Hechos 19:23 - Nuevo Testamento Toba Sur

²³ Qaq se'esoua na'axa'te nachi huo'o so lta'adaic cotaxac souaxat da l'aqtac ñi Dios.

Nuevo Testamento Toba Sombrero Negro

²³ Jaa'me jaajo' noloqo'ote 'uo ga'me cotaĝac di'me Éfeso yajouaĝat da'me dojo' dalaĝaic nadiquiyaĝac.

La'aqtaqa Ñim Lo'onatac 'Enauacna 2013

²³ Qaq se'esoua na'axa'te, nache huo'o so lta'araic cotaxac souaxat da la'aqtac Ñim Lo'onatac 'Enauacna.

Hechos 19:23 Referans Kwoze

Hechos 24:22

Qaq co'ollaq hua'aqchigui de'eda so nta'a Félix, qaq somayi yi ÿataqta ÿaÿateeta da llic nam i'amaqteetac so Jesús, nachi somayi nañaxaañi naq'en so ntaxaÿaxac. Nachi 'enapeco': –Qom ivita da nvi' ca huataxanaq lta'a Lisias, nachi qaltaq huo'o qome ca saÿaten de'eda qancotaitapigui.

Hechos 19:9

Qalaxayi huo'o na i'añaxattaguilo naua lquiyaqte da sa ishit da da'amqajnataxan; chaqdata da ÿataqta sa iyacnapec da n'aqtac da detaxaÿa, hua'aqtac naq'en na shiÿaxauapi. Nachi so Pablo ca'ai somayipi, nachi ÿauec som da'amqajnataxanpi, ÿauega aca lapaxaguenataxanaxaqui som l'enaxat Tirano. Qaq huaña, nachi ica'n naua na'axa'te da da'aqtaxaatac.

Hechos 9:2

Nachi iÿaxanot somayi, da yaqto' ÿanem aca lmalate ca l'aqtac, da yaqto' so Saulo nqo'ona aca laponaxaqui na judiopi mayi naña yi Damasco, da ÿi'iguena'a nam quetague' da n'aqtac, da nauega yi Jerusalén da yaqto' qaicoñi', nai'ctaxa da ÿallippi, huo'otaq 'alpi.

2 Corintios 6:9

Qataq huo'o da qoÿiitega qomi' sa qaÿauatto'n, qataq huo'o da qoÿiitega da qomi' nauattonataqa. Qataq huo'o da souaqaigui da lchic da nleuaxa, qalaxayi ñaqaiyita ña yica'alaqtauec. Huo'o da qomi' qaiuaxaata'pe, qalaxayi sa ishit da qomi' qaÿalaua't.

Hechos 24:14

Qalaxayi aÿim ñi'axatta da aÿim so'onataxaatacot ñim Dios so hua'au ita'alpi, qalaxayi aÿim shictague' de'eda dalaxaic ñiquiaxac mayi namayipi ÿamata'ac da dalaxaic n'amqajnataxanaxac, cha'ayi aÿim sa'amaqten 'enauac nam nanettañi nqataxacpi mayi chigoqo'ot so Moisés qataq som l'aqtaxanaxanecpi ñi Dios.

Hechos 22:4

Qaq aÿim co'ollaxa ÿataqta secaatac nam quetague' de'eda n'aqtac, chochi ivitta'a da huo'o na salauat. Nachi saconeu'a da secoñi' na ÿallippi qataq na 'alpi, da yaqto' sanaigui añi ncoñitaxanaxaqui.

Hechos 18:26

Nachi so Apolo co'ollaq huaigui aca laponaxaqui na judiopi, nachi da'aqtaxaatac qaica ca ñi'itaique. Qalaxayi co'ollaq n'axaÿaxaategalo somayi aso Priscila qataq so Áquila, nachi qandoxotteec da qaÿauec, nachi ÿataqta qai'aqtaxaatem da lliquiaxac da l'onataxanaxac ñi Dios.

2 Corintios 6:5

Cha'ayi qomi' qaiuaxaata'pe, qomi' qaicoñi't, qomi' qaicogaxaata'pe, qataq ÿagueec da qad'onataxanaxac, sa ishit da so'ochaq, qataq soqouataq.

2 Corintios 11:26

Qataq ÿataqta qalota da sequeuotac, qataq ñauane' da lchic na talapi, qataq na cachaxaicpi, qataq na maichi iuo' l'ecpi, qataq nam chigaqa'ague cam lÿa 'alhua. Qataq ñauane' nataq'en da lchic nam la ciudatpi, qataq naua n'onaxayi, qataq ana auaxai. Qataq ñauane' da lchic nam 'eetega qadqaÿañicpi, qalaxayi tenataxanaxaicpi.