Hechos 19:16 - Nuevo Testamento Toba Sur

¹⁶ Nachi se'eso shiÿaxaua mayi huo'o so l'ec leguemaxaic padenaxanoiguilo soomayi, nachi ÿataqta qaica ca 'eneque naq'en, sa iyacna'pe, qataq icolaxatta'pe, huetrauec naq'iñi qataq ique'emaqchi't, nachi soomayi datadeec.

Nuevo Testamento Toba Sombrero Negro

¹⁶ Qanach'e paja'a ñe'me jiyaĝaua jo'ne uetaye ga'me nepaqal 'me ja no'en najouelo ca'li jogaa'me qama'le yataqachiñe ja no'en da'me 'yeteque chayovida'a dajodegue jale'taguelo nataq'aen jalcote gaa'me yedidiñe naa'me loje' da'me quedeuo.

La'aqtaqa Ñim Lo'onatac 'Enauacna 2013

¹⁶ Nache se'eso ỹale maye huo'o so netaigui saqcha'a na'añaxac leguemaxaic parenaxanoiguilo soomaye, nache ỹataqta qaica ca 'eneque naqa'en, sa iyacna'ape, qataq icolaxatta'ape naua alogo, huetraue'c naqa'e'n qataq ique'emaqche't, nache soomaye datare'c.

Hechos 19:16 Referans Kwoze

Lucas 8:29

Qaq 'enapec de'eda somayi, cha'ayi so Jesús ÿamaqtapeguec se'eso n'ec leguemaxaic da ca'ai se'eso shiÿaxaua. Cha'ayi mashi qalotacnaxa da natot naq'en se'eso shiÿaxaua se'eso n'ec leguemaxaic. Nachi na shiÿaxauapi nllañicnaxa somayi da qaicoñidai'salo naua lhua'q qataq naua lchil na lquet, da yaqto' sa dedaÿapigui'. Qalaxayi ñaqaiyita ÿachiapiaxattac, nachi se'eso n'ec leguemaxaic ÿi'iguenaxaneugacnaxa ca tojlec 'alhua.

Marcos 5:15

Qaq co'ollaq qanvita ca hueta'a so Jesús, nachi qailalec so shiÿaxaua mayi huo'o co'ollaxa so l'ecpi da nso'ootañi, huo'oi naua alogo, ÿaÿamaqta. Nachi so shiÿaxauapi ÿataqta ñi'i.

Lucas 8:35

Nachi 'enauac nam shiÿaxauapi demejnaxaneuga cam huaña de'eda. Qaq co'ollaq qaivita ca hueta'a so Jesús, nachi qailalec so shiÿaxaua mayi chigaqaigui se'eso n'ec leguemaxaicpi. Somayi nso'ootañi, neto'oto naua lchil so Jesús, ÿaatrañi soua alogo, qataq mashi ntoueeta. Nachi ÿataqta huo'o da ncolanaxa.

Hechos 3:8

Nachi se'eso shiÿaxaua, somayi ÿataqta npadenaxaashiguem da nachajñi, nachi jec da queuoÿapigui'. Nachi lÿatreuo soomayi da tau'a aso n'onaxanaxaqui. Huaña, nachi queuotapigui', padenaxaatac qataq ÿi'oxodeetac ñi Dios.

Hechos 19:15

Qalaxayi co'ollaq i'o't de'eda, nachi som n'ec leguemaxaic ÿasat, 'eeta': –Aÿim sauatton so Jesús, nataq'en sauattoota so Pablo; qalaq qami', ¿négue't da qoñiita?

Hechos 19:17

Nachi 'enauac na netaña yi Éfeso judío l'ecpi qataq nam sa ishit da judiopi ÿaÿaten de'eda, nachi ÿataqta qalota da lcolanaxa. Nachi namayipi 'eetac da ÿataqta lta'adaic da lli'oxoyic da l'enaxat so qadataxala' Jesús.

2 Pedro 2:19

Namayipi 'eetega da i'axattac da lliquiaxac da achaalataxac mayi ÿataqta huesochiguiñi, qalaxayi namayipi l-latac naua 'onataxaco mayi deshipaxanaqtaxa'n. Cha'ayi ca shiÿaxaua 'eeta'am da l-latac cam loxonec camayi.