ishit qome da ñi Dios 'eeta'am ñaq'enaq ca chochi n'enaqtac mayi chigaqaigui na oro, huo'otaq na plata qataq na coma', mayi maichi l'onatac ca shiÿaxaua ÿachigoxochigui ca maichi lhuennataxac.

Apocalipsis 9:20

Qalaxayi nam n'onañi shiÿaxauapi mayi sa ishit da ileema se'esoua napaxaco ñaqaiyita sa ishit da ÿaxaayiñi naua qauema mayi i'otta'pe. Qataq sa ishit da ÿaxaañi da natameetacot nam saq cha'api qauemaicpi, qataq nam nqolacpi mayi chigaqaigui qanqoÿin na oro, plata, bronce, coma', qataq na qo'ipaq mayi sa ishit da demejnaxan, qataq sa ishit da hua'aqa, qataq sa ishit da queuoÿapigui'.

Hechos 19:10

Qaq 'eda da 'eetec, chochi ividaxattrauec soua dos vi'iyi. Nachi ÿataqta 'enauac na netaña yi 'alhua l'enaxat Asia, judiopi qataq nam sa ishit da judiopi, n'axaÿaxaatega da n'aqtaguec so qadataxala' Jesús.

Hechos 14:15

–¡Qami' ÿallippi! ¿Tá'ainco' yi nachi qoñiitec de'eda? Qomi' nachi qami' shinaqta'ama, chochi qomi' shiÿaxa'u. Qalaxayi nachida da huo'o mshi ñanaguenaq da qami' shinaqpegalo da qai'axañiiuec na chochina qaica ca naigui, nachi qoquiigue ñi Dios mayi nca'altauec, ñim l'onatac na piguem, 'alhua, auaxai qataq 'enauac na huetalecna.

1 Ts 1:9

Cha'ayi namayipi maichi n'aqtaxaatapigui da 'eetec so hua'auchiguiñi qoyiquiaxac co'ollaq qami' souaqta'agueta. Nataq'en n'aqtaxaatapigui da qadsoxosoxonaxaqui co'ollaq qomi' qauacoñiigueta, qataq da 'eetec co'ollaq qoquiÿa'ai nam nqolacpi da qoquiigue da qau'onataxañiÿot ñim Dios mayi nca'altauec qataq sa ishit da chochi n'enaqtaguetto.

Gálatas 4:8

Qami' co'ollaq saxanaxa da qauauattoñi ñi Dios, qalaq qami' lcoñitagui'shi nam saq cha'api qanatameetacotpi mayi saq 'en.

1 Corintios 12:2

Qami' qauaÿajñiita da co'ollaq saxanaxa da qau'amqajnataxañi, qaq qami' qaisomaxaata'pe da qoquiitague' na nqolacpi mayi qaicaua caua l'aqtaqa.

Hechos 18:19

Qaq co'ollaq ivitra yi la ciudad Éfeso, nachi so Pablo n'onaxatañi aso Priscila qataq so lhua Áquila, nachi tau'a aso laponaxaqui na judiopi, nachi da'aqtaxaatapeguem 'enauac so lapoota'a't judiopi.

Hechos 19:1

Qaq so Apolo co'ollaq ñaq hueta'a yi Corinto, nachi so Pablo quetaguilo naua 'ale'u mayi saqaÿoqotchiguemque, chochi nvitta'a yi Éfeso. Nachi huaña, qaq huo'o so ilalecpi 'amqajnataxanaxaicpi.

Hechos 19:25

Nachi somayi laÿona't so l'onataxanaxanecpi, qataq 'enauac nam 'eeta'am da l'onataxanaxac somayi. Nachi 'enapego', 'eeta': –Qami' ÿallippi, qami' qauaÿajñi da de'eda qad'onataxanaxac, damayi nachida da saÿamaxasoqtapigui.