Hechos 19:1 - Nuevo Testamento Toba Sur

¹ Qaq so Apolo co'ollaq ñaq hueta'a yi Corinto, nachi so Pablo quetaguilo naua 'ale'u mayi saqaÿoqotchiguemque, chochi nvitta'a yi Éfeso. Nachi huaña, qaq huo'o so ilalecpi 'amqajnataxanaxaicpi.

Nuevo Testamento Toba Sombrero Negro

¹ Mane'e ca'li cha'li ue'ta di'me Corinto ñe'me Apolo, Pablo talegue ga'me aleua jo'ne uo'oe gaa'me qajoĝona'a qama'le yovita di'me Éfeso, ua'a da'me yauanalo gaa'me qayoĝode' jo'ne p'etaqadayaqa.

La'aqtaqa Ñim Lo'onatac 'Enauacna 2013

¹ Qaq so Apolo co'ollaq ñaq hueta'a ye nỹecpi ye Corinto, nache so Pablo quetaguilo naua 'aleu' maye netaleguete ana qaỹoqotcheguemec 'alhuapi, choche nvitta'a ye nỹecpi ye Éfeso. Nache huaña yemaye, qaq huo'oi soua ilaleguete maye ỹa'amaqteetrac So Lca'aguishec Ñim Lo'onatac 'Enauacna,

Hechos 19:1 Referans Kwoze

1 Corintios 16:12

Qaq so qadqaÿa Apolo ÿataqta qalota da ñachoxonnaxac da ñaq ca'attoiguilo soua qadqaÿa't da qami' nauaato, qalaxayi somayi sa ishit da jec nagui. Qalaxayi jec qom ivita da huo'o ca ldaqa'.

1 Corintios 1:12

Qaq ÿoqo'oyi yi'oqta da qoñiita da ÿotta'a't naua qadtaxaÿaxacolli'. Cha'ayi huo'o na 'eeta': “Aÿim ÿataxala' so Pablo;” qataq huo'o na 'eeta': “Aÿim ÿataxala' so Apolo;” qataq huo'o na 'eeta': “Aÿim ÿataxala' so Pedro;” qataq huo'o na 'eeta': “Aÿim ÿataxala' so Cristo.”

Hechos 18:1

Qaq co'ollaq ime de'eda, nachi so Pablo ca'ai yi Atenas da taigue da la ciudad Corinto.

Hechos 18:8

Qaq so Crispo mayi ilotague' aso naponaxaqui, somayi qataq 'enauac so llalaqpi i'amaqten so qadataxala'. Nataq'en qalota nam shiÿaxauapi mayi lma' yi Corinto co'ollaq hua'axaÿa da n'aqtac, nachi da'amqajnataxan, nachi 'enauac qanachilaxan.

Hechos 19:17

Nachi 'enauac na netaña yi Éfeso judío l'ecpi qataq nam sa ishit da judiopi ÿaÿaten de'eda, nachi ÿataqta qalota da lcolanaxa. Nachi namayipi 'eetac da ÿataqta lta'adaic da lli'oxoyic da l'enaxat so qadataxala' Jesús.

Hechos 19:26

Qalaxayi qami' mashi qauauañiichigui, qataq qau'aqaichigui da se'eso Pablo somayi 'eetega da na nqolacpi mayi maichi l'onatac na shiÿaxauapi, namayipi sa ishit da ÿoqta 'en da deca'alaqtaxan. Qaq somayi ÿataqta qalota na ÿañoxot da i'amaqten dam 'eetega, qaq sa ishit da chaqnata na Éfeso, nataq'en 'enauaque naua 'ale'u na Asia.

Hechos 20:16

Qaq 'eda da 'eetec da qoyiquiaxac, cha'ayi so Pablo nachi lhuennataxac co'ollaxa da sa ishit da ÿoqta hua'a yi Asia, nachi sa ishit da ipagueu'a yi Éfeso. Cha'ayi somayi nshitaique da saqaÿaloq da ividegue da Jerusalén, da yaqto' hueta'a yimayi ca na'a'q Pentecostés, da huo'otaq ishit da ÿañoxot.

Hechos 20:18

Qaq co'ollaq mashi lapoota'a't, nachi 'enapego', 'eeta': –Qami' qauaÿajñi da 'eetec da ÿataxac chigoqchiguiña so l'auaxanec na'a'q co'ollaq chita'ague da ñiviteu'a na Asia.

Hechos 21:29

Qaq soomayi 'eedapec de'eda, cha'ayi ÿauaachiyigui co'ollaxa so Pablo huaigui so la ciudad da nnaictague' so Trófimo, som l'ec yi Éfeso. Nachi qaipi'itaxaatega da so Pablo ÿauegoigui aso n'onaxanaxaqui somayi.

1 Corintios 4:6

Qami' ÿaqaÿa't, de'eda qami' sa'axatema, damayi maichi qadaÿamqai. Saloqnaxaatapigui so Apolo qataq aÿim, yaqto' qami' ishit da qauachigoqoichigui da shinaqta da qauaÿajñi da sa ishit da qanapaquiÿapeguelguete naua ñiyigui'shi n'aqtaqa, yaqto' qaica ca n'amaqchiitacot ca lÿa, qaq ca lÿa i'otan.

1 Corintios 15:32

Aÿim 'eeta'am da ÿataqta selogui' na shiguiÿacpi co'ollaq soota'a na Éfeso, qalaxayi ¿negue'tom ca sachigoxotaigui damayi? Da huo'otaq sa ishit da 'en da nca'aleec qanqoÿin na leuaxaicpi, qaq ÿoqta 'eesa quenaxa da n'aqtac mayi 'eeta': “Sequi'aq qataq ñiÿomaq, cha'ayi qome nte' seleuaq.”

1 Corintios 16:8

Qalaxayi sauotaique da sonaña qome yi Éfeso, sovidaxattauga ca na'a'q Pentecostés,

Efesios 1:1

Aÿim Pablo, da ñamaxasaguec chigoqtot ñi Dios da ÿauo'o aÿim lamaxashic naq'en so Jesucristo. Qaq qami' samaxalo ana ÿide, qami' mayi qami' lalamqa'te ñi Dios qataq qau'amaqchiñiitac so Cristo Jesús, mayi qoñiitaña na la ciudad Éfeso.