Hechos 19:10 - Nuevo Testamento Toba Sur

¹⁰ Qaq 'eda da 'eetec, chochi ividaxattrauec soua dos vi'iyi. Nachi ÿataqta 'enauac na netaña yi 'alhua l'enaxat Asia, judiopi qataq nam sa ishit da judiopi, n'axaÿaxaatega da n'aqtaguec so qadataxala' Jesús.

Nuevo Testamento Toba Sombrero Negro

¹⁰ chane'eja naq'aeta da'me ya'uo, nalo'tagueta dos gaa'me 'uoidi, nach'eda eeta da'me ena'uaque gaa'me jo'ne neda'ña di'me aleua jo'ne Asia, ga'me judiopi nataq'aen ga'me ja judiopi domachita da'me 'laqataĝanaĝac ñe'me Jaliaĝanec.

La'aqtaqa Ñim Lo'onatac 'Enauacna 2013

¹⁰ Qaq 'era da 'eetec, choche iviraxattraue'c soua dos vi'iye. Nache ỹataqta 'enauac na netaña ye 'alhua Asia, judiopi qataq nam saishet da judiopi, na'axaỹaxaatega da na'aqtaguec So Qarataxala' Jesús.

Hechos 19:10 Referans Kwoze

Hechos 20:31

Qaq maxatchaxa qome, qanloishiguem, qauennachiÿo' qome soua tres vi'iyi, da ica'n naua na'axa'te qataq naua pe' da qami' saqattegalo, ñoÿiitalec ñi 'oonolec da qoñiita.

2 Timoteo 1:15

Qaq de'eda mashi 'auaÿateetac da aÿim ca'ai 'enauac na netaña yi 'alhua Asia, nataq'iñi soua Figelo qataq so Hermógenes.

Colosenses 3:11

Qaq damayi sa ishit da huo'otaq nachida da yi'oqchigui da judío l'ec ca shiÿaxaua huo'otaq da sa ishit da judío l'ec, huo'otaq ca huo'o ca n'anaxat na l'oc huo'otaq ca qaica ca n'anaxat, qataq ca ÿaqa'a ca chigaqa'ague, huo'otaq nam sa naÿamaxatapec, huo'otaq ca nlatac huo'otaq ca sa nlatac. Cha'ayi so Cristo nachisota 'oonolec, imata 'enauac na shiÿaxauapi.

Gálatas 3:28

Qaq ÿoqo'oyi nagui sa ishit da huo'o ca ÿaqa'a ca lataxac, nai'ctaxa da huo'otaq qami' judío lashi', huo'otaq ca saq judío l'ec, huo'otaq ca nlatac, qataq ca sa nlatac, ÿale, huo'otaq 'alo. Cha'ayi da mashi qan'ayiitau'a so Cristo Jesús, nachi 'enauac da qoñiita 'eeta'am da qami' 'oonolec.

Romanos 10:18

Qalaxayi aÿim senataxan, shiita': ¿Namayipi sa ishit peta'a da hua'axaÿa de'eda n'aqtaxanaxac? ¡'A'i, sogote da hua'aqtega! Cha'ayi naua ñiyigui'shi l'aqtaqa ñi Dios 'eeta': Naua l'aqtaqa so n'aqtaxanaxanecpi ima 'enauac na huetalec ana 'alhua da hua'axaÿa, qataq naua l'aqtaxanaxaco ivida'alo 'enauaque naua pa'atreec laÿil ana 'alhua.

Romanos 10:12

Cha'ayi qaica ca ÿaqa'a ca lataxac da qanca'alaxateec na judiopi qataq nam sa ishit da judiopi. Cha'ayi so qadataxala' nachiso so lataxala' 'enauac namayipi, qataq somayi ÿataqta sa naloqnañi ca ÿanem cam nqouagaxaueetega somayi.

Romanos 1:16

Cha'ayi aÿim sa ishit da yicoqtapeguelec da no'on qad'axaÿaxac, cha'ayi damayi l'añaxac ñi Dios mayi ishit da nca'alaxateec 'enauac cam i'amaqten. Hua'auchiguiñi na judiopi da qanca'alaxateec. Ime, qataq jec na saq judío l'ecpi.

