Hechos 18:8 - Nuevo Testamento Toba Sur

⁸ Qaq so Crispo mayi ilotague' aso naponaxaqui, somayi qataq 'enauac so llalaqpi i'amaqten so qadataxala'. Nataq'en qalota nam shiÿaxauapi mayi lma' yi Corinto co'ollaq hua'axaÿa da n'aqtac, nachi da'amqajnataxan, nachi 'enauac qanachilaxan.

Nuevo Testamento Toba Sombrero Negro

⁸ Choqoñe'me Crispo 'me yelolegue ga'me nemaĝaiqui p'iya'a ñe'me Jaliaĝanec, nataq'aen yemeda ga'me mach'e c'oqo'tepi. Nataq'aen nach'e ena'am qayoĝode' gaa'me Corinto laje', ca'li domachita da'me 'naqataĝanaĝac, p'iida'a qama'le qonachilaĝa'n.

La'aqtaqa Ñim Lo'onatac 'Enauacna 2013

⁸ Qaq so Crispo maye ilotague' aso paxaguenaxaqui, somaye qataq 'enauac som netaña ye lma' ỹa'amaqten So Qarataxala' Jesús. Nataqa'en qalota nam shiỹaxauapi maye lma' ye nỹecpi ye Corinto, co'ollaq hua'axaỹa da la'aqtaxanaxac so Pablo, nache da'amqaanataxan, nache 'enauac qanachelaxan.

Hechos 18:8 Referans Kwoze

Hechos 11:14

Qaq ñimayi qome 'am i'axatem da 'eetec, da yaqto' 'am 'anca'aleec qataq 'enauac nam 'ai'alaqpi.”

Hechos 8:12

Qalaxayi co'ollaq qai'amaqten dam no'on qad'axaÿaxac mayi i'axattapeguem somayipi so Felipe co'ollaq i'axattac da ilo'ogue 'enauacna ñi Dios, qataq i'axattac da l'enaxat so Jesucristo, nachi huo'o na ÿallippi qataq na 'alpi na da'amqajnataxan, nachi qanachilaxan.

Hechos 18:17

Nachi 'enauac nam griego l'ecpi ÿaconeu'a so Sóstenes som nataxala' aca naponaxaqui, nachi ÿataqta qaiuaxaatac, ÿauaachigui qanqoÿin so nta'a Galión. Qalaxayi somayi sa ishit da ÿoqochitega de'eda.

Hechos 16:34

Qaq co'ollaq ime, nachi ÿauegueu'alo soomayi ca lma', nachi iqui'axaata'pe. Nachi somayi nataq'en so llalaqpi ÿataqta machiguiñi, souaxat da i'amaqten ñi Dios.

Hechos 13:15

Qaq co'ollaq ime da qaitaxaÿaxaatac aso lede so Moisés mayi huetalec na nqataxacpi qataq asom lede som l'aqtaxanaxanecpi ñi Dios, nachi soua nataxala'te asom naponaxaqui, soomayi 'enapegalo soua Pablo, 'eeta': –Qami' qadqaÿa't, da huo'o ca qadqataxaqui, nachi no'on da qau'axachiim nagui na shiÿaxauapi.

Hechos 10:2

Qaq se'eso shiÿaxaua qataq 'enauac so llalaqpi quetague' ñi Dios qataq ÿataqta ñi'iÿa ñimayi. Somayi nataq'en ÿataqta qalota añi ÿaneec alom da itauaatac na judiopi qataq nachi 'eetai' da nqouagaxaueetacot ñi Dios.

Marcos 5:35

Qaq co'ollaq ña detaqtac so Jesús, nachi huo'oi soua nvi't, chigoqda'a so lma' som lataxala' aca laponaxaqui na judiopi. Nachi qai'aqtaxanem som lta'a aso nogotole, qoÿiita': –Ayi 'ai'ale mashi saqaca, qaq ÿoqo'oyi ¡shapeco' da 'audaatapigui' nam dapaxaguenataxaatac!

Marcos 5:22

Nachi nvi' so 'oonolec nam nataxala'pi, somayi ilotague' aso laponaxaqui na judiopi, l'enaxat da Jairo. Qaq co'ollaq ila'a so Jesús, nachi i'adoto naua l-llicte.

Mateo 28:19

Qaq ÿoqo'oyi nagui qanqo'oñiÿa qome na ÿotta'a't shiÿaxauapi da qauauo'oi ñallippi, qauachilaxanataxañiÿa qome da l'enaxat ñi qadta'a, qataq na llalec, qataq so Espíritu Santo.

Hechos 18:1

Qaq co'ollaq ime de'eda, nachi so Pablo ca'ai yi Atenas da taigue da la ciudad Corinto.

Hechos 19:1

Qaq so Apolo co'ollaq ñaq hueta'a yi Corinto, nachi so Pablo quetaguilo naua 'ale'u mayi saqaÿoqotchiguemque, chochi nvitta'a yi Éfeso. Nachi huaña, qaq huo'o so ilalecpi 'amqajnataxanaxaicpi.

1 Corintios 1:2

Qaq nagui qami' samaxalo ana ÿide, qami' ÿaqaÿañicpi mayi qau'amaqchiñiitac ñi Dios, mayi qoñiitaña na la ciudad Corinto. Qami' lalamqa'te ñi Dios, cha'ayi qan'ayiitau'a so Cristo Jesús. Ñi Dios iÿaxana da ÿauotaique da qui'itta naq'en da qanachaalataxaqui, nataq'en 'enauac na neta'alo naua lÿa't 'ale'u mayi nqouagaxaueetacot so qadataxala' Jesucristo, som lataxala' namayipi, nataq'en qomi'.

2 Corintios 1:1

Aÿim Pablo, de'eda ñamaxasaguec chigoqtot ñi Dios da ÿauo'o aÿim lamaxashic naq'en so Jesucristo. Aÿim hueta'aguet ñi qadqaÿa Timoteo. Qaq nagui qami' samaxalo ana ÿide, qami' ÿaqaÿañicpi mayi qau'amqchiñiitac ñi Dios, mayi qoñiitaña na la ciudad Corinto, qataq nataq'en 'enauac na lalamaxatpi ñi Dios mayi netalec yi 'alhua Acaya.

2 Corintios 1:23

Qaq aÿim huo'o da iuennataxa da qami' ñamaqtegalo. Qalaxayi saxanaxa da ishit da qami' shi'iguelaxalo, souaxat da yaqto' sa ishit da sauo'o ca qanhuaxanaguiiqui. Qaq damayi ÿaÿateeta ñi Dios. Qaq da sa ishit da nachi 'eetec de'eda, qaq nai'ctaxa da qanqat da ñachaalataxac.

2 Corintios 6:11

Qami' qadqaÿa't mayi qadmayi na Corinto, qomi' ÿataqta qaica ca sauoqtaique da qami' setaxasoxoiguilo, ÿataqta imauec da qadquiyaqteÿaxac da qaica ca 'oonolec soxotaqtapiguiñi.

2 Timoteo 4:20

Qaq so Erasto n'onaña yi Corinto, qaq so Trófimo ñi'onaxataña yi Mileto, souaxat da sa no'on.