Hechos 19:13 - Nuevo Testamento Toba Sur

¹³ Qalaxayi huo'oi soua judío lashi' mayi quetragui na shiÿaxauapi da i'ottrapeguec na n'ecpi leguemaxaic. Nachi soomayi nshitraique da do'onataxaada da l'enaxat so qadataxala' Jesús, da yaqto' i'oldauec na n'ecpi. Nachi soomayi 'eetegalo' na n'ecpi, 'eeta': –Qami' sedolguete da l'enaxat so Jesús mayi i'axattac so Pablo da qoquii.

Nuevo Testamento Toba Sombrero Negro

¹³ Qalaĝaja uo'oe gaa'me judiopi jo'ne quetapegue'to gaa'me naq'aeco yamaĝadegue gaa'me yachiyoĝotauelo ga'me jiyaĝadipi nepaqa'li ja 'noe'n, da'me jetaque t'onataĝata qaedi mach'e yiyamaĝatem da'me lenaĝat ñe'me Jaliaĝanec Jesús; chane'eja eet'oi nale enapegalo gaa'me nepaqa'li: “¡Queda'me lenaĝat ñe'me Jesús, jo'ne nach'eñe Pablo 'yaĝatetac, ami jamaĝalo'te qaedi auenoĝoñeguigui!”

La'aqtaqa Ñim Lo'onatac 'Enauacna 2013

¹³ Qalaxaye huo'oi soua judío lashe' maye quetragui na shiỹaxauapi da ỹo'ottrapeguec na saqcha'a na'añaxac leguemaxaicpi. Nache soomaye nshetraique da do'onataxaara da la'añaxac So Qarataxala' Jesús, da yaqto' ỹo'oldaue'c na saqcha'a na'añaxac leguemaxaicpi. Nache soomaye 'eetegalo' na ne'ecpi, 'eeta': –Qami' seroxoleguete da le'enaxat So Jesús maye ỹa'axattac so Pablo da qoqui.

Hechos 19:13 Referans Kwoze

Mateo 12:27

Qami' qoñiitega da aÿim so'otaxaatega da l'añaxac so Beelzebú, da so'odauec na n'ecpi leguemaxaicpi. Qaq da nachi 'eetec de'eda, nachi ¿négue'to' qone' ca ÿanem da n'añaxac nam qami' quetagueto, da yaqto' i'odauec na n'ecpi? Qaq ÿoqo'oyi namayipi nachina na ichoxot da qami' qauesomiÿapec.

Marcos 9:38

Nachi so Juan 'enapego' somayi, 'eeta': –'Am mayi 'auapaxaguenataxaatac, qomi' huo'o so sauanaqchigui da do'otaxaatega da 'ad'enaxat da i'ottapeguec na n'ecpi, qalaxayi somayi sa ishit da qomi' ÿalegoiguilo, qaq sellaqpeguem da nachi 'eeta'ac de'eda.

Lucas 11:19

Qaq da nachi 'eetec de'eda, qaq ¿négue'to' ca ÿanem nam qami' ca'attagueto ca n'añaxac da yaqto' i'odauec na n'ecpi? Qaq ÿoqo'oyi namayipi nachina na yi'oq da qami' ÿoqta qauesomiÿapec.

Lucas 9:49

Nachi so Juan 'enapeco': –'Am mayi 'auapaxaguenataxaatac, qomi' huo'o so 'oonolec selaqalec da nqattac na n'ec leguemaxaicpi, do'otaxaatega da 'ad'enaxat, qaq sa sashinaxam, cha'ayi sa ishit da ñinaigaqtague'.

Marcos 5:7

Nachi ÿataqta nlamaxaden da 'enapega, 'eeta': –¿Tá'ainco' yi aÿim 'atapegueu'a, 'am Jesús, mayi 'am llalec ñi Dios mayi 'amaqtaqaic? Ñi Dios aÿim ÿauaachigui da 'am ñachoxodeetot da sa ishit qome da 'auauo'o ca ñique'ejnaxac.

Mateo 26:63

Qalaxayi so Jesús sa ishit da ÿasat. Nachi so lta'a na lataxala'pi na ntaxaÿaxanaxanecpi 'enapega somayi, 'eeta': –Seÿaxanot nagui ñi Dios mayi nca'altauec da ÿauo'o qome ca 'anhuaxanaguec qom sa ishit da 'en ca 'ad'aqtac. Ñaq qomi' 'au'aqtaxanema nagui qom 'eesa da nachi'am nta'a nca'alaxaqui mayi 'am llalec ñi Dios.

Hechos 19:14

Qaq 'eda da 'eetec co'ollaxa soua siete llalqa so judío l'ec l'enaxat Esceva, somayi nachi lataxala' na ntaxaÿaxanaxanecpi da qaitaxaÿapegue' ñi Dios.

2 Corintios 11:4

Cha'ayi qami' ÿapacteec da qan'añaxachiiguet nam qami' nvittapegueu'alo mayi i'axattac ca lÿa Jesús mayi saq 'en'am som sa'axataqtac, qataq da qami' qauacoñiiguet ca lÿa espíritu mayi saq 'en'am som mashi qauacoñiiguet, qataq da qauacoñiiguet ca lÿa n'aqtaxanaxac mayi saq 'en'am da mashi sogote qau'aqaichigui.