Hechos 16:6

Qaq so Espíritu Santo sa ÿashinema soomayi da i'axa't da n'aqtac yi 'alhua l'enaxat Asia. Qaq ÿoqo'oyi soomayi napactralec yi 'alhua Frigia qataq yi Galacia,

Apocalipsis 1:11

Qaq aÿim 'enapega, 'eeta': –Nachaÿim mayi aÿim l'auaxanec qataq nachaÿim mayi sepa'ateec, shiita'am aca l'auaxana ana leetrapi qataq aca pa'ateec. Qaq 'am 'edelec qome aca nede 'enauac na 'auauaachigui. Ime, qaq 'auamaxalo qome naua siete 'ale'u mayi netalguete na 'amqajnataxanaxaicpi mayi netaigui yi 'alhua Asia: yim Éfeso, Esmirna, Pérgamo, Tiatira, Sardes, Filadelfia, qataq yi Laodicea.

Apocalipsis 1:4

Aÿim Juan, samaxa ana ÿide naua siete 'ale'u mayi netalguete na 'amqajnataxanaxaicpi mayi netaigui yi 'alhua Asia. Qami' ÿaqaÿañicpi, ñishitaique da qami' qauacoñiiguet da nqouagaxanaqtaic qataq da nlagaxayic mayi chigoqo'ot ñi Dios, ñim nachi 'eetai' da huo'o, qataq ñim do'onataxaatac nagui, qataq naÿa'cna. Qataq nataq'en chigoqo'ot nam siete saq cha'api mayi datatau'a ca nso'onqa' ñimayi.

1 Pedro 1:1

Aÿim Pedro, aÿim lamaxashic so Jesucristo, shiyiñi ana ÿide da samaxa 'enauac nam nlagaxattacpi mayi sa ishit da nqajleguete naua lañoqo'te, nam neta'alo yiua 'ale'u Ponto, Galacia, Capadocia, Asia, qataq yi Bitinia.

Hechos 20:18

Qaq co'ollaq mashi lapoota'a't, nachi 'enapego', 'eeta': –Qami' qauaÿajñi da 'eetec da ÿataxac chigoqchiguiña so l'auaxanec na'a'q co'ollaq chita'ague da ñiviteu'a na Asia.

Hechos 19:22

Nachi somayi ÿamaxadegue da Macedonia soua dos lta'u Timoteo qataq so Erasto, qaq somayi ñaq huo'oi soua na'axa'te da ñaq hueta'a yi Asia.

Hechos 19:8

Nachi so Pablo ÿataqta ividaxattreec soua tres ca'agoxoiqa da ÿi'iguelaqtau'a aso laponaxaqui na judiopi da da'aqtaxaatac, qaica ca ñi'itaique, qataq i'axattapeguem somayipi da l'onataxanaxac ñi Dios da ilo'ogue 'enauacna, da yaqto' da'amqajnataxan.

Hechos 18:11

Nachi so Pablo naña yi Corinto so 'oonolec vi'i qataq so laiñi so lÿa vi'i da ÿapaxagueetapeguec somayipi da l'aqtac ñi Dios.

Hechos 18:4

Nachi naxa da iviteuga yi na'a'q mataxaqui, nachi so Pablo tau'a aca laponaxaqui na judiopi, nachi da'aqtaxaatapeguem, qataq nam sa ishit da judiopi, da yaqto' da'amqajnataxan naq'en.

Hechos 2:9

Yi qomi' huo'o nam chigaqa'ague da Partia, qataq da Media, qataq da Elam, qataq da Mesopotamia, qataq da Judea, qataq da Capadocia, qataq da Ponto, qataq yi 'alhua Asia,

Hechos 6:9

Nachi huo'oi soua chigaqa'alo aca laponaxaqui na judiopi mayi qaÿamata'ac laponaxaqui na qaisouec nlatacpi. Qataq so laÿipi huo'o na chigaqa'ague da Cirene, qataq da Alejandría, qataq da Cilicia, qataq yi 'alhua Asia. Nachi somayipi ncotatague' so Esteban.

Hechos 13:12

Nachi so nta'a co'ollaq ÿauaachigui de'eda, nachi da'amqajnataxan, cha'ayi ÿataqta huo'o da l'aalaxa da napaxaguenataxanaxac da qai'axattac so qadataxala' Jesús.

Hechos 19:20

Qaq 'eda da 'eetec da n'aqtaguec so qadataxala' da ÿataqta nquictashiguem, qataq ÿachaxan da l'añaxac